കോവിഡ് ജാഗ്രത തകിടംമറിയുന്നു; അതിർത്തി കടക്കാൻ വൻതിരക്ക്

കുമളി: കോവിഡ് രോഗവ്യാപനം രൂക്ഷമാകുന്നതിനി​െട ഏകദിന പാസിന്​ പിന്നാലെ 'ഒരുമാസം' പാസും​ നൽകിയതോടെ കേരളത്തിലേക്ക് കടക്കാൻ അതിർത്തിയിൽ വൻതിരക്ക്. കോവിഡ് ജാഗ്രതയുടെ പേരിൽ കേരളത്തിൽ നിയന്ത്രണങ്ങൾ നിലനിൽക്കുമ്പോഴാണ് എല്ലാം തകിടംമറിച്ച് അന്തർസംസ്​ഥാനത്തുനിന്ന്​ ആളുകളുടെ വരവ് വർധിച്ചത്.

കോവിഡ് ജാഗ്രതയുടെ ഭാഗമായ മാസ്ക് പോലും ധരിക്കാതെയാണ് പലരും അതിർത്തിയിലെത്തിയത്. തമിഴ്നാട്ടിൽപോയി വരുന്ന മലയാളിക്ക് ഒരാഴ്ച ക്വാറൻറീനും ​സ്രവ പരിശോധനയും നിർബന്ധമാണ്.

എന്നാൽ, തമിഴ്നാട്ടിൽനിന്ന്​ കേരളത്തിലെത്തുന്നവർക്ക് ഇതൊന്നും നിർബന്ധമല്ല. ഒരു മാസത്തേക്ക് പാസ്​ അനുവദിച്ചതോടെ എല്ലാ ദിവസവും ഇടുക്കി ഉൾ​െപ്പടെ വിവിധ ജില്ലകളിൽ യഥേഷ്​ടം കടന്നുവരാനും വൈകീട്ട് മടങ്ങിപ്പോകാനും തമിഴ്നാട്ടിൽ നിന്നുള്ളവർക്ക് കഴിയും. രോഗവ്യാപനം രൂക്ഷമായ തേനി, ദിണ്ഡുഗൽ ജില്ലകളിൽനിന്ന്​ 800ലധികംപേരാണ് ഞായറാഴ്​ച മാത്രം അതിർത്തി കടന്നത്. ഇവരിൽ പലരും വൈകീട്ട് മടങ്ങി​േപ്പാകുന്നുണ്ടോയെന്ന കാര്യത്തിൽ അധികൃതർക്ക്​ പോലും വ്യക്തമായ ഉത്തരമില്ല. കോവിഡ് ജാഗ്രതയുടെ ഭാഗമായ ക്വാറൻറീൻ കേരളത്തിലെത്തുന്നവർ പാലിക്കുന്നി​െല്ലന്ന് നേരത്തേ പൊലീസ് കണ്ടെത്തിയിരുന്നു.

എന്നാൽ, നടപടികളൊന്നും ഉണ്ടായില്ല. കേരളത്തിൽനിന്ന് ​അത്യാവശ്യ കാര്യത്തിനായി തമിഴ്നാട്ടിൽപോയി അന്നുതന്നെ മടങ്ങിവരുന്നവരെ ക്വാറൻറീൻ അടിച്ചേൽപിക്കുകയും സ്രവപരിശോധനക്ക് വിധേയമാക്കുകയും ചെയ്യുന്നുണ്ട്. അതേസമയം, കോവിഡ് ജാഗ്രതയുടെ മറവിൽ അതിർത്തിയിൽ നടക്കുന്നത് ഇരട്ടത്താപ്പ് സമീപനമാണെന്ന് നാട്ടുകാർ പറയുന്നു.