തീക്കളിയരുത്; നൊ​മ്പ​ര​മാ​യി വീ​ട്ട​മ്മ​യു​ടെ മ​ര​ണം

ക​ണ്ണൂ​ർ: കും​ഭ​മാ​സ​ചൂ​ട് ഉ​ച്ച​സ്ഥാ​യി​​യിലെ​ത്തു​മ്പോ​ൾ തീ​പി​ടി​ച്ചു​ള്ള അ​പ​ക​ട​ങ്ങ​ൾ വ​ർ​ധി​ക്കു​ക​യാ​ണ്. നേ​രി​യ അ​ശ്ര​ദ്ധ​യി​ൽ ജീ​വ​ൻ വ​രെ ന​ഷ്ട​മാ​കു​ന്ന നി​ല​യി​ലേ​ക്ക് കാ​ര്യ​ങ്ങ​ൾ മാ​റു​ക​യാ​ണ്. കൊ​ട്ടി​യൂ​ർ ച​പ്പ​മ​ല​യി​ൽ വീ​ട്ട​മ്മപൊള്ളലേറ്റു മരിച്ചത് ഇത്തരത്തിലാണെന്നാണ് സംശയം.

ച​പ്പ​മ​ല പൊ​ന്ന​മ്മ കു​ട്ട​പ്പ​ൻ (60) ആ​ണ് മ​രി​ച്ച​ത്. വീ​ടി​നു സ​മീ​പ​ത്തെ ക​ശു​മാ​വി​ൻ തോ​ട്ട​ത്തി​ൽ തീ​യി​ട്ടത് ആളിപ്പടർന്നാണ് സം​ഭ​വം. ക​ഴി​ഞ്ഞ അ​മ്പ​ത് ദി​വ​സ​ത്തി​നി​ടെ ഇ​ത്ത​ര​ത്തി​ൽ ര​ണ്ട​ാമ​ത്തെ മ​ര​ണ​മാ​ണ് പൊ​ന്ന​മ്മ​യു​ടേ​തെ​ന്ന കാ​ര്യം സം​ഭ​വ​ത്തി​ന്റെ ഗൗ​ര​വം വ​ർ​ധി​പ്പി​ക്കു​ന്നു. ജ​നു​വ​രി 17ന് ​മ​യ്യി​ൽ പ​ഞ്ചാ​യ​ത്തി​ലെ പാ​വ​ന്നൂ​രി​ൽ തീപിടിത്തത്തിൽ വീ​ട്ട​മ്മ​ക്ക് ജീ​വ​ൻ ന​ഷ്ട​മാ​യ​ിരുന്നു. ഇ​രു​വാ​പ്പു​ഴ ന​മ്പ്രം ചീ​രാ​ച്ചേ​രി​യി​ലെ ക​ലി​ക്കോ​ട്ട് വ​ള​പ്പി​ൽ ഉ​ഷ​യാ​ണ്(52) വ​സ്ത്ര​ത്തി​ലേ​ക്ക് പ​ട​ർ​ന്നു മ​രി​ച്ച​ത്.

ഒ​രാ​ഴ്ച ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​ഞ്ഞ ശേ​ഷ​മാ​ണ് മ​ര​ണ​ത്തി​ന് കീ​ഴ​ട​ങ്ങി​യ​ത്. ഉ​ഷ​യു​ടെ വീ​ടി​നും മു​ന്നി​ലെ റോ​ഡി​നും ഇ​ടയി​ലെ ചെ​റി​യ സ്ഥ​ല​ത്തെ ക​രി​യി​ല​ക​ൾ അ​ടി​ച്ചു​വാ​രി​യ ശേ​ഷം എ​ന്നും ചെ​യ്യു​ന്ന​തു​പോ​ലെ ക​ത്തി​ച്ച​ശേ​ഷം മ​ട​ങ്ങു​മ്പോ​ഴാ​ണ് അ​പ​ക​ടം.

