മെനു മാത്രം പോര സാറേ, സൗകര്യങ്ങൾ കൂടി തരൂ...

അ​ടി​മാ​ലി: വ​നി​താ ശി​ശു വി​ക​സ​ന വ​കു​പ്പ് അ​ങ്ക​ണ​വാ​ടി കു​ട്ടി​ക​ൾ​ക്ക് ന​ൽ​കാ​നു​ള്ള പ​രി​ഷ്ക​രി​ച്ച മാ​തൃ​കാ ഭ​ക്ഷ​ണ മെ​നു പു​റ​ത്തി​റ​ക്കി​യ​ത് അംഗൻവാ​ടി​ക​ളി​ലെ സൗ​ക​ര്യ​ങ്ങ​ൾ പ​രി​ശോ​ധി​ക്കാ​തെ​യെ​ന്ന്​ ആ​ക്ഷേ​പം. ഈ ​മാ​സം എ​ട്ട്​ മു​ത​ൽ മാ​തൃ​ക ഭ​ക്ഷ​ണം ന​ൽ​കി​ത്തു​ട​ങ്ങ​ണ​മെ​ന്നാ​ണ്​ അംഗൻവാ​ടി​ക​ൾ​ക്ക് ല​ഭി​ച്ച നി​ർ​ദേ​ശം. ഭ​ക്ഷ​ണ മെ​നു ല​ഭി​ച്ച​തോ​ടെ എ​ങ്ങ​നെ ഉ​ണ്ടാ​ക്കി ന​ൽ​കും എ​ന്നോ​ർ​ത്ത് ജീ​വ​ന​ക്കാ​ർ ആ​ശ​ങ്ക​യി​ലാ​ണ്.

ഭ​ക്ഷ​ണം പാ​കം ചെ​യ്യാ​നാ​വ​ശ്യ​മാ​യ പാ​ത്ര​ങ്ങ​ൾ, മെ​നു​വി​ൽ പ​റ​ഞ്ഞ രീ​തി​യി​ൽ ചേ​രു​വ​ക​ൾ അ​ള​ന്നെ​ടു​ക്കാ​നു​ള്ള അ​ള​വു​തൂ​ക്ക ഉ​പ​ക​ര​ണ​ങ്ങ​ൾ എ​ന്നി​വ അംഗൻവാ​ടി​ക​ളി​ലി​ല്ല. ഇ​ത്ത​രം ഭ​ക്ഷ​ണ​സാ​ധ​ന​ങ്ങ​ൾ കേ​ടു​കൂ​ടാ​തെ സൂ​ക്ഷി​ക്കാ​ൻ ആ​വ​ശ്യ​മാ​യ സൗ​ക​ര്യ​വു​മി​ല്ല. ഭ​ക്ഷ​ണം ഉ​ണ്ടാ​ക്കാ​ൻ ആ​വ​ശ്യ​മാ​യ പ​രി​ശീ​ല​നം ന​ൽ​കു​മെ​ന്ന് അ​റി​യി​ച്ചി​രു​ന്നെ​ങ്കി​ലും അ​ത് ല​ഭി​ച്ചി​ട്ടി​ല്ലെ​ന്ന് ജീ​വ​ന​ക്കാ​ർ പ​റ​യു​ന്നു. കു​ട്ടി​ക​ൾ​ക്ക് ഇ​ല​യ​ട, കൊ​ഴു​ക്ക​ട്ട എ​ന്നി​വ ഉ​ണ്ടാ​ക്കാ​ൻ ഒ​രു ഗ്രാം, ​അ​ഞ്ച്​ ഗ്രാം, 20 ​ഗ്രാം, 100 ഗ്രാം ​തു​ട​ങ്ങി​യ അ​ള​വു​ക​ളി​ലാ​ണ് ചേ​രു​വ​ക​ൾ നി​ർ​ദേ​ശി​ച്ചി​ട്ടു​ള്ള​ത്. പ​ക്ഷേ, ഇ​വ തൂ​ക്കി അ​ള​ക്കാ​നു​ള്ള ഉ​പ​ക​ര​ണ​ങ്ങ​ള​ട​ക്കം അംഗൻവാ​ടി​ക​ളി​ൽ ഉ​ണ്ടോ എ​ന്ന പ​രി​ശോ​ധ​ന അ​ധി​കൃ​ത​ർ ന​ട​ത്തി​യി​ട്ടി​ല്ല.

തി​ങ്ക​ൾ മു​ത​ൽ ശ​നി വ​രെ ഓ​രോ ദി​വ​സ​വും പോ​ഷ​ക മൂ​ല്യ​മു​ള്ള വി​വി​ധ ഭ​ക്ഷ​ണ ക്ര​മ​ങ്ങ​ളാ​ണ് ന​ൽ​കി​യി​ട്ടു​ള്ള​ത്. തി​ങ്ക​ളാ​ഴ്ച പ്രാ​ത​ലി​ന് പാ​ൽ, പി​ടി, കൊ​ഴു​ക്ക​ട്ട, ഇ​ല​യ​ട എ​ന്നി​വ​യി​ൽ ഏ​തെ​ങ്കി​ലും ന​ൽ​ക​ണം. ഇ​വ ഉ​ണ്ടാ​ക്കാ​ൻ അ​രി പൊ​ടി​ച്ചെ​ടു​ക്ക​ണം. എ​ന്നാ​ൽ, പൊ​ടി​ക്കാ​നു​ള്ള ഉ​പ​ക​ര​ണം അംഗൻവാ​ടി​ക​ളി​ൽ ഇ​ല്ല. സ്വ​കാ​ര്യ ഫ്ലോ​ർ മി​ല്ലു​ക​ളി​ൽ നി​ന്ന് അ​രി പൊ​ടി​ച്ചെ​ടു​ത്താ​ൽ അ​തി​നാ​വ​ശ്യ​മാ​യ തു​ക ജീ​വ​ന​ക്കാ​ർ സ്വ​ന്തം ക​യ്യി​ൽ നി​ന്നു കൊ​ടു​ക്ക​ണം. ഇ​ത് സാ​മ്പ​ത്തി​ക ബാ​ധ്യ​ത​യു​ണ്ടാ​ക്കു​മെ​ന്ന് ജീ​വ​ന​ക്കാ​ർ പ​റ​യു​ന്നു.

അ​തേ സ​മ​യം പ​രി​ഷ്ക​രി​ച്ച മെ​നു പ്ര​കാ​രം ഉ​ള്ള ഭ​ക്ഷ​ണം ഉ​ണ്ടാ​ക്കാ​നു​ള്ള ബു​ദ്ധി​മു​ട്ടു​ക​ൾ അംഗൻവാ​ടി​ക​ളി​ൽ ഉ​ണ്ടെ​ന്നും, ആ​വ​ശ്യ​മാ​യ സം​വി​ധാ​ന​ങ്ങ​ളൊ​രു​ക്കാ​ൻ ത​ദ്ദേ​ശ സ്ഥാ​പ​ന​ങ്ങ​ളു​മാ​യി സ​ഹ​ക​രി​ച്ച് പ​ദ്ധ​തി ത​യാ​റാ​ക്കു​ന്ന കാ​ര്യം ആ​ലോ​ച​ന​യി​ലാ​ണെ​ന്നും അ​ധി​കൃ​ത​ർ അ​റി​യി​ച്ചു.