ശാസ്താംകോട്ട: ജലക്ഷാമം അനുഭവപ്പെട്ടിട്ടും കുന്നത്തൂരിൽ കനാൽ തുറക്കാൻ നടപടിയിെല്ലന്ന് പരാതി. ഒരു മാസം മുമ്പ് തന്നെ കല്ലട പദ്ധതിയുടെ വലതുകര കനാൽ തുറന്നങ്കിലും ശാസ്താംകോട്ട മേഖലയിലെ ഉപകനാലുകൾ തുറക്കാത്തതാണ് ഇപ്പോഴത്തെ പ്രതിസന്ധിക്ക് കാരണം. ഇത് മൂലം പോരുവഴി, ശാസ്താംകോട്ട, ശൂരനാട് വടക്ക്, ശൂരനാട് തെക്ക്, മൈനാഗപ്പള്ളി തുടങ്ങിയ പഞ്ചായത്തുകളിൽ രൂക്ഷമായ കുടിവെള്ള ക്ഷാമമാണ്. മുൻ വർഷങ്ങളിൽ ജനുവരിയിൽ തന്നെ കനാൽ തുറന്നിരുന്നു. എന്നാൽ ഈ വർഷം ഫെബ്രുവരി പകുതി ആയിട്ടും കനാൽ തുറന്നിട്ടില്ല. കനാൽ തുറക്കുമെന്ന പ്രതിക്ഷയിൽ പാടശേഖരങ്ങളിലടക്കം വിവിധ മേഖലകളിൽ കൃഷി ഇറക്കിയ കർഷകരും ജലദൗർലഭ്യം മൂലം വലയുകയാണ്. കനാലുകൾ വൃത്തിയാക്കാത്തതാണ് വൈകലിന് കാരണമെന്ന് കെ.ഐ.പി അധികൃതർ പറയുന്നു. കഴിഞ്ഞ ഏതാനും വർഷമായി പഞ്ചായത്തുകൾ തൊഴിലുറപ്പ് പദ്ധതി പ്രകാരമാണ് കനാൽ വൃത്തിയാക്കിയിരുന്നത്. എന്നാൽ ഇപ്രാവശ്യം പഞ്ചായത്തുകൾ ഇതിന് തയാറായില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.