ആശുപത്രി റോഡിന്​ വേണം 'അടിയന്തര ചികിത്സ'

തൊ​ടു​പു​ഴ: വാ​ഹ​ന​ത്തി​ലാ​ണ് വ​രു​ന്ന​തെ​ങ്കി​ൽ ജി​ല്ല ആ​ശു​പ​ത്രി റോ​ഡി​ലേ​ക്ക്​ ക​യ​റി​യാ​ലു​ട​ൻ ഒ​ന്ന്​ സൂ​ക്ഷി​ക്ക​ണം.

ത​ക​ർ​ന്ന് ത​രി​പ്പ​ണ​മാ​യ റോ​ഡി​ലൂ​ടെ അ​ത്യാ​സ​ന്ന നി​ല​യി​ലു​ള്ള രോ​ഗി​യു​മാ​യി ജി​ല്ല ആ​ശു​പ​ത്രി​യി​ലെ​ത്തു​മ്പോ​ഴേ​ക്കും ജീ​വ​ൻ പോ​കു​ന്ന സ്ഥി​തി​യാ​ണ്. ചി​ല​പ്പോ​ൾ വ​ണ്ടി​യും രോ​ഗി​യും കു​ഴി​യി​ൽ വീ​ഴാം. ആം​ബു​ല​ൻ​സി​ലാ​യാ​ലും ഇ​താ​ണ്​ സ്ഥി​തി.

തൊ​ടു​പു​ഴ കാ​രി​ക്കോ​ട്​ സ്ഥി​തി​​ചെ​യ്യു​ന്ന ജി​ല്ല ആ​ശു​പ​ത്രി​യി​​ലേ​ക്കു​ള്ള റോ​ഡി​ന്‍റെ അ​വ​സ്ഥ​യാ​ണി​ത്. അ​പ​ക​ട​ത്തി​ൽ പ​രി​ക്കേ​റ്റ​വ​ര​ട​ക്ക​മു​ള്ള രോ​ഗി​ക​ളു​മാ​യി ദി​വ​സ​വും നി​ര​വ​ധി ആം​ബു​ല​ൻ​സു​ക​ൾ സ​ഞ്ച​രി​ക്കു​ന്ന വ​ഴി​യാ​ണി​ത്. പ​ല​ത​വ​ണ ഇ​രു​ച​ക്ര​വാ​ഹ​ന യാ​ത്രി​ക​ർ കു​ഴി​യി​ൽ ചാ​ടി നി​യ​ന്ത്ര​ണം ന​ഷ്ട​പ്പെ​ട്ട് വീ​ണ് പ​രി​ക്കേ​റ്റി​ട്ടു​ണ്ട്.

ഇ​ടു​ങ്ങി​യ റോ​ഡാ​യ​തി​നാ​ൽ ഇ​രു​വ​ശ​ത്തു​നി​ന്നെ​ത്തു​ന്ന വാ​ഹ​ന​ങ്ങ​ൾ ഇ​തു​വ​ഴി ക​ട​ന്നു​പോ​കാ​ൻ ബു​ദ്ധി​മു​ട്ട് നേ​രി​ടു​ന്നു​ണ്ട്. ഇ​തു​പോ​ലെ കാ​രി​ക്കോ​ട് ഭാ​ഗ​ത്തു​നി​ന്നെ​ത്തു​ന്ന വാ​ഹ​ന​ങ്ങ​ൾ​ക്ക് പ്ര​ധാ​ന റോ​ഡി​ൽ​നി​ന്ന് ആ​ശു​പ​ത്രി റോ​ഡി​ലേ​ക്ക് പ്ര​വേ​ശി​ക്കാ​ൻ തി​രി​ഞ്ഞു ക​യ​റാ​നു​ള്ള ബു​ദ്ധി​മു​ട്ട് ഗ​താ​ഗ​ത​ക്കു​രു​ക്കി​നു​മി​ട​യാ​ക്കു​ന്നു​ണ്ട്.

റോ​ഡ്​ ത​ക​ർ​ന്ന്​ കു​ണ്ടും കു​ഴി​യു​മാ​യി കി​ട​ക്കാ​ൻ തു​ട​ങ്ങി​യി​ട്ട്​ ഒ​രു വ​ർ​ഷ​ത്തി​ലേ​റെ​യാ​യി. ഗ​ർ​ഭി​ണി​ക​ള​ട​ക്ക​മു​ള്ള​വ​രു​മാ​യി വാ​ഹ​ന​ത്തി​ലെ​ത്തു​ന്ന​വ​രും ഇ​തു​വ​ഴി പേ​ടി​യോ​ടെ​യാ​ണ്​ ക​ട​ന്നു​പോ​കു​ന്ന​ത്​. 

