പാനൂർ: മൊകേരി രാജീവ് ഗാന്ധി സ്കൂൾ എൻ.എസ്.എസ് വളന്റിയർമാർ നിർമിക്കുന്ന സ്നേഹ വീടിന്റെ കട്ടിലവെപ്പ് കർമം കെ.പി. മോഹനൻ എം.എൽ.എ നിർവഹിച്ചു. പ്രോഗ്രാം ഓഫിസർ സജീവ് ഒതയോത്ത് സ്വാഗതം പറഞ്ഞു. യൂനിറ്റ് നിർമിക്കുന്ന രണ്ടാമത്തെ സ്നേഹ വീടാണിത്. സ്കൂളിലെ പൂർവ വിദ്യാർഥിയായ ഈസ്റ്റ് വള്ള്യായിയിലെ ഒരു കുടുംബത്തിനാണ് വീട് നിർമിക്കുന്നത്. വളന്റിയർമാർ വീടുവീടാന്തരം കയറിയിറങ്ങി പഴയ പത്രങ്ങൾ ശേഖരിച്ചാണ് ഇതിനുവേണ്ടി പണം കണ്ടെത്തുന്നത്. നാട്ടുകാരുടെ സഹകരണവും സ്പോൺസർഷിപ്പും സംഘടിപ്പിച്ച് മഴക്കുമുമ്പേ പണി പൂർത്തിയാക്കാനാണ് വളന്റിയർമാർ ശ്രമിക്കുന്നത്. പി. രാഘവൻ മാസ്റ്റർ ചെയർമാനായി നാട്ടുകാരുടെ കമ്മിറ്റി സജീവമായി രംഗത്തുണ്ട്. കോവിഡ് കാലത്ത് കീഴ്മാടത്തായിരുന്നു ഇവരുടെ ആദ്യ വീട് നിർമാണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.