ഭൂ​ജ​ല ല​ഭ്യ​ത; നെ​ടു​​ങ്ക​ണ്ട​വും ക​ട്ട​പ്പ​ന​യും സെ​മി​ ക്രി​ട്ടി​ക്ക​ൽ

തൊ​ടു​പു​ഴ: ഭൂ​ജ​ല വ​കു​പ്പും കേ​ന്ദ്ര ഭൂ​ജ​ല ബോ​ർ​ഡും സം​​യു​ക്ത​മാ​യി ന​ട​ത്തി​യ പ​ഠ​ന​ത്തി​ന്‍റെ ഭാ​ഗ​മാ​യി നെ​ടു​​ങ്ക​ണ്ടം, ക​ട്ട​പ്പ​ന ബ്ലോ​ക്കു​ക​ൾ സെ​മി ക്രി​ട്ടി​ക്ക​ൽ വി​ഭാ​ഗ​ത്തി​ൽ. ജ​ല​ല​ഭ്യ​ത​യു​ടെ​യും ഭൂ​ജ​ല ഉ​പ​ഭോ​ഗ​ത്തി​ന്‍റെ​യും അ​ടി​സ്ഥാ​ന​ത്തി​ലാ​ണ്​ ബ്ലോ​ക്കു​ക​ളെ സു​ര​ക്ഷി​തം, സെ​മി ക്രി​ട്ടി​ക്ക​ൽ, ക്രി​ട്ടി​ക്ക​ൽ, അ​മി​ത ചൂ​ഷ​ണ​വി​ഭാ​ഗം എ​ന്നി​ങ്ങ​നെ തി​രി​ക്കു​ന്ന​ത്. ​റീ​ചാ​ർ​ജ്​ ചെ​യ്യ​പ്പെ​ടു​ന്ന ഭൂ​ജ​ല​ത്തി​ന്‍റെ 70 ശ​ത​മാ​ന​ത്തി​ന്​ താ​​ഴെ ഭൂ​ജ​ല ഉ​പ​ഭോ​ഗം നി​ല​വി​ലു​ള്ള ​ബ്ലോ​ക്കു​ക​ളാ​ണ്​ സു​​ര​ക്ഷി​തം. റീ​ചാ​ർ​ജ്​ ചെ​യ്യ​പ്പെ​ടു​ന്ന ഭൂ​ജ​ല​ത്തി​ന്‍റെ 70 - 90 ശ​ത​മാ​നം ഭൂ​ജ​ല ഉ​പ​ഭോ​ഗം നി​ല​വി​ലു​ള്ള ബ്ലോ​ക്കു​ക​ൾ സെ​മി ക്രി​ട്ടി​ക്ക​ലും ഭൂ​ജ​ല ഉ​പ​ഭോ​ഗം 90നും 100​ലും വ​രു​മ്പോ​ൾ ക്രി​ട്ടി​ക്ക​ലും നൂ​റ്​ ശ​ത​മാ​ന​ത്തി​ല​ധി​കം ഭൂ​ജ​ല ഉ​പ​ഭോ​ഗം നി​ല​വി​ലു​ള്ള ബ്ലോ​ക്കു​ക​ൾ അ​മി​ത ചൂ​ഷ​ണ വി​ഭാ​ഗ​ത്തി​ലും​പെ​ടു​ന്നു. ജി​ല്ല​യി​ലെ ബാ​ക്കി ബ്ലോ​ക്കു​ക​ൾ സു​ര​ക്ഷി​ത വി​ഭാ​ഗ​ത്തി​ലാ​ണ്. ക്രി​ട്ടി​ക്ക​ൽ വി​ഭാ​ഗ​ത്തി​ല​ട​ക്ക​മു​ള്ള ബ്ലോ​ക്കു​ക​ളെ ഭൂ​ജ​ല സം​പോ​ഷ​ണ പ്ര​വ​ർ​ത്ത​ന​ങ്ങ​ളി​ലൂ​ടെ സു​ര​ക്ഷി​ത​മാ​ക്കാ​നു​ള്ള ന​ട​പ​ടി​ക​ളും പു​രോ​ഗ​മി​ക്കു​ന്നു​ണ്ട്​.

