പറവൂർ: കൊത്തലെൻഗോ പള്ളിയിൽ മോഷണം നടത്തിയ കേസിൽ ഉടുമ്പന്‍ചോല ചക്കിയാങ്കല്‍ വീട്ടില്‍ പത്മനാഭന്‍ (63) അറസ്റ്റിലായി. പൊൻകുന്നത്ത് മറ്റൊരു കേസിൽ പ്രതിചേർക്കപ്പെട്ട ഇയാളെ ചോദ്യം ചെയ്യുന്നതിനിടെയാണ് കൊത്തലെൻഗോ പള്ളിയിൽ മോഷണം നടത്തിയ കാര്യം ഇയാൾ സമ്മതിച്ചത്.
ഏപ്രിൽ 20ന് പള്ളിയുടെ വാതിൽ തകർത്ത് അകത്തു കയറിയ ഇയാൾ അഞ്ച് കാണിക്കവഞ്ചികൾ കുത്തിത്തുറന്ന് 35,000 രൂപയാണ് മോഷ്ടിച്ചത്. പള്ളിയിലെ മോഷണ ശേഷം തൊട്ടടുത്ത വർക് ഷോപ്പിൽ കയറി 4000 രൂപയും കവർന്നു.
ഏപ്രിൽ 24ന് തട്ടാംപടിയിലെ പള്ളിയിൽ കവർച്ച നടത്തിയ കേസിലും ഇയാളെ അറസ്റ്റ് ചെയ്തിരുന്നു. തെളിവെടുപ്പ് പൂർത്തിയാക്കിയശേഷം പൊൻകുന്നം സബ് ജയിലിലേക്ക് മാറ്റി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.