കാ​റ്റി​ൽ വ​സ്ത്ര​ത്തി​ൽ പ​ട​ർ​ന്ന തീ ​ശ​രീ​ര​ത്തി​ന് ചൂ​ടു​പി​ടി​ച്ച​പ്പോ​ഴാ​ണ് മ​ന​സ്സിലാ​യ​ത്. പ്രാ​ണ​വേ​ദ​ന​യി​ൽ ഓ​ടി​യ വീ​ട്ട​മ്മ​യെ സ​മീ​പ വീ​ട്ടി​ലെ സ​ഹോ​ദ​ര​ന്റെ ഭാ​ര്യ വെ​ള്ള​മൊ​ഴി​ച്ച് ര​ക്ഷി​ച്ച് ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും അ​തി​ജീ​വി​ക്കാ​നാ​യി​ല്ല. പ​ഴ​കി​യ ക​ട​ലാ​സ് മാ​ലി​ന്യ​ങ്ങ​ൾ ക​ത്തി​ക്കു​ന്ന​തി​നി​ടെ ചൊ​ക്ലി സ്വ​ദേ​ശി​നി​യാ​യ വീ​ട്ട​മ്മ​ക്ക് തീ ​പൊ​ള്ള​ലേ​റ്റ​ത് ക​ഴി​ഞ്ഞ വ​ർ​ഷ​മാ​ണ്.

ഗു​രു​ത​ര​മാ​യി പ​രി​ക്കേ​റ്റ​തി​നെ തു​ട​ർ​ന്ന് ആ​ഴ്ച​ക​ളോ​ളം ആ​ശു​പ​ത്രി​വാ​സം ആ​വ​ശ്യ​മാ​യിവ​ന്നു. മാ​ലി​ന്യം ക​ത്തി​ക്കു​ന്ന​തി​നി​ടെ തീ​പൊ​ള്ള​ലേ​റ്റ് പ​രി​ക്കേ​റ്റ​വ​ർ നി​ര​വ​ധി​യാ​ണ്. കൃ​ത്യ​മാ​യ അ​വ​ബോ​ധ​മി​ല്ലാ​ത്ത​തും അ​ശ്ര​ദ്ധ​യു​മാ​ണ് ഇ​ത്ത​രം അ​പ​ക​ട​ങ്ങ​ൾ​ക്ക് കാ​ര​ണം. തീ​പ​ട​ർ​ന്നാ​ലു​ള്ള പ​രി​ഭ്ര​മ​ത്താ​ൽ ഓ​ടാ​ൻ ശ്ര​മി​ച്ചാ​ൽ ആളിപ്പടരാൻ കാരണമാകും.

നടുക്കംമാറാതെ ഗ്രാമവാസികൾ

കേ​ള​കം: കൊ​ട്ടി​യൂ​ര്‍ ച​പ്പ​മ​ല​യി​ലെ തീ​പി​ട​ത്ത​ത്തി​ല്‍ വീ​ട്ട​മ്മ പൊ​ള്ള​ലേ​റ്റു മ​രി​ച്ച​തി​ൽ നടു​ക്കം മാ​റാ​തെ ഗ്രാ​മ​വാ​സി​ക​ൾ. ജീ​വ​ഹാ​നി​ക്കു പു​റ​മെ പ്ര​ദേ​ശ​ത്തെ ഏ​ക്ക​ർ ക​ണ​ക്കി​ന് കൃ​ഷി​യി​ട​വും ക​ത്തി​ന​ശി​ച്ചു. കൂ​ടാ​തെ കൊ​ട്ടി​യൂ​ർ വ​ന​മേ​ഖ​ല​യി​ലേ​ക്കും തീ ​പ​ട​ർ​ന്നു. ച​പ്പ​മ​ല​യി​ൽ പൊ​ന്ന​മ്മ കു​ട്ട​പ്പ​ൻ ക​രി​മ്പ​നോ​ലി​ൽ(60) ആ​ണ് മ​രി​ച്ച​ത്.

ക​ശു​മാ​വ് തോ​ട്ട​ത്തി​ൽ തീ​യി​ട്ട​ത് വീ​ടി​ന് സ​മീ​പ​ത്തേ​ക്ക് പ​ട​രു​ന്ന​ത് ക​ണ്ടു ബോ​ധര​ഹി​ത​യാ​യി വീ​ഴു​ക​യാ​യി​രു​ന്നു​വെ​ന്നും അ​വി​ടെ നി​ന്നും പൊ​ള്ള​ലേ​റ്റ് സം​ഭ​വ​സ്ഥ​ല​ത്ത് മ​രി​ക്കു​ക​യാ​യി​രു​ന്നെ​ന്നു​മാ​ണ് അ​ധി​കൃ​ത​ർ അ​റി​യി​ച്ച​ത്.

