സി​ലി​ണ്ട​ർ പൊ​ട്ടി​ത്തെ​റി​ച്ച്​ വീ​ട്​ ക​ത്തി​ന​ശി​ച്ചു

ഉ​ടു​മ്പ​ന്നൂ​ർ: പാ​ച​ക​വാ​ത​ക സി​ലി​ണ്ട​ർ പൊ​ട്ടി​ത്തെ​റി​ച്ച്​ വീ​ട്​ ക​ത്തി​ന​ശി​ച്ചു. പെ​രി​ങ്ങാ​ശ്ശേ​രി വെ​ണ്ണി​യാ​നി തൈ​പ്ലാം​തോ​ട്ട​ത്തി​ൽ അ​നി​യു​ടെ വീ​ടാ​ണ്​ ക​ത്തി​ന​ശി​ച്ച​ത്. ബു​ധ​നാ​ഴ്ച രാ​വി​ലെ 10.30നാ​ണ് അ​പ​ക​ടം. വീ​ട്ടി​ലെ വി​റ​ക​ടു​പ്പി​ൽ​നി​ന്ന് തീ ​പ​ട​ർ​ന്ന​താ​കാം സി​ലി​ണ്ട​ർ പൊ​ട്ടി​ത്തെ​റി​ക്കാ​ൻ കാ​ര​ണ​മെ​ന്നാ​ണ്​ പ്രാ​ഥ​മി​ക നി​ഗ​മ​നം. വീ​ടും വീ​ട്ടു​പ​ക​ര​ണ​ങ്ങ​ളും രേ​ഖ​ക​ളും പൂ​ർ​ണ​മാ​യി അ​ഗ്​​നി​ക്കി​ര​യാ​യി.

അ​പ​ക​ട സ​മ​യ​ത്ത് അ​നി​യും ഭാ​ര്യ​യും ര​ണ്ടു മ​ക്ക​ളും അ​യ​ൽ​പ​ക്ക​ത്തെ വി​വാ​ഹ വീ​ട്ടി​ലാ​യി​രു​ന്ന​തി​നാ​ൽ ര​ക്ഷ​പ്പെ​ട്ടു. വി​വാ​ഹ വീ​ട്ടി​ൽ ഉ​ണ്ടാ​യി​രു​ന്ന​വ​ർ എ​ത്തി തീ ​അ​ണ​ച്ച​തി​നാ​ൽ കൂ​ടു​ത​ൽ സ്ഥ​ല​ങ്ങ​ളി​ലേ​ക്ക്​ പ​ട​ർ​ന്നി​ല്ല. സ​മീ​പ​ത്തെ കു​റ​ച്ചു കൃ​ഷി​യി​ട​ങ്ങ​ൾ ക​ത്തി​ന​ശി​ച്ചു. പ​ഞ്ചാ​യ​ത്തം​ഗം ബീ​ന ര​വീ​ന്ദ്ര​ന്റെ നേ​തൃ​ത്വ​ത്തി​ൽ വി​ല്ലേ​ജ്​ ഉ​ദ്യോ​ഗ​സ്ഥ​ർ എ​ത്തി നാ​ശ​ന​ഷ്ടം വി​ല​യി​രു​ത്തി.

ക​രി​മ​ണ്ണൂ​ർ പൊ​ലീ​സും തൊ​ടു​പു​ഴ​യി​ൽ​നി​ന്ന് അ​ഗ്നി​ര​ക്ഷാ​സേ​ന​യും സ്ഥ​ല​ത്തെ​ത്തി. അ​നി​ക്കും കു​ടും​ബ​ത്തി​നും താ​ൽ​ക്കാ​ലി​ക താ​മ​സ​സൗ​ക​ര്യം ഒ​രു​ക്കു​മെ​ന്ന് പ​ഞ്ചാ​യ​ത്ത്​ പ്ര​സി​ഡ​ന്റ്‌ എം. ​ല​തീ​ഷ് പ​റ​ഞ്ഞു.