തൊടുപുഴ: സി.പി.എം തൊടുപുഴ ഏരിയ കമ്മിറ്റി വിഭജിച്ചു. തൊടുപുഴ ഈസ്റ്റ്, വെസ്റ്റ് എന്ന പേരിലായിരിക്കും പുതിയ കമ്മിറ്റികൾ.പാർട്ടി മെംബർമാരുടെ ലോക്കൽ കമ്മിറ്റിയിലും വർധന വന്നതോടെയാണ് ഏരിയ കമ്മിറ്റി വിഭജിക്കാൻ ജില്ല കമ്മിറ്റി തീരുമാനിച്ചത്.
തൊടുപുഴ മുനിസിപ്പാലിറ്റിയിലെ 13 വാർഡുകളിലെ രണ്ട് ലോക്കൽ കമ്മിറ്റികളും മണക്കാട്, പുറപ്പുഴ, മുട്ടം, കരിങ്കുന്നം പഞ്ചായത്തിലെ എട്ട് കമ്മിറ്റികളും ഉൾപ്പെട്ടതാണ് തൊടുപുഴ വെസ്റ്റ് ഏരിയ കമ്മിറ്റി.തൊടുപുഴ നഗരസഭയുടെ 22 വാർഡുകളിലെ നാല് ലോക്കൽ കമ്മിറ്റികളും കുമാരമംഗലം, ഇടവെട്ടി, ആലക്കോട് പഞ്ചായത്തുകളിലെ ആറ് ലോക്കൽ കമ്മിറ്റികളും ഉൾപ്പെട്ടതാണ് തൊടുപുഴ ഈസ്റ്റ് ഏരിയ കമ്മിറ്റി. നേരത്തേ മൂലമറ്റം കമ്മിറ്റിയുടെ ഭാഗമായിരുന്ന മുട്ടം, ആലക്കോട് പഞ്ചായത്തുകൾ ഇനി തൊടുപുഴ വെസ്റ്റ്, ഈസ്റ്റ് ഏരിയ കമ്മിറ്റികളുടെ കമ്മിറ്റികളുടെ ഭാഗമാകും. തൊടുപുഴ ഈസ്റ്റ് ഏരിയ കമ്മിറ്റിയുടെ സെക്രട്ടറിയായി മുഹമ്മദ് ഫൈസലും തൊടുപുഴ വെസ്റ്റ് ഏരിയ കമ്മിറ്റിയുടെ സെക്രട്ടറിയായി ടി.ആർ. സോമനെയും തീരുമാനിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.