തൊ​ടു​പു​ഴ​യി​ലെ ഉ​യ​ർ​ന്ന​ പ്ര​ദേ​ശ​ങ്ങ​ളി​ൽ കു​ടി​വെ​ള്ള ക്ഷാ​മം

തൊ​ടു​പു​ഴ ന​ഗ​ര​ത്തി​ലും സ​മീ​പ​ത്തും കു​ളം, കി​ണ​ർ, തോ​ട് തു​ട​ങ്ങി​യ ജ​ല​സ്രോ​ത​സ്സു​ക​ൾ വ​റ്റി​ക്ക​ഴി​ഞ്ഞു. ഉ​യ​ർ​ന്ന പ്ര​ദേ​ശ​ങ്ങ​ളി​ലു​ള്ള​വ​രാ​ണ് ഏ​റ്റ​വു​മ​ധി​കം കു​ടി​വെ​ള്ള ക്ഷാ​മം നേ​രി​ടു​ന്ന​ത്. ഇ​വി​ടെ ദൂ​രെ സ്ഥ​ല​ങ്ങ​ളി​ൽ​നി​ന്ന് പ​ല​രും ത​ല​ച്ചു​മ​ടാ​യാ​ണ് കു​ടി​വെ​ള്ള​മെ​ത്തി​ക്കു​ന്ന​ത്. ചി​ല​യി​ട​ങ്ങ​ളി​ൽ പ​ണം കൊ​ടു​ത്ത് വാ​ങ്ങു​ന്ന സ്ഥി​തി​യു​ണ്ട്. ജ​ല​നി​ര​പ്പ്​ താ​ഴ്ന്ന​തോ​ടെ പ​ല കു​ടി​വെ​ള്ള പ​ദ്ധ​തി​ക​ളും നി​ല​ച്ചു. തോ​ടു​ക​ളി​ലും ഒ​ഴു​ക്കു നി​ല​ച്ചു. മ​ല​ങ്ക​ര ഡാ​മി​ൽ​നി​ന്നു​ള്ള ര​ണ്ട് ക​നാ​ലാ​ണ് തൊ​ടു​പു​ഴ മേ​ഖ​ല​യി​ലു​ള്ള​വ​ർ​ക്ക് വ​ലി​യ ആ​ശ്വാ​സം. 

അ​ന​ധി​കൃ​ത കു​ഴ​ൽ​ക്കി​ണ​റു​ക​ൾ വ്യാ​പ​കം

വെ​യി​ൽ ക​ഠി​ന​മാ​യ​തോ​ടെ ജ​ല​ക്ഷാ​മം രൂ​ക്ഷ​മാ​കു​ന്ന​ത് മു​ൻ​നി​ർ​ത്തി അ​ന​ധി​കൃ​ത കു​ഴ​ൽ​ക്കി​ണ​റു​ക​ളു​ടെ നി​ർ​മാ​ണം വ്യാ​പ​ക​മാ​കു​ക​യാ​ണ്. ഇ​തു​മൂ​ലം താ​ഴ്ന്ന പ്ര​ദേ​ശ​ങ്ങ​ളി​ലെ കി​ണ​റു​ക​ള്‍ വ​ര​ള്‍ച്ച ഭീ​ഷ​ണി​യി​ലാ​ണ്. കു​ഴ​ൽ​ക്കി​ണ​ർ നി​ർ​മാ​ണ​ത്തി​ന് ഏ​ജ​ൻ​സി​ക​ൾ ധാ​രാ​ള​മാ​ണ്. പ​ല​രും വ്യ​ത്യ​സ്ത നി​ര​ക്കി​ലാ​ണ് നി​ർ​മാ​ണം ന​ട​ത്തു​ന്ന​ത്. ആ​വ​ശ്യ​മാ​യ പ​ഠ​ന​ങ്ങ​ളി​ല്ലാ​തെ​യാ​ണ് കു​ഴ​ല്‍ക്കി​ണ​റു​ക​ള്‍ വ്യാ​പ​ക​മാ​വു​ന്ന​ത്.

ഇ​തു​മൂ​ലം ഭൂ​ഗ​ര്‍ഭ ജ​ല​നി​ര​പ്പ് താ​ഴു​ന്ന​താ​യും നാ​ട്ടു​കാ​ര്‍ പ​രാ​തി​പ്പെ​ടു​ന്നു. കി​ണ​ർ കു​ഴി​ക്കാ​ൻ ത​ദ്ദേ​ശ സ്ഥാ​പ​ന​ത്തി​ന്റെ പെ​ർ​മി​റ്റും ഭൂ​ജ​ല വ​കു​പ്പി​ന്റെ ക്ലി​യ​റ​ൻ​സും ആ​വ​ശ്യ​മാ​ണ്. അ​നു​മ​തി നേ​ടാ​തെ കി​ണ​ർ നി​ർ​മി​ച്ചാ​ൽ ഒ​രു​ല​ക്ഷം രൂ​പ വ​രെ​യും ര​ജി​സ്‌​ട്രേ​ഷ​ൻ ഇ​ല്ലാ​തെ കു​ഴി​ച്ചാ​ൽ 25,000 രൂ​പ​യു​മാ​ണ് പി​ഴ. സാ​ധാ​ര​ണ രീ​തി​യി​ൽ കി​ണ​ർ നി​ർ​മി​ക്കാ​ൻ കാ​ല​താ​മ​സ​മെ​ടു​ക്കും. നി​ല​വി​ൽ ഈ ​മേ​ഖ​ല​യി​ൽ പ​ണി​ചെ​യ്യു​ന്ന​വ​ർ കു​റ​ഞ്ഞു​വ​രു​ക​യാ​ണ്. വെ​ള്ളം ക​ണ്ടെ​ത്താ​നും താ​മ​സം നേ​രി​ടു​ന്നു. 

