ജി​ല്ല​യി​ൽ ഉ​പ​യോ​ഗി​ക്കു​ന്ന ഭൂ​ജ​ല​ത്തി​ന്‍റെ അ​ള​വ്​ 55.28 ശതമാനം

തൊ​ടു​പു​ഴ: ജ​ലാ​ശ​യ​ങ്ങ​ളാ​ൽ സ​മ്പ​ന്ന​മാ​ണ് ഇ​ടു​ക്കി​യെ​ങ്കി​ലും വേ​ന​ൽ​ക്കാ​ല​മാ​യാ​ൽ പ​ല പ്ര​ദേ​ശ​ങ്ങ​ളി​ലും കു​ടി​വെ​ള്ള​ത്തി​ന്​ നെ​ട്ടോ​ട്ട​മാ​ണ്. മി​ക്ക കി​ണ​റു​ക​ളും വ​റ്റി​ത്തു​ട​ങ്ങി. പു​ഴ​ക​ളി​ലെ വെ​ള്ളം കു​റ​ഞ്ഞു. തോ​ടു​ക​ൾ പ​ല​തും മെ​ലി​ഞ്ഞു. സം​സ്ഥാ​ന ശ​രാ​ശ​രി​യെ​ക്കാ​ൾ കൂ​ടു​ത​ൽ മ​ഴ ല​ഭി​ക്കു​ന്ന ഇ​ടു​ക്കി​യു​ടെ സ്ഥി​തി​യാ​ണി​ത്.

ജി​ല്ല​യി​ൽ ഉ​പ​യോ​ഗി​ക്കു​ന്ന ഭൂ ​ജ​ല​ത്തി​ന്‍റെ അ​ള​വ്​ 55.28 ശതമാനമാണ്. ജി​ല്ല​യി​ൽ ജ​ലം അ​മി​ത​മാ​യി ചൂ​ഷ​ണം ചെ​യ്യു​ന്ന ബ്ലോ​ക്കു​ക​ൾ ഇ​ല്ലെ​ങ്കി​ലും ര​ണ്ട്​ ​​ബ്ലോ​ക്കു​ക​ൾ ഭാ​ഗി​ക ഗു​രു​ത​ര വി​ഭാ​ഗ​ത്തി​ൽ ഉ​ൾ​പ്പെ​ടു​ന്ന​താ​ണ്. ക​ട്ട​പ്പ​ന, നെ​ടു​ങ്ക​ണ്ടം എ​ന്നി​വ​യാ​ണ്​ അ​വ. ഇ​പ്പോ​ൾ സു​​ര​ക്ഷി​ത വി​ഭാ​ഗ​ത്തി​ലു​ള്ള തൊ​ടു​പു​ഴ, ഇ​ളം​ദേ​ശം ബ്ലോ​ക്കു​ക​ൾ ഭാ​വി​യി​ൽ ഭാ​ഗി​ക ഗു​രു​ത​ര വി​ഭാ​ഗ​ത്തി​ലേ​ക്ക്​ മാ​റാ​നും സാ​ധ്യ​ത​യു​ണ്ടെ​ന്ന്​ ഭൂ​ജ​ല വ​കു​പ്പ്​ ചൂ​ണ്ടി​ക്കാ​ട്ടു​ന്നു.

ഭൂ​ജ​ല​ത്തി​ന്‍റെ ക​രു​ത​ലോ​ടെ​യു​ള്ള ഉ​പ​ഭോ​ഗ​വും ശാ​സ്​​ത്രീ​യ ഭൂ​ജ​ല സം​പോ​ഷ​ണ രീ​തി​ക​ളും അ​വ​ലം​ബി​ച്ചാ​ൽ മാ​ത്ര​മേ അ​മി​ത ജ​ല​ചൂ​ഷ​ണ​ത്തി​ൽ​നി​ന്ന്​ ര​ക്ഷ നേ​ടാ​നാ​കൂ​​വെ​ന്നാ​ണ്​ വി​ദ​ഗ്​​ധ​ർ പ​റ​യു​ന്ന​ത്. ചെ​ങ്കു​ത്താ​യ മ​ല​നി​ര​ക​ൾ നി​റ​ഞ്ഞ ഭൂ​പ്ര​കൃ​തി, ആ​ഗോ​ള താ​പ​ന​ത്തി​ന്​ ഇ​ട​യാ​ക്കു​ന്ന പ്ര​വ​ർ​ത്ത​ന​ങ്ങ​ൾ, വ​ന ന​ശീ​ക​ര​ണം, അ​ന​ധി​കൃ​ത​വും അ​ശാ​സ്ത്രീ​യ​വു​മാ​യ കു​ഴ​ൽ​കി​ണ​റു​ക​ളു​ടെ നി​ർ​മാ​ണം തു​ട​ങ്ങി​യ ജ​ല​ക്ഷാ​മം രൂ​ക്ഷ​മാ​ക്കു​ന്ന ന​ട​പ​ടി​ക​ളാ​ണ്. ജി​ല്ല​യി​ലെ ഭൂ​ജ​ലം പൊ​തു​വെ ഗു​ണ​നി​ല​വാ​ര​മു​ള്ള​താ​ണെ​ന്നാ​ണ്​ അ​ധി​കൃ​ത​ർ വ്യ​ക്ത​മാ​ക്കു​ന്ന​ത്​. തു​റ​ന്ന കി​ണ​റു​ക​ളി​ലെ​യും ഭൂ​ജ​ലം താ​ര​ത​മ്യേ​ന മെ​ച്ച​പ്പെ​ട്ട​താ​ണ്. എ​ങ്കി​ലും ചി​ല സ്ഥ​ല​ങ്ങ​ളി​ൽ കോ​​ളി​ഫോം ബാ​ക്ടീ​രി​യ​യു​ടെ​യും രാ​സ​മാ​ലി​ന്യ​ങ്ങ​ളു​ടെ​യും സാ​ന്നി​ധ്യം കാ​ണു​ന്നു​ണ്ട്. കി​ണ​റു​ക​ളും പ​രി​സ​ര​ങ്ങ​ളും വൃ​ത്തി​യാ​ക്കി സൂ​ക്ഷി​ക്കാ​ത്ത​തും കി​ണ​ർ മൂ​ടി സം​ര​ക്ഷി​ക്കാ​ത്ത​തും സെ​പ്​​റ്റി​ക്​ ടാ​ങ്ക്, മാ​ലി​ന്യ​ക്കു​ഴി തു​ട​ങ്ങി​യ​വ​യി​ൽ നി​ന്ന്​ അ​ക​ലം പാ​ലി​ക്കാ​ത്ത​ത്​ എ​ന്നി​വ​യൊ​ക്കെ ഇ​തി​ന്​ കാ​ര​ണ​മാ​യി ചൂ​ണ്ടി​ക്കാ​ട്ടു​ന്നു. രാ​സ​വ​ള​ങ്ങ​ളു​ടെ​യും രാ​സ​മാ​ലി​ന്യ​ങ്ങ​ളു​ടെ​യും അ​നു​ചി​ത​വും അ​മി​ത​വു​മാ​യ ഉ​പ​യോ​ഗം കി​ണ​റു​ക​ളി​ൽ രാ​സ​മാ​ലി​ന്യ​ങ്ങ​ളു​ടെ അ​ള​വ്​ വ​ർ​ധി​ക്കാ​ൻ കാ​ര​ണ​മാ​കു​ന്ന​താ​യും പ​ഠ​ന​ങ്ങ​ൾ ചൂ​ണ്ടി​ക്കാ​ട്ടു​ന്നു.