ജോ​ലി വാ​ഗ്ദാ​നം ചെ​യ്ത്​ പ​ണം ത​ട്ടി​യ കേസ്‌; അഖിൽ സജീവിനെതിരെ കൊല്ലത്ത്​ 48.62 ലക്ഷത്തിന്‍റെ തട്ടിപ്പ്​ കേസ്

കൊ​ല്ലം: ആ​രോ​ഗ്യ​വ​കു​പ്പി​ൽ ജോ​ലി വാ​ഗ്ദാ​നം ചെ​യ്ത്​ പ​ണം ത​ട്ടി​ച്ച കേ​സി​ൽ പ്ര​തി​സ്ഥാ​ന​ത്തു​ള്ള പ​ത്ത​നം​തി​ട്ട സി.​ഐ.​ടി.​യു ഓ​ഫി​സ്​ മു​ൻ സെ​ക്ര​ട്ട​റി അ​ഖി​ൽ സ​ജീ​വ​ൻ കൊ​ല്ല​ത്ത്​ 48.62 ല​ക്ഷ​ത്തി​ന്‍റെ ത​ട്ടി​പ്പ്​ കേ​സി​ൽ മൂ​ന്നാം​പ്ര​തി.

കൊ​ല്ല​ത്തു​ള്ള ത​ട്ടി​പ്പ്​ കേ​സി​ൽ പ​രാ​തി ന​ൽ​കി​യ​യാ​ൾ​ക്ക്​​ ന​ഷ്ട​മാ​യ​ത്​ 48.62 ല​ക്ഷം. അ​ഖി​ൽ സ​ജീ​വ​ൻ ഉ​ൾ​പ്പെ​ടെ മൂ​ന്ന്​ പേ​ർ പ്ര​തി​ക​ളാ​ക്കി​ കു​റ്റ​പ​ത്രം സ​മ​ർ​പ്പി​ച്ച കേ​സ് കോ​ട​തി​യു​ടെ പ​രി​ഗ​ണ​ന​യി​ലാ​ണ്. മ​ക​ന്​ കെ​ൽ​ട്രോ​ണി​ൽ ​ജോ​ലി ശ​രി​യാ​ക്കാ​മെ​ന്ന്​ വി​ശ്വ​സി​പ്പി​ച്ച്​ 2021ൽ ​കൊ​ല്ലം സ്വ​ദേ​ശി​യാ​യ കേ​ന്ദ്ര സ​ർ​ക്കാ​ർ മു​ൻ ഉ​ദ്യോ​ഗ​സ്ഥ​ന്‍റെ കൈ​യി​ൽ​നി​ന്ന്​ സം​ഘം പ​ണം ത​ട്ടി​യ​താ​ണ്​ കേ​സ്.

ക​ഴി​ഞ്ഞ വ​ർ​ഷം മേ​യി​ൽ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ കൊ​ല്ലം വെ​സ്റ്റ്​ പൊ​ലീ​സ്​ വെ​ഞ്ഞാ​റ​മൂ​ട്​ സ്വ​ദേ​ശി ശി​വ​ൻ, പ​ത്ത​നം​തി​ട്ട കൂ​ട​ൽ നെ​ടു​മ​ൺ​കാ​വ്​ വി​ള​യി​ൽ വീ​ട്ടി​ൽ ശ​ര​ത്, അ​ഖി​ൽ സ​ജീ​വ​ൻ എ​ന്നി​വ​രെ പ്ര​തി​ക​ളാ​ക്കി​യാ​ണ്​ കേ​സെ​ടു​ത്ത​ത്.

എ​ന്നാ​ൽ, അ​ന്വേ​ഷ​ണ​ത്തി​ൽ ശി​വ​നെ​ന്ന പേ​രി​ൽ വി​ളി​ച്ച​ത്​ പ​ത്ത​നം​തി​ട്ട കു​ന്ന​ത്തു​ക​ര സ്വ​ദേ​ശി ആ​രോ​മ​ൽ ബാ​ന​ർ​ജി ആ​ണെ​ന്ന്​ ക​ണ്ടെ​ത്തി പൊ​ലീ​സ്​ ​പ്ര​തി​ചേ​ർ​ത്തു. മൂ​ന്നാം​പ്ര​തി​യാ​യ അ​ഖി​ൽ സ​ജീ​വ​ൻ ജി​ല്ല കോ​ട​തി​യി​ൽ മു​ൻ​കൂ​ർ ജാ​മ്യാ​പേ​ക്ഷ ന​ൽ​കി​യെ​ങ്കി​ലും ത​ള്ളി​യി​രു​ന്നു. ഹൈ​കോ​ട​തി ഇ​ട​ക്കാ​ല ജാ​മ്യം അ​നു​വ​ദി​ച്ചെ​ങ്കി​ലും ഇ​യാ​ൾ അ​ത്​ എ​ടു​ത്തി​ല്ല.

തു​ട​ർ​ന്ന്​ ജാ​മ്യം റ​ദ്ദാ​കു​ക​യും പ്ര​തി സു​പ്രീം​കോ​ട​തി​യെ സ​മീ​പി​ക്കു​ക​യും ചെ​യ്ത​താ​യി ഇ​യാ​ൾ​ക്ക്​ വേ​ണ്ടി ഹാ​ജ​രാ​യ അ​ഭി​ഭാ​ഷ​ക​ൻ ചാ​ൾ​സ്​ പ​റ​ഞ്ഞു. സു​പ്രീം​കോ​ട​തി കേ​സ്​ പ​രി​ഗ​ണി​ക്ക​വേ​യാ​ണ്​ അ​ന്വേ​ഷ​ണം പൂ​ർ​ത്തി​യാ​ക്കി വെ​സ്റ്റ്​ പൊ​ലീ​സ്​ കു​റ്റ​പ​ത്രം സ​മ​ർ​പ്പി​ച്ച​ത്.

പ്ര​തി ഒ​ളി​വി​ലാ​ണെ​ന്നാ​ണ്​ പൊ​ലീ​സ്​ ചൂ​ണ്ടി​ക്കാ​ട്ടി​യ​ത്. കേ​സി​ൽ വി​ചാ​ര​ണ ആ​രം​ഭി​ച്ചി​ട്ടി​ല്ല. സം​ഭ​വ​ത്തി​ൽ പ​ണം തി​രി​കെ ല​ഭി​ക്കാ​നാ​യി പ​രാ​തി​ക്കാ​ര​ൻ സി​വി​ൽ കേ​സും ഫ​യ​ൽ ചെ​യ്തി​ട്ടു​ണ്ട്.