കരടിയും പുലിയും കാട്ടു​പോത്തും; ഞങ്ങളെന്ത്​ കാട്ടാനാ...

തൊ​ടു​പു​ഴ: പി​റ​ന്ന മ​ണ്ണ് ഉ​പേ​ക്ഷി​ച്ച് ഓ​ടി​പ്പോ​കേ​ണ്ട സാ​ഹ​ച​ര്യ​ത്തി​ലേ​ക്കാ​ണ് കാ​ര്യ​ങ്ങ​ൾ. അ​ത്ര​ക്കു​​ണ്ട്​ വ​നാ​തി​ർ​ത്തി പ​ങ്കി​ടു​ന്ന പ്ര​ദേ​ശ​ങ്ങി​ലെ വ​ന്യ​മൃ​ഗ ശ​ല്യം. ഓ​രോ ദി​വ​സ​വും വ​ന്യ​മൃ​ഗ​ങ്ങ​ളു​​ടെ ശ​ല്യം കൂ​ടി​വ​രു​ന്ന​ത​ല്ലാ​തെ കു​റ​യു​ന്നി​ല്ല.

മൂ​ന്നാ​റി​ൽ ആ​ന മു​ത​ൽ ക​ടു​വ വ​രെ ഭീ​തി വി​ത​ക്കു​മ്പോ​ൾ പീ​രു​മേ​ട്​ മേ​ഖ​ല​യി​ൽ കാ​ട്ടാ​ന​ക്കൂ​ട്ട​ങ്ങ​ൾ ജ​ന​വാ​സ മേ​ഖ​ല​യി​ൽ ത​മ്പ​ടി​ച്ച്​ നി​ൽ​ക്കു​ക​യാ​ണ്. വ​ന്യ​മൃ​ഗ​ങ്ങ​ൾ കൂ​ട്ട​മാ​യി നാ​ട്ടി​ലി​റ​ങ്ങു​ന്ന​ത് കാ​ര​ണം വ​നാ​തി​ർ​ത്തി​യി​ലെ കൃ​ഷി അ​വ​സാ​നി​പ്പി​ക്കേ​ണ്ട ദു​ര​വ​സ്ഥ​യി​ലാ​ണ് ഗ്രാ​മീ​ണ ക​ർ​ഷ​ക​ർ. ആ​ന, കാ​ട്ടു​​പോ​ത്ത്, പു​ലി, ക​ടു​വ, കാ​ട്ടു​പ​ന്നി, കു​ര​ങ്ങ്​ എ​ന്നി​വ​യു​ടെ ശ​ല്യം കാ​ര​ണം വി​ള​വെ​ടു​ക്കാ​റാ​യ കൃ​ഷി​ക​ളെ​ല്ലാം ന​ഷ്ട​പ്പെ​ടു​ന്നു. കൃ​ഷി​നാ​ശ​ത്തി​ന് ഒ​രു ദി​വ​സ​ത്തെ അ​ദ്ധ്വാ​ന​ത്തി​ന്റെ വി​ല പോ​ലും ന​ഷ്ട​പ​രി​ഹാ​ര​മാ​യി ല​ഭി​ക്കു​ന്നി​ല്ല.

ക​ല്ലാ​ർ എ​സ്​​റ്റേ​റ്റി​ൽ പ​ക​ൽ പോ​ലും പു​ലി​യ​ട​ക്ക​മു​ള്ള മൃ​ഗ​ങ്ങ​ളു​ടെ സാ​ന്നി​ധ്യം ക​ണ്ട​തോ​ടെ ജ​ന​ങ്ങ​ൾ പ്ര​തി​ഷേ​ധ​ത്തി​ലാ​ണ്​. ജ​ന​വാ​സ മേ​ഖ​ല​യി​ലി​റ​ങ്ങു​ന്ന മൃ​ഗ​ങ്ങ​ളെ കൂ​ടു​ വെ​ച്ച്​ പി​ടി​ച്ച്​ വ​ന​ത്തി​ൽ കൊ​ണ്ടു​വി​ട​ണ​മെ​ന്നാ​ണ്​ പ്ര​ദേ​ശ​വാ​സി​ക​ൾ പ​റ​യു​ന്ന​ത്. നൂ​റു​ക​ണ​ക്കി​ന്​ പ​ശു​ക്ക​ളെ പു​ലി ക​ടി​ച്ച്​ കൊ​ന്നി​ട്ടു​ണ്ട്.

