സ്കൂൾ ബസും കാറും കൂട്ടിയിടിച്ചു

മറയൂർ: കുട്ടികളുമായി പോയ സ്കൂൾ ബസും ആന്ധ്രയിൽനിന്ന് വിനോദസഞ്ചാരത്തിനായി എത്തിയ കാറും കൂട്ടിയിടിച്ചു.വ്യാഴാഴ്ച വൈകീട്ട് മൂന്നരയോടെയാണ് സംഭവം. മറയൂർ പെട്രോൾ പമ്പിന് സമീപം കരിമുട്ടിയിലേക്ക് കുട്ടികളെ എത്തിക്കാൻ പോയപ്പോഴാണ് മറയൂർ ജയ്മാത സ്കൂൾ ബസും ആന്ധ്രപ്രദേശിൽനിന്ന് മൂന്നാറിലേക്ക് വിനോദസഞ്ചാരത്തിന് എത്തിയവരുടെ കാറും കൂട്ടിയിടിച്ചത്. ആർക്കും പരിക്കില്ല.മറയൂർ എസ്.എച്ച്.ഒ പി.ടി. ബിജോയുടെ നേതൃത്വത്തിൽ പൊലീസ് എത്തി അന്വേഷണം നടത്തി.