ഹിൽവ്യൂ പാർക്കിന് 25 വയസ്സ്​, റോഡിനുവേണ്ടിയുള്ള കാത്തിരുപ്പിനും

ചെ​റു​തോ​ണി: ഹി​ൽ​വ്യൂ പാ​ർ​ക്ക് നി​ല​വി​ൽ വ​ന്ന് കാ​ൽ​നൂ​റ്റാ​ണ്ട് പി​ന്നി​ടു​മ്പോ​ഴും റോ​ഡി​നാ​യു​ള്ള കാ​ത്തി​രി​പ്പ് നീ​ളു​ന്നു. ദി​നം​പ്ര​തി നൂ​റു​ക​ണ​ക്കി​ന് വി​നോ​ദ​സ​ഞ്ചാ​രി​ക​ളെ​ത്തു​ന്ന സ്ഥ​ല​മാ​ണി​വി​ടം. എ​ന്നാ​ൽ, പാ​ർ​ക്കി​ലെ​ത്താ​ൻ സ്വ​ന്ത​മാ​യി റോ​ഡി​ല്ല. റോ​ഡി​നു​വേ​ണ്ടി ടൂ​റി​സം വ​കു​പ്പ്​ സ​ർ​ക്കാ​റി​നു സ​മ​ർ​പ്പി​ച്ച പ​ദ്ധ​തി റി​പ്പോ​ർ​ട്ട് ചു​വ​പ്പു​നാ​ട​യി​ൽ കു​രു​ങ്ങി. വ​ഴി​യി​ല്ലാ​താ​യ​തോ​ടെ സ​ർ​ക്കാ​ർ അ​തി​ഥി​മ​ന്ദി​ര​ത്തി​ന്റെ മു​റ്റ​ത്തു​കൂ​ടി​യാ​ണ് പാ​ർ​ക്കി​ലെ​ത്തു​ന്ന​ത്. ഇ​ത് വി​നോ​ദ​സ​ഞ്ചാ​രി​ക​ളെ ഏ​റെ ബു​ദ്ധി​മു​ട്ടി​ലാ​ക്കു​ന്നു. ചി​ല സ​ന്ദ​ർ​ഭ​ങ്ങ​ളി​ൽ സ​ഞ്ചാ​രി​ക​ൾ​ക്ക് പാ​ർ​ക്കി​ലേ​ക്ക് പ്ര​വേ​ശി​ക്കാ​നും ക​ഴി​യാ​ത്ത സാ​ഹ​ച​ര്യ​മു​ണ്ട്. ജി​ല്ല ടൂ​റി​സം പ്ര​മോ​ഷ​ൻ കൗ​ൺ​സി​ൽ പ​ത്തേ​ക്ക​ർ സ്ഥ​ല​ത്ത് പാ​ർ​ക്ക് ആ​രം​ഭി​ക്കു​മ്പോ​ൾ അ​ന്ന​ത്തെ ക​ല​ക്‌​ട​ർ ര​ണ്ടു വ​ർ​ഷ​ത്തി​നു​ള്ളി​ൽ റോ​ഡ്​ നി​ർ​മി​ക്കു​മെ​ന്ന് പ​റ​ഞ്ഞി​രു​ന്നു. കോ​ടി​ക​ൾ ചെ​ല​വ​ഴി​ച്ചാ​ണ് പാ​ർ​ക്ക് സ്ഥാ​പി​ച്ച​ത്.