വ​ന​ത്തി​ലെ മൃ​ഗ​ങ്ങ​ൾ​ക്ക്​ കൊ​ടു​ക്കു​ന്ന പ്രാ​ധാ​ന്യം ജ​ന​ങ്ങ​ൾ​ക്ക്​ ന​ൽ​കു​ന്നി​ല്ലെ​ന്നും ന​ട​പ​ടി ഉ​ണ്ടാ​യി​ല്ലെ​ങ്കി​ൽ പ്ര​തി​ഷേ​ധ​വു​മാ​യി ഇ​റ​ങ്ങേ​ണ്ടി​വ​രു​മെ​ന്നും പ്ര​ദേ​ശ​വാ​സി​ക​ൾ മു​ന്ന​റി​യി​പ്പ്​ ന​ൽ​കു​ന്നു. 

പ​ട​യ​പ്പ​ വീണ്ടും ജനവാസമേഖലയിൽ

മൂ​ന്നാ​റി​ലെ തോ​ട്ടം മേ​ഖ​ല​യി​ൽ പ​ട​യ​പ്പ​യി​റ​ങ്ങി ഉ​ണ്ടാ​ക്കു​ന്ന നാ​ശ​ന​ഷ്ട​ങ്ങ​ൾ വീ​ണ്ടും കൂ​ടി​വ​രി​ക​യാ​ണ്. പെ​രി​യ​വ​രൈ ടോ​പ്പ് ഡി​വി​ഷ​നി​ലാ​ണ് ര​ണ്ടു ദി​വ​സ​മാ​യി ശ​ല്യം രൂ​ക്ഷ​മാ​യി​രി​ക്കു​ന്ന​ത്. ജ​ന​വാ​സ​മേ​ഖ​ല​യി​ലി​റ​ങ്ങി​യ കാ​ട്ടാ​ന തൊ​ഴി​ലാ​ളി​ക​ളു​ടെ വീ​ടി​നോ​ടു ചേ​ർ​ന്ന് വ​ള​ർ​ത്തി​യി​രു​ന്ന വാ​ഴ​ക​ളും പ​ച്ച​ക്ക​റി​ക​ളും തി​ന്നു​ന​ശി​പ്പി​ച്ചു. പ​ക​ൽ സ​മ​യ​ത്തും ജ​ന​വാ​സ മേ​ഖ​ല​യി​ലാ​ണ് പ​ട​യ​പ്പ ത​മ്പ​ടി​ച്ചി​രി​ക്കു​ന്ന​ത്.

ക​ഴി​ഞ്ഞ ഏ​ഴി​ന്​ രാ​ത്രി ക​ന്നി​മ​ല ഫാ​ക്ട​റി ഡി​വി​ഷ​നി​ലി​റ​ങ്ങി കൃ​ഷി​ക​ൾ ന​ശി​പ്പി​ച്ച​ശേ​ഷം കാ​ട്ടി​ലേ​ക്ക് മ​ട​ങ്ങി​യ പ​ട​യ​പ്പ ര​ണ്ടാ​ഴ്ച​ത്തെ ഇ​ട​വേ​ള​ക്ക്​ ശേ​ഷ​മാ​ണ് വീ​ണ്ടും ജ​ന​വാ​സ മേ​ഖ​ല​യി​ലെ​ത്തി​യ​ത്. വേ​ന​ൽ ക​ടു​ത്ത​തോ​ടെ വ​ന​ത്തി​ൽ​നി​ന്ന്​ ക​ഴി​ഞ്ഞ ദി​വ​സം മു​ത​ൽ കാ​ട്ടാ​ന​ക​ൾ ജ​ന​വാ​സ മേ​ഖ​ല​യി​ലേ​ക്ക് കൂ​ട്ട​മാ​യി എ​ത്തു​ക​യാ​ണ്. ക​ന്നി​മ​ല ടോ​പ്, രാ​ജ​മ​ല അ​ഞ്ചാം​മൈ​ൽ, മാ​ട്ടു​പ്പെ​ട്ടി എ​ന്നി​വി​ട​ങ്ങ​ളി​ലാ​ണ് കാ​ട്ടാ​ന​ക​ൾ കൂ​ട്ട​മാ​യി ഇ​റ​ങ്ങി​യ​ത്.