വ​ണ്ണ​പ്പു​റ​ത്തെ കി​ഴ​ക്ക​ൻ മേ​ഖ​ല​യി​ൽ ജ​ല​ക്ഷാ​മം

വ​ണ്ണ​പ്പു​റം: വേ​ന​ൽ ക​ടു​ത്ത് തു​ട​ങ്ങി​യ​തോ​ടെ വ​ണ്ണ​പ്പു​റം പ​ഞ്ചാ​യ​ത്തി​ലെ കി​ഴ​ക്ക​ൻ മേ​ഖ​ല​യി​ൽ ജ​ല​ക്ഷാ​മം അ​തി​രൂ​ക്ഷ​മാ​ണ്. പ​ഞ്ചാ​യ​ത്തി​ലെ ആ​റ്, ഏ​ഴ്​ വാ​ർ​ഡു​ക​ൾ ഉ​ൾ​ക്കൊ​ള്ളു​ന്ന മു​ണ്ട​ന്മു​ടി 40 ഏ​ക്ക​ർ മേ​ഖ​ല​യി​ലാ​ണ് ഏ​റെ ദു​രി​തം. പ്ര​ദേ​ശ​ത്തെ ഭൂ​രി​ഭാ​ഗം വീ​ടു​ക​ളി​ലെ​യും കി​ണ​റു​ക​ൾ വ​റ്റി​ക്ക​ഴി​ഞ്ഞു. തോ​ടു​ക​ളി​ൽ​നി​ന്നും പാ​റ ഓ​ലി​യി​ൽ​നി​ന്നും ല​ഭി​ക്കു​ന്ന വെ​ള്ള​മാ​ണ് പ​ല​രു​ടെ​യും ആ​ശ്ര​യം.

ജ​ല​നി​ധി​യു​ടെ ടാ​ങ്കു​ക​ൾ സ്ഥാ​പി​ച്ചി​ട്ടു​ണ്ടെ​ങ്കി​ലും സം​ഭ​ര​ണ​ശേ​ഷി കു​റ​വും കു​ഴ​ൽ​ക്കി​ണ​റി​ലെ ജ​ല​ല​ഭ്യ​ത കു​റ​വു മൂ​ല​വും ഭൂ​രി​ഭാ​ഗം വീ​ടു​ക​ളി​ലും വെ​ള്ളം എ​ത്താ​ത്ത സ്ഥി​തി​യാ​ണ്. എ​ന്നാ​ൽ, ചി​ല​ർ ജ​ല​നി​ധി ക​ണ​ക്ഷ​ൻ മീ​റ്റ​റി​ൽ കൃ​ത്രി​മം​കാ​ട്ടി അ​നു​വ​ദ​നീ​യ​മാ​യ വെ​ള്ള​ത്തി​ലും കൂ​ടു​ത​ൽ ഉ​പ​യോ​ഗി​ക്കു​ന്ന​ത​യും മ​റ്റു​ള്ള​വ​ർ​ക്ക് പ്രാ​ഥ​മി​ക ആ​വ​ശ്യ​ങ്ങ​ൾ​ക്കു​പോ​ലും വെ​ള്ളം കി​ട്ടാ​ത്ത സ്ഥി​തി​യാ​ണെ​ന്നും ആ​രോ​പ​ണ​മു​ണ്ട്.

പ്ര​ദേ​ശ​ത്തെ ജ​ല​ക്ഷാ​മ​ത്തി​ന് പ​രി​ഹാ​രം ആ​വ​ശ്യ​​പ്പെ​ട്ട്​ നി​ര​വ​ധി പ​രാ​തി​ക​ൾ അ​ധി​കൃ​ത​ർ​ക്ക് ന​ൽ​കി​യ​താ​യും ഒ​രു പ​രി​ഹാ​ര​വും ഉ​ണ്ടാ​യി​ല്ല എ​ന്നും നാ​ട്ടു​കാ​ർ പ​റ​യു​ന്നു. (അ​വ​സാ​നി​ച്ചു)

ത​യാ​റാ​ക്കി​യ​ത്​: അ​ഫ്​​സ​ൽ ഇ​ബ്രാ​ഹിം, ധ​ന​പാ​ല​ൻ മ​ങ്കു​വ, തോ​മ​സ്​ ജോ​സ്, വാ​ഹി​ദ്​ അ​ടി​മാ​ലി, ടി. ​അ​നി​ൽ​കു​മാ​ർ, എ.​എ. ഹാ​രി​സ്