എ​ന്നാ​ൽ, കാ​ൽ​നൂ​റ്റാ​ണ്ടാ​യി​ട്ടും റോ​ഡ് സ്വ​പ്ന​മാ​ണ്. ചെ​റു​തോ​ണി അ​ണ​ക്കെ​ട്ടി​നു സ​മീ​പം പ്ര​വ​ർ​ത്തി​ക്കു​ന്ന സ​ർ​ക്കാ​ർ അ​തി​ഥി​മ​ന്ദി​ര​ത്തി​ന്റെ മു​ക​ൾ​വ​ശ​ത്തെ കു​ന്നി​ലാ​ണ് പാ​ർ​ക്ക് സ്ഥി​തി ചെ​യ്യു​ന്ന​ത്. അ​തി​ഥി മ​ന്ദി​ര​ത്തി​ലേ​ക്കു പ്ര​വേ​ശി​ക്കു​ന്ന റോ​ഡാ​ണ് ഹി​ൽ വ്യൂ ​പാ​ർ​ക്കി​ലേ​ക്കു പോ​കാ​നും ഉ​പ​യോ​ഗി​ക്കു​ന്ന​ത്. വാ​ഹ​നം താ​ഴെ റോ​ഡു​സൈ​ഡി​ലി​ട്ട​ശേ​ഷം ന​ട​ന്നാ​ണ് പ​ല​രും പാ​ർ​ക്കി​ലെ​ത്തു​ന്ന​ത്. റോ​ഡ്​ നി​ർ​മി​ക്കാ​നു​ള്ള സ്ഥ​ലം സ്വ​ന്ത​മാ​യു​ണ്ട്.

പ​ക്ഷേ, അ​തി​ന് ആ​രും മു​ൻ​കൈ​യെ​ടു​ക്കു​ന്നി​ല്ല. അ​തി​ഥി മ​ന്ദി​ര​ത്തി​ൽ മ​ന്ത്രി​മാ​ര​ട​ക്ക​മു​ള്ള വി.​ഐ.​പി​ക​ൾ താ​മ​സ​ത്തി​നു വ​ന്നാ​ൽ വി​നോ​ദ​സ​ഞ്ചാ​രി​ക​ൾ പാ​ർ​ക്കി​ലേ​ക്കു പോ​കാ​ൻ പൊ​ലീ​സ് വി​ല​ക്കേ​ർ​പ്പെ​ടു​ത്തും. വി​ല​ക്ക് ലം​ഘി​ച്ച് ആ​രെ​ങ്കി​ലും പ്ര​വേ​ശി​ച്ചാ​ൽ പി​ന്നെ പൊ​ലീ​സാ​ണ് കൈ​കാ​ര്യം ചെ​യ്യു​ന്ന​ത്. ഈ ​വ​ർ​ഷം പ​തി​വി​ല​ധി​കം ടൂ​റി​സ്റ്റു​ക​ൾ പാ​ർ​ക്കി​ലെ​ത്തു​ന്നു​ണ്ട്. മ​ല​നി​ര​ക​ൾ​ക്കി​ട​യി​ൽ പ​ര​ന്നു​കി​ട​ക്കു​ന്ന ഇ​ടു​ക്കി ജ​ലാ​ശ​യ​വും ആ​ർ​ച്ച്​ ഡാ​മും ഇ​ടു​ക്കി ഹി​ൽ വ്യൂ ​പാ​ർ​ക്കി​ൽ​നി​ന്ന് നോ​ക്കി​യാ​ൽ മ​നം മ​യ​ക്കു​ന്ന കാ​ഴ്ച​യാ​ണ്. കാ​ൽ നൂ​റ്റാ​ണ്ട് പൂ​ർ​ത്തി​യാ​ക്കു​ന്ന പാ​ർ​ക്കി​ന് ഇ​നി​യും റോ​ഡ് നി​ർ​മി​ക്കാ​ത്ത​തി​നു പി​ന്നി​ൽ ക​ടു​ത്ത അ​നാ​സ്ഥ​യാ​ണെ​ന്നാ​ണ് ആ​ക്ഷേ​പം. ക​ല​ക്ട​ർ ചെ​യ​ർ​മാ​നാ​യ സ​മി​തി​യാ​ണ് പാ​ർ​ക്കി​ന്‍റെ ഭ​ര​ണ നേ​തൃ​ത്വം. സ്വ​ന്ത​മാ​യി റോ​ഡു​ണ്ടാ​ക്കാ​ൻ ഇ​നി​യെ​ങ്കി​ലും ഇ​വ​ർ ഇ​ട​പെ​ട​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.