കാ​ട്ടാ​ന​പ്പേ​ടി​ക്കി​ടെ ക​ര​ടി​

ഇ​ടു​ക്കി മാ​ങ്കു​ള​ത്ത് ജ​ന​വാ​സ മേ​ഖ​ല​യി​ല്‍ ക​ര​ടി​യി​റ​ങ്ങി​യ​താ​യും അ​ഭ്യൂ​ഹ​മു​ണ്ട്. മാ​ങ്കു​ളം പ​ട്ട​ക്ക​ട സി​റ്റി​ക്ക് സ​മീ​പം മേ​നാ​തു​ണ്ട​ത്തി​ല്‍ അ​നീ​ഷി​ന്റെ വീ​ടി​ന് സ​മീ​പ​ത്താ​ണ് ക​ര​ടി​യെ​ത്തി​യ​ത്. ശ​നി​യാ​ഴ്ച്ച വൈ​കീ​ട്ടാ​യി​രു​ന്നു സം​ഭ​വം. അ​നീ​ഷി​ന്റെ ഭാ​ര്യ​യും കു​ഞ്ഞു​ങ്ങ​ളും മാ​ത്ര​മാ​യി​രു​ന്നു വീ​ട്ടി​ലു​ണ്ടാ​യി​രു​ന്ന​ത്. ബ​ഹ​ളം കേ​ട്ട​തോ​ടെ ക​ര​ടി ഓ​ടി​മ​റ​ഞ്ഞു. ഏ​താ​നും ദി​വ​സ​ങ്ങ​ളാ​യി രാ​ത്രി​കാ​ല​ത്ത് വ​ള​ര്‍ത്തു​നാ​യ്ക്ക​ള്‍ കു​ര​ച്ച് ബ​ഹ​ള​മു​ണ്ടാ​ക്കി​യി​രു​ന്ന​താ​യി അ​നീ​ഷ് പ​റ​ഞ്ഞു.

മാ​ങ്കു​ളം പ​ഞ്ചാ​യ​ത്തി​ന്റെ വി​വി​ധ മേ​ഖ​ല​ക​ളി​ല്‍ കാ​ട്ടാ​ന ശ​ല്യം രൂ​ക്ഷ​മാ​യി തു​ട​രു​ന്ന​തി​നി​ടെ ജ​ന​വാ​സ മേ​ഖ​ല​യി​ല്‍ ക​ര​ടി​യു​ടെ സാ​ന്നി​ധ്യ​മു​ണ്ടാ​യ​ത് ആ​ളു​ക​ളെ ആ​ശ​ങ്ക​യി​ലാ​ക്കി​യി​ട്ടു​ണ്ട്.

കൊ​മ്പ​ന്മാ​ർ മാ​ലി​ന്യ സം​സ്ക​ര​ണ പ്ലാ​ന്റി​ലു​മെ​ത്തി

പ​ച്ച​ക്ക​റി അ​വ​ശി​ഷ്ട​ങ്ങ​ൾ തി​ന്ന് മ​ട​ങ്ങു​ന്ന കാ​ട്ടാ​ന​ക​ൾ ക​ല്ലാ​റി​ലെ പ​ഞ്ചാ​യ​ത്ത് വ​ക മാ​ലി​ന്യ​സം​സ്ക​ര​ണ പ്ലാ​ന്റി​ലെ കാ​ഴ്ച​യാ​ണ്. ന​ല്ല​ത​ണ്ണി ക​ല്ലാ​റി​ലെ​ത്തി​യ കാ​ട്ടാ​ന​ക​ൾ പ​ച്ച​ക്ക​റി അ​വ​ശി​ഷ്ട​ങ്ങ​ൾ തി​ന്നു മ​ട​ങ്ങു​ക​യാ​ണ്.

