ജില്ല അക്വാറ്റിക് കോംപ്ലക്‌സ് കം സ്വിമ്മിങ് പൂള്‍: സ്ഥല പരിശോധന നടത്തി

കാസര്‍കോട്: ജില്ലയിൽ എച്ച്.എ.എല്ലി​‍ൻെറ (ഹിന്ദുസ്ഥാന്‍ എയറോനോട്ടിക്‌സ് ലിമിറ്റഡ്) സാമൂഹിക പ്രതിബദ്ധത നിധിയിലുൾപ്പെടുത്തി നിർമിക്കുന്ന ജില്ല അക്വാറ്റിക് കോംപ്ലക്‌സ് കം സ്വിമ്മിങ് പൂള്‍ പ്രോജക്ടി​‍ൻെറ സ്ഥല പരിശോധന എച്ച്.എ.എല്‍ ലക്‌നോ കോംപ്ലക്‌സ് അഡീഷനല്‍ ജനറല്‍ മാനേജര്‍ കെ. ചന്ദ്രകാന്തി​‍ൻെറ നേതൃത്വത്തില്‍ നടത്തി. ജില്ലയില്‍ സര്‍ക്കാറി​‍ൻെറയോ തദ്ദേശ ഭരണ സ്ഥാപനങ്ങളുടെയോ വകയായി ജനങ്ങള്‍ക്ക് നീന്തല്‍കുളവും പരിശീലന കേന്ദ്രവും ഇല്ലാത്ത സാഹചര്യത്തിലാണ് ജില്ല ഭരണകൂടം കാസര്‍കോട് നഗരസഭയുടെ സഹകരണത്തോടെ നീന്തല്‍ പരിശീലനത്തിന് പദ്ധതി തയാറാക്കിയത്. 1.5 കോടി എസ്​റ്റിമേറ്റില്‍ തയാറാക്കിയിരിക്കുന്ന പദ്ധതിക്ക് അംഗീകാരം ലഭിക്കുന്നതോടെ മേയ് മാസം പദ്ധതി ആരംഭിക്കാന്‍ കഴിയുമെന്ന് കലക്ടര്‍ പറഞ്ഞു. സ്ഥല പരിശോധനയില്‍ ജില്ല കലക്ടര്‍ ഡോ. ഡി. സജിത്ത് ബാബു, എച്ച്.എ.എല്‍ കാസര്‍കോട് യൂനിറ്റ് അഡീഷനല്‍ ജനറല്‍ മാനേജര്‍ എ.വി. മുരളീകൃഷ്ണ, ഫിനാന്‍സ് ഓഫിസര്‍ കെ. സതീശന്‍, എച്ച്.എ.എല്‍ ഡി.ജി.എം സജി, മാനേജര്‍ മോഹന്‍ രാജ് എന്നിവര്‍ സംബന്ധിച്ചു. PRD (സ്വിമ്മിങ് പൂള്‍) ജില്ല അക്വാറ്റിക് കോംപ്ലക്‌സ് കം സ്വിമ്മിങ് പൂള്‍ പ്രോജക്ടി​‍ൻെറ സ്ഥല പരിശോധന എച്ച്.എ.എല്‍ ലക്‌നോ കോംപ്ലക്‌സ് അഡീഷനല്‍ ജനറല്‍ മാനേജര്‍ കെ. ചന്ദ്രകാന്തി​‍ൻെറ നേതൃത്വത്തില്‍ നടക്കുന്നു

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.

access_time 2024-05-05 07:17 GMT