ആറളം ഫാമിലെ വൈദ്യുതി തൂക്കുവേലി കാട്ടാന തകർത്തു

പേ​രാ​വൂ​ർ: ല​ക്ഷ​ങ്ങ​ൾ മു​ട​ക്കി ആ​റ​ളം ഫാ​മി​ലെ കൃ​ഷി​യി​ട​ത്തെ കാ​ട്ടാ​ന​ക​ൾ നി​ന്നും ര​ക്ഷ​പ്പെ​ടു​ത്താ​ൻ സ്ഥാ​പി​ച്ച വൈ​ദ്യു​തി തൂ​ക്കു​വേ​ലി കാ​ട്ടാ​ന​ക്കൂ​ട്ടം വ്യാ​പ​ക​മാ​യി ത​ക​ർ​ത്തു. ക​ഴി​ഞ്ഞ ഒ​രാ​ഴ്ച​ക്കി​ടെ മൂ​ന്ന് ദി​വ​സ​ങ്ങ​ളി​ലാ​യാ​ണ് ആ​ന​ക്കൂ​ട്ടം വേ​ലി ത​ക​ർ​ത്ത​ത്. പാ​ല​പ്പു​ഴ​യി​ൽ​നി​ന്ന് കീ​ഴ്പ്പ​ള്ളി​യി​ലേ​ക്ക് പോ​കു​ന്ന റോ​ഡി​നോ​ടു ചേ​ർ​ന്ന് ഫാ​മി​ന്റെ ര​ണ്ടാം ബ്ലോ​ക്കി​ന് സം​ര​ക്ഷ​ണം തീ​ർ​ക്കാ​ൻ സ്ഥാ​പി​ച്ച വേ​ലി​യാ​ണ് ആ​ന​ക്കൂ​ട്ടം ത​ക​ർ​ത്ത​ത്. കൃ​ഷി വ​കു​പ്പി​ന്റെ സ​ഹ​ക​ര​ണ​ത്തോ​ടു​കൂ​ടി ഫാ​മി​ൽ ന​ട​പ്പി​ലാ​ക്കി​വ​രു​ന്ന കൃ​ഷി സം​ര​ക്ഷ​ണ​ത്തി​ന്റെ ഭാ​ഗ​മാ​യാ​ണ് വൈ​ദ്യു​തി വേ​ലി സ്ഥാ​പി​ച്ച​ത്. 20 ല​ക്ഷ​ത്തോ​ളം രൂ​പ​യാ​ണ് ഇ​തി​നാ​യി ചെ​ല​വ​ഴി​ച്ച​ത്.

ഫാ​മി​ൽ നി​ന്നും പു​ന​ര​ധി​വാ​സ മേ​ഖ​ല​യി​ൽ​നി​ന്നും ക​ഴി​ഞ്ഞ ദി​വ​സ​ങ്ങ​ളി​ലാ​യി എ​ഴു​പ​തോ​ളം കാ​ട്ടാ​ന​ക​ളെ വ​ന​ത്തി​ലേ​ക്ക് തു​ര​ത്തി​യെ​ന്ന് വ​നം വ​കു​പ്പ് പ​റ​യു​ന്നു​ണ്ടെ​ങ്കി​ലും മേ​ഖ​ല​യി​ൽ ആ​ന ശ​ല്യ​ത്തി​ന് ഒ​ര​റു​തി​യും ഉ​ണ്ടാ​യി​ട്ടി​ല്ല. ക​ശു​വ​ണ്ടി ശേ​ഖ​രി​ക്കു​ന്ന തൊ​ഴി​ലാ​ളി​ക​ൾ ഉ​ൾ​പ്പെ​ടെ ഫാ​മി​ലെ തൊ​ഴി​ലാ​ളി​ക​ൾ എ​ല്ലാം ഭീ​തി​യോ​ടെ​യാ​ണ് തൊ​ഴി​ലെ​ടു​ക്കു​ന്ന​ത്.

ഫാ​മി​ന്റെ വി​വി​ധ ബ്ലോ​ക്കു​ക​ളി​ലാ​യി 30ഓ​ളം കാ​ട്ടാ​ന​ക​ളു​ണ്ടെ​ന്നാ​ണ് പ​റ​യ​പ്പെ​ടു​ന്ന​ത്. ആ​ന​മ​തി​ൽ പൂ​ർ​ത്തി​യാ​കു​ന്ന​തി​ന് മു​മ്പ് ഇ​വ​യെ​യും കൂ​ടി വ​ന​ത്തി​ലേ​ക്ക് തു​ര​ത്തി​യാ​ൽ മാ​ത്ര​മെ ആ​റ​ളം ഫാ​മി​നെ ര​ക്ഷി​ക്കാ​നാ​കൂ. ഈ ​വ​ർ​ഷം ക​ശു​വ​ണ്ടി സീ​സ​ൺ കൂ​ടി പ്ര​തി​സ​ന്ധി​യു​ണ്ടാ​ക്കി​യ​തോ​ടെ ഫാം ​വ​ലി​യ സാ​മ്പ​ത്തി​ക പ്ര​തി​സ​ന്ധി നേ​രി​ടു​ക​യാ​ണ്.

അ​ഞ്ചു​മാ​സ​ത്തെ ശ​ബ​ളം കു​ടി​ശ്ശി​ക​യാ​ണ്. തൊ​ഴി​ലാ​ളി​ക​ളു​ടെ പി.​എ​ഫ് ഉ​ൾ​പ്പെ​ടെ മൂ​ന്നു വ​ർ​ഷ​മാ​യി അ​ട​ച്ചി​ട്ടി​ല്ല. പി​രി​ഞ്ഞു​പോ​യ തൊ​ഴി​ലാ​ളി​ക​ൾ​ക്കും ആ​നു​കൂ​ല്യ​ങ്ങ​ളും വി​ത​ര​ണം ചെ​യ്യാ​നു​ണ്ട്. കാ​ട്ടാ​ന​ശ​ല്യം മൂ​ലം കാ​ർ​ഷി​ക മേ​ഖ​ല​യി​ൽ നി​ന്നു​ള്ള വ​രു​മാ​നം മൂ​ന്നി​ലൊ​ന്നാ​യി ചു​രു​ങ്ങി​യ​തോ​ടെ​യാ​ണ് ഫാം ​പ്ര​തി​സ​ന്ധി​യി​ലാ​യ​ത്.