ക​ഴി​ഞ്ഞ ര​ണ്ടു ദി​വ​സ​മാ​ണ്​ ര​ണ്ടു കൊ​മ്പ​ന്മാ​ർ മാ​ലി​ന്യ​സം​സ്ക​ര​ണ പ്ലാ​ന്റി​ലെ​ത്തി പ​ച്ച​ക്ക​റി അ​വ​ശി​ഷ്ട​ങ്ങ​ൾ തി​ന്ന്​ മ​ട​ങ്ങി​യ​ത്. ല​ക്ഷ്മി മേ​ഖ​ല​യി​ലു​ണ്ടാ​യി​രു​ന്ന ഒ​റ്റ​ക്കൊ​മ്പ​നും മ​റ്റൊ​രു കൊ​മ്പ​നു​മാ​ണ്​ പ്ലാ​ന്റി​ലെ​ത്തു​ന്ന​ത്.

ബൈ​സ​ൺ​വാ​ലി​യി​ൽ കാ​ട്ടു​പോ​ത്തി​റ​ങ്ങി

ബൈ​സ​ൺ​വാ​ലി​യി​ൽ ജ​ന​വാ​സ മേ​ഖ​ല​യി​ൽ കാ​ട്ടു​പോ​ത്തി​റ​ങ്ങി. കാ​ക്ക​ക​ട​യി​ൽ രാ​വി​ലെ റോ​ഡി​ലൂ​ടെ എ​ത്തി​യ കാ​ട്ടു​പോ​ത്ത് കൃ​ഷി​യി​ട​ത്തി​ലും സ​മീ​പ പ്ര​ദേ​ശ​ങ്ങ​ളി​ലു​മാ​യി ചു​റ്റി​ത്തി​രി​യു​ക​യാ​ണ്. മു​മ്പ് ബൈ​സ​ൺ​വാ​ലി ജോ​സ് ഗി​രി​യി​ൽ ജ​ന​വാ​സ മേ​ഖ​ല​യി​ൽ എ​ത്തി​യ കാ​ട്ടു​പോ​ത്ത് ആ​ളു​ക​ളെ അ​ക്ര​മി​ക്കു​ക​യും പ​രി​ഭ്രാ​ന്തി സൃ​ഷ്ടി​ക്കു​ക​യും ചെ​യ്ത​തി​നെ തു​ട​ർ​ന്ന് വെ​ടി​വ​ച്ച് കൊ​ന്ന സം​ഭ​വ​വും ഉ​ണ്ടാ​യി​ട്ടു​ണ്ട്. ദേ​വി​കു​ളം റേ​ഞ്ചി​ലെ വ​ന​പാ​ല​ക​ർ സ്ഥ​ല​ത്തെ​ത്തി തു​ട​ർ​ന​ട​പ​ടി​ക​ൾ സ്വീ​ക​രി​ച്ചു. പോ​ത്തി​നെ കാ​ട്ടി​ലേ​ക്ക് തു​ര​ത്ത​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

പ​ക​ൽസ​മ​യ​ത്ത്​ ക​ടു​വ​യും

മൂ​ന്നാ​ർ ക​ല്ലാ​റി​ലെ തേ​യി​ല​ത്തോ​ട്ട​ത്തി​ൽ പ​ക​ൽ സ​മ​യ​ത്ത് ക​ടു​വ​യി​റ​ങ്ങി​യ​ത്​ അ​ടു​ത്തി​ടെ​യാ​ണ്. ക​ല്ലാ​ർ ഫാ​ക്ട​റി ഡി​വി​ഷ​നി​ൽ എ​ട്ടാം ന​മ്പ​ർ ഫീ​ൽ​ഡി​ലാ​ണ് ക​ഴി​ഞ്ഞ ദി​വ​സം രാ​വി​ലെ 8.15ന് ​തൊ​ഴി​ലാ​ളി​ക​ൾ ക​ടു​വ​യെ ക​ണ്ട​ത്.

തൊ​ഴി​ലാ​ളി​ക​ൾ കൊ​ളു​ന്ത് എ​ടു​ത്തു​കൊ​ണ്ടി​രു​ന്ന സ​മ​യ​ത്താ​ണ് എ​തി​ർ ഭാ​ഗ​ത്തു​ള്ള റോ​ഡി​ലൂ​ടെ ക​ടു​വ ന​ട​ന്ന്​ കാ​ട്ടി​ലേ​ക്ക് പോ​യ​ത്. ആ​റു മാ​സം മു​മ്പ്​ എ​സ്റ്റേ​റ്റി​ൽ തൊ​ഴി​ലാ​ളി​ക​ൾ ക​ടു​വ​യെ ക​ണ്ടി​രു​ന്നു. മേ​ഖ​ല​യി​ൽ ഏ​താ​നും മാ​സ​ങ്ങ​ളാ​യി ക​ടു​വ​യെ കൂ​ടാ​തെ കാ​ട്ടു​പോ​ത്ത്, കാ​ട്ടാ​ന​ക​ൾ എ​ന്നി​വ​യു​ടെ ശ​ല്യ​വും കൂ​ടു​ത​ലാ​ണ്.