പ​രാ​തി പ​റ​ഞ്ഞ്​ മ​ടു​ത്തു

പ​ല​ത​വ​ണ വി​ഷ​യം അ​ധി​കൃ​ത​രു​ടെ ശ്ര​ദ്ധ​യി​ൽ​പെ​ടു​ത്തി​യ​താ​ണ്. ഇ​ട​ക്ക്​ ചി​ല കു​ഴി​ക​ൾ മു​ടി​യെ​ങ്കി​ലും ഇ​തൊ​ന്നും സ​ഞ്ചാ​രം സു​ഗ​മ​മാ​ക്കാ​ൻ പ്ര​യോ​ജ​ന​പ്പെ​ട്ടി​ല്ല. ആ​ശു​പ​ത്രി​യി​ലേ​ക്കു​ള്ള റോ​ഡ്​ മു​ഴു​വ​ൻ ത​ക​ർ​ന്നി​ട്ടു​ണ്ട്. സ​മീ​പ​മു​ള്ള ഓ​ട്ടോ സ്റ്റാ​ൻ​ഡി​ൽ 12 വ​ണ്ടി​ക​ളു​ണ്ടാ​യി​രു​ന്ന​തി​ൽ അ​ഞ്ചു പേ​ർ ഇ​വി​ടെ​നി​ന്ന്​ പോ​യി. രോ​ഗി​ക​ളും ബ​ന്ധു​ക്ക​ളു​മ​ട​ക്ക​മു​ള്ള​വ​ർ റോ​ഡി​ലെ കു​​ഴി​യി​ൽ വാ​ഹ​നം ചാ​ടു​മ്പോ​ൾ ഞ​ങ്ങ​ളെ​യാ​ണ്​ ചീ​ത്ത വി​ളി​ക്കു​ന്ന​ത്. വ​ലി​യ കു​ഴി​ക​ളി​ൽ വാ​ഹ​നം ചാ​ടു​മ്പോ​ൾ വാ​ഹ​ന​ത്തി​നും ത​ക​രാ​റു​ക​ൾ സം​ഭ​വി​ക്കു​ന്നു​ണ്ട്. ആ​ശു​പ​ത്രി​യി​ലേ​ക്കു​ള്ള ജീ​വ​ന​ക്കാ​ർ പോ​ലും ഇ​പ്പോ​ൾ ഇ​തു​വ​ഴി വാ​ഹ​നം കൊ​ണ്ടു​വ​രാ​തെ വേ​റെ സ്ഥ​ല​ങ്ങ​ളി​ൽ​ പാ​ർ​ക്ക്​ ചെ​യ്യു​ക​യാ​ണ്​​. അ​ടി​യ​ന്ത​ര​മാ​യി വി​ഷ​യ​ത്തി​ൽ അ​ധി​കൃ​ത​ർ ഇ​ട​പെ​ട​ണം.

(ഇ.​ഇ. സു​ബൈ​ർ--ഓ​ട്ടോ​റി​ക്ഷ തൊ​ഴി​ലാ​ളി, കാ​രി​ക്കോ​ട്)

ആ​ശു​​പ​ത്രി മു​റ്റ​ത്തും കു​ഴി​യും വെ​ള്ള​ക്കെ​ട്ടും

റോ​ഡി​ലെ കു​ഴി​ക്ക്​ പു​റ​മെ ജി​ല്ല ആ​ശു​പ​ത്രി മു​റ്റ​ത്തും വ​ലി​യ കു​ഴി​ക​ളി​ൽ വെ​ള്ള​വും നി​റ​ഞ്ഞു കി​ട​ക്കു​ക​യാ​ണ്. അ​ത്യാ​ഹി​ത വി​ഭാ​ഗ​ത്തി​ന്​ മു​ന്നി​ലാ​ണ്​ മ​റ്റൊ​രു അ​ത്യാ​ഹി​ത​ത്തി​ന്​ കാ​ര​ണ​മാ​കാ​വു​ന്ന ത​ര​ത്തി​ൽ കു​ഴി​ക​ൾ രൂ​പ​പ്പെ​ട്ടി​രി​ക്കു​ന്ന​ത്. ഇ​തു​വ​ഴി പോ​കു​ന്ന വാ​ഹ​ന​ങ്ങ​ളി​ൽ കു​ഴി​യി​ൽ ചാ​ടി ആ​ശു​പ​ത്രി​ലെ​ത്തു​ന്ന​വ​രു​ടെ ദേ​ഹ​ത്ത്​ ച​ളി തെ​റി​ക്കു​ന്ന​തും പ​തി​വാ​ണ്.

മ​ഴ​ക്കാ​ലം തു​ട​ങ്ങി​യ​ ശേ​ഷം നൂ​റു​ക​ണ​ക്കി​നാ​ളു​ക​ളാ​ണ്​ ആ​ശു​പ​ത്രി​യി​ലേ​ക്ക്​ വൈ​റ​ൽ പ​നി​യ​ട​ക്ക​മു​ള്ള ചി​കി​ത്സ​ക്കാ​യി എ​ത്തു​ന്ന​ത്. അ​വ​ശ​നി​ല​യി​ലെ​ത്തു​ന്ന ഇ​വ​രും ഈ ​ദു​രി​തം അ​നു​ഭ​വി​ക്കു​ക​യാ​ണ്. അ​ത്യാ​ഹി​ത വി​ഭാ​ഗ​ത്തി​ൽ​നി​ന്ന്​ രോ​ഗി​യെ സ്​​ട്ര​ച്ച​റി​ൽ വാ​ർ​ഡി​ലേ​ക്ക​ട​ക്കം മാ​റ്റാ​ൻ കു​ഴി​യാ​യി കി​ട​ക്കു​ന്ന ഈ ​മു​റ്റ​ത്തു​കൂ​ടി വേ​ണം കൊ​ണ്ടു​പോ​കാ​ൻ. കു​ഴി​ക​ൾ നി​ക​ത്താ​ൻ ആ​ശു​പ​ത്രി അ​ധി​കൃ​രും ജി​ല്ല പ​ഞ്ചാ​യ​ത്തും ന​ട​പ​ടി സ്വീ​ക​രി​ക്കാ​ത്ത​തി​നെ​തി​രെ പ്ര​തി​ഷേ​ധ​വും ഉ​യ​രു​ന്നു​ണ്ട്.