കൂത്തുപറമ്പ്: ഉദ്ഘാടനത്തിനൊരുങ്ങിയ കൂത്തുപറമ്പ് സബ്ജയിൽ കെ.പി. മോഹനൻ എം.എൽ.എ, ജയിൽ ഡി.ജി.പി സുധേഷ് കുമാർ എന്നിവർ സന്ദർശിച്ചു. ജൂൺ ഏഴിന് മുഖ്യമന്ത്രി പിണറായി വിജയൻ സബ് ജയിലിന്റെ ഉദ്ഘാടനം നിർവഹിക്കും. നിർമാണ പ്രവർത്തനങ്ങളും പെയിന്റിങ്ങും ഉൾപ്പെടെയും ഇതിനകം പൂർത്തിയായിട്ടുണ്ട്. തടവുകാർക്ക് ആവശ്യമായ സൗകര്യങ്ങളാണ് ഇനി ഒരുക്കേണ്ടത്. അതോടൊപ്പം ഉദ്യോഗസ്ഥരുടെ വിന്യാസവും നടക്കേണ്ടതുണ്ട്. ഈ സാഹചര്യത്തിലാണ് സ്ഥലം എം.എൽ.എയായ കെ.പി. മോഹനന്റെ നേതൃത്വത്തിലുള്ള സംഘം രാവിലെ ജയിൽ സന്ദർശിച്ചത്. നഗരസഭ ചെയർപേഴ്സൻ വി. സുജാത, കൂത്തുപറമ്പ് എ.സി.പി പ്രദീപൻ കണ്ണിപ്പൊയിൽ, സി.ഐ വിനു മോഹൻ എന്നിവരും എം.എൽ.എയോടൊപ്പം ഉണ്ടായിരുന്നു. ജയിൽ ഡി.ജി.പി സുധേഷ് കുമാർ ഉദ്യോഗസ്ഥരിൽ നിന്നും വിവരങ്ങൾ ചോദിച്ചറിഞ്ഞു. ജയിലും പരിസരവും പരിശോധിച്ച ഡി.ജി.പി സുധേഷ് കുമാർ പ്രവർത്തനങ്ങളിൽ തൃപ്തി രേഖപ്പെടുത്തി. വിപുലമായ പരിപാടികളാണ് ഉദ്ഘാടനത്തോടനുബന്ധിച്ച് ഒരുക്കുന്നത്. ജയിൽ ഡി.ഐ.ജി സാം തങ്കയ്യൻ, സൂപ്രണ്ട് ആർ. സാജൻ, സ്പെഷൽ ഓഫിസർ കെ. വിനോദൻ, പി.ടി. സന്തോഷ്, രാജീവൻ കൊട്ടയോടൻ എ.സി.പി. പ്രദീപൻ കണ്ണിപ്പൊയിൽ സി.ഐ. ബിനു മോഹൻ എന്നിവരും ഡി.ജി.പിയോടൊപ്പം ഉണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.