കു​ണ്ട​ള സാ​ൻ​ഡോ​സ് എ​സ്.​ടി കോ​ള​നി​യി​ൽ പി. ​ഷ​ണ്മു​ഖ​ന്റെ നാ​ല്​ പ​ശു​ക്ക​ളെ ക​ടു​വ കൊ​ന്നി​രു​ന്നു. ര​ണ്ടാ​ഴ്ച മു​മ്പ്​ എ​സ്‌.​സി കോ​ള​നി​യി​ൽ ക​വി​ത കു​മാ​റി​ന്റെ മേ​യാ​ൻ വി​ട്ട വ​ള​ർ​ത്തു​പോ​ത്തി​നെ ക​ടു​വ കൊ​ന്നു തി​ന്നി​രു​ന്നു.

ക​ടു​വ​യെ​യും പു​ലി​യെ​യും കൂ​ട്ടി​ലാ​ക്ക​ണ​മെ​ന്ന്​ തോ​ട്ടം തൊ​ഴി​ലാ​ളി​ക​ൾ

ഇ​ടു​ക്കി: തോ​ട്ടം തൊ​ഴി​ലാ​ളി​ക​ളെ ഭീ​തി​യി​ലാ​ഴ്​​ത്തി ക​ന്നു​കാ​ലി​ക​ളെ ആ​ക്ര​മി​ച്ച് കൊ​ല​പ്പെ​ടു​ത്തു​ന്ന ക​ടു​വ​യെ​യും പു​ലി​യെ​യും കൂ​ട്ടി​ലാ​ക്ക​ണ​മെ​ന്ന ആ​വ​ശ്യ​വു​മാ​യി മൂ​ന്നാ​റി​ലെ തോ​ട്ടം തൊ​ഴി​ലാ​ളി​ക​ൾ. ഇ​ല്ലെ​ങ്കി​ൽ മൂ​ന്നാ​റി​ലെ വ​നം വ​കു​പ്പ് ഓ​ഫി​സി​ന് മു​ന്നി​ൽ സ​മ​രം ആ​രം​ഭി​ക്കു​മെ​ന്നും മു​ന്ന​റി​യി​പ്പ്. പ​ക​ൽ പോ​ലും ക​ടു​വ​യെ ക​ണ്ട​തോ​ടെ ഭ​യ​ത്തോ​ടെ​യാ​ണ് ജോ​ലി​ക്ക് പോ​കു​ന്ന​ത്. ര​ണ്ടു വ​ർ​ഷ​ത്തി​നി​ടെ തൊ​ഴി​ലാ​ളി​ക​ളു​ടെ 250ഓ​ളം പ​ശു​ക്ക​ളാ​ണ് വ​ന്യ​ജീ​വി അ​ക്ര​മ​ണ​ത്തി​ന് ഇ​ര​യാ​യ​ത്. കാ​ട്ടാ​ന​ക​ൾ​ക്കും കാ​ട്ടു​പോ​ത്തി​നും പു​റ​മെ ക​ടു​വ​യെ​യും പു​ലി​യെ​യും തോ​ട്ടം​മേ​ഖ​ല​യി​ൽ ക​ണ്ടെ​ത്തി​യ​തോ​ടെ തൊ​ഴി​ലാ​ളി​ക​ൾ പ​ക​ൽ പോ​ലും പു​റ​ത്തി​റ​ങ്ങാ​ൻ ഭ​യ​പ്പെ​ടു​ക​യാ​ണ്. അ​ടി​യ​ന്ത​ര ഇ​ട​പെ​ട​ൽ വ​നം വ​കു​പ്പി​ന്‍റെ ഭാ​ഗ​ത്തു​നി​ന്ന്​ ഉ​ണ്ടാ​ക​ണ​മെ​ന്നാ​ണ്​ ഇ​വ​രു​ടെ ആ​വ​ശ്യം.