ക​ശു​മാ​വ് തോ​ട്ട​ത്തി​ൽ തീ ​പ​ട​ർ​ന്ന് ഒ​രാ​ൾ മ​രി​ച്ച​താ​യി വി​വ​ര​ത്തെ തു​ട​ർ​ന്നാ​ണ് പേ​രാ​വൂ​ർ അ​ഗ്നി​ര​ക്ഷാസേ​ന സ്ഥ​ല​ത്തെ​ത്തി​യ​ത്. തീ ​പ​ട​ർ​ന്ന​ശേ​ഷം സ്ഥ​ല​ത്ത് നി​ന്നും സ്ത്രീ​ക​ളു​ടെ അ​ല​ർ​ച്ച കേ​ട്ട് സ​മീ​പ​ത്ത് മ​രം മു​റി​ച്ചി​രു​ന്ന​വ​ർ ഓ​ടി​യെ​ത്തി തീ​യ​ണ​ക്കാ​ൻ ശ്ര​മം ന​ട​ത്തു​ക​യും തു​ട​ർ​ന്ന് ന​ട​ത്തി​യ തി​ര​ച്ചി​ലി​ൽ വീ​ട്ട​മ്മ​യെ മ​രി​ച്ചനി​ല​യി​ൽ ക​ണ്ടെ​ത്തു​ക​യു​മാ​യി​രു​ന്നു.

തീ ​പ​ട​ർ​ന്ന് നി​ര​വ​ധി തോ​ട്ട​ങ്ങ​ളാ​ണ് ക​ത്തി ന​ശി​ച്ച​ത്. ക​ര്‍ഷ​ക​രാ​യ ന​ങ്ങി​ണി​യി​ല്‍ വി​ല്‍സ​ണ്‍, മ​ക്കോ​ളി​ല്‍ കു​ര്യാ​ക്കോ​സ്, കൈ​നി​ക്ക​ല്‍ അ​പ്പ​ച്ച​ന്‍, കാ​ളി​യാ​നി​യി​ല്‍ ബി​ജു എ​ന്നി​വ​രു​ടെ കൃ​ഷി​യി​ട​ത്തി​നാ​ണ് തീ ​പി​ടി​ച്ച​ത്. ക​ശു​മാ​വ് തോ​ട്ട​ത്തി​ല്‍ നി​ന്നും അ​തി​വേ​ഗം തീ ​വ​ന​ത്തി​ലേ​ക്ക് പ​ട​ര്‍ന്നു.

കു​ന്നി​ന്‍ പ്ര​ദേ​ശ​മാ​യ​തി​നാ​ല്‍ തീ ​നി​യ​ന്ത്രി​ക്കാ​ന്‍ പാ​ടു​പെ​ട്ടു. ഉ​ച്ച ക​ഴി​ഞ്ഞ് ര​ണ്ടോ​ടെ​യാ​ണ് തീ ​കെ​ടു​ത്താ​ന്‍ ആ​യ​ത്. തീ ​പി​ടി​ത്ത​ത്തി​ന്റെ കാ​ര​ണം വ്യ​ക്ത​മ​ല്ലെ​ങ്കി​ലും ക​രി​യി​ല​ക​ൾ കൂ​ട്ടി​യി​ട്ട് ക​ത്തി​ച്ച​താ​കാം അ​ഗ്നി​ബാ​ധ​ക്ക് കാ​ര​ണ​മാ​യി ക​രു​തു​ന്ന​ത്.

പേ​രാ​വൂ​ർ അ​ഗ്നി​ര​ക്ഷാ​സേ​ന​യും നാ​ട്ടു​കാ​രും ചേ​ർ​ന്ന് മ​ണി​ക്കൂ​റു​ക​ൾ തീ​വ്ര​ശ്ര​മം ന​ട​ത്തി​യാ​ണ് തീ​യ​ണ​ച്ച​ത്. പേ​രാ​വൂ​ർ ഡി​വൈ.​എ​സ്.​പി എ.​വി. ജോ​ൺ, എ​സ്.​എ​ച്ച്.​ഒ. ജാ​ൻ​സി മാ​ത്യു, ജി​ല്ല പ​ഞ്ചാ​യ​ത്ത് വൈ​സ് പ്ര​സി​ഡ​ന്റ് ബി​നോ​യ് കു​ര്യ​ൻ, കൊ​ട്ടി​യൂ​ർ പ​ഞ്ചാ​യ​ത്ത് പ്ര​സി​ഡ​ന്റ് റോ​യി ന​മ്പു ടാ​കം എ​ന്നി​വ​ർ സ്ഥ​ല​ത്തെ​ത്തി​യി​രു​ന്നു.