കൊല്ലം: ഭാരതീയ യുക്തിവാദി സംഘത്തിന്റെ സമ്മേളനം ഞായറാഴ്ച രാവിലെ 10ന് എറണാകുളം ശിക്ഷക്സദനില് സംസ്ഥാന ജനറൽ സെക്രട്ടറി ശ്രീനി പട്ടത്താനം ഉദ്ഘാടനം ചെയ്യും. ജില്ല പ്രസിഡന്റ് ജോര്ജ് പുല്ലാട്ട് അധ്യക്ഷത വഹിക്കും. കാപ്പാട് കെ.കെ. അബ്ദുല് അലി, അഡ്വ. കെ.കെ. രാധാകൃഷ്ണന്, പ്രഫ. എന്.എ. ഹമീദ്, ഡോ. അബ്ദുല് ഗഫൂര് തുടങ്ങിയവര് സംസാരിക്കും. 11.30 മുതല് 'മതം വിട്ടവരും യുക്തിവാദികളും' എന്ന വിഷയത്തില് സെമിനാര് നടക്കും. ഉച്ചക്ക് രണ്ടിന് 'മതേതര കലാസാഹിത്യം എന്ത്' എന്ന വിഷയത്തില് ചര്ച്ചാ സമ്മേളനം ഡോ. ശശികുമാര് പുറമേരി ഉദ്ഘാടനം ചെയ്യും. ചേപ്പാട് രാജേന്ദ്രന് വിഷയം അവതരിപ്പിക്കും. അപേക്ഷ ക്ഷണിച്ചു കൊല്ലം: സംസ്ഥാന സിവിൽ സർവിസ് അക്കാദമി കൊല്ലം ഉപകേന്ദ്രത്തിൽ ഡിഗ്രി, പ്ലസ്-വൺ, പ്ലസ്-ടു, ഹൈസ്കൂൾ വിദ്യാർഥികൾക്കുള്ള സിവിൽ സർവിസ് പരിശീലന ക്ലാസിലേക്ക് അപേക്ഷ ക്ഷണിച്ചു. ഡിഗ്രി വിദ്യാർഥികൾക്ക് ദീർഘകാല പരിശീലന കോഴ്സിലേക്ക് ചേരാം. ഹൈസ്കൂൾ, ഹയർ സെക്കൻഡറി വിദ്യാർഥികൾ ടാലൻറ് ഡെവലപ്പ്മെന്റ്, സിവിൽ സർവിസ് ഫൗണ്ടേഷൻ എന്നീ കോഴ്സുകളിലേക്കും ചേരാം. kscsa.org എന്ന വെബ്സൈറ്റിൽ ഓൺലൈനായി രജിസ്റ്റർ ചെയ്ത് ജൂൺ 15 വരെ ഫീസ് അടക്കാം. രജിസ്ട്രേഷൻ പൂർത്തീകരിച്ചശേഷം കൊല്ലം ഉപകേന്ദ്രത്തിൽ റിപ്പോർട്ട് ചെയ്യണം. കഴിഞ്ഞവർഷം പഠിച്ചവർ ഈ കോഴ്സുകളിൽ വീണ്ടും രജിസ്റ്റർ ചെയ്ത് ഫീസ് അടക്കണം. വിശദ വിവരങ്ങൾക്ക്: 0474-2967711, 9446772334, 9605325383. website: kscsa.org
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.