ഇടുക്കി മെഡിക്കല്‍ കോളജിൽ വെറുതേ ഒരു ആംബുലൻസ്

ചെ​റു​തോ​ണി: ഇ​ടു​ക്കി മെ​ഡി​ക്ക​ല്‍ കോ​ള​ജി​ന് അ​നു​വ​ദി​ച്ച ഐ.​സി​യു ആം​ബു​ല​ന്‍സ് ഉ​പ​യോ​ഗി​ക്കാ​തെ ന​ശി​ക്കു​ന്നു. കി​ല ന​ല്‍കി​യ ഈ ​ആം​ബു​ലൻ​സ്​ മ​ന്ത്രി റോ​ഷി അ​ഗ​സ്റ്റ്യ​ന്‍ ഉ​ദ്ഘാ​ട​നം​ചെ​യ്ത്​ നാ​ലു​മാ​സം ക​ഴി​ഞ്ഞി​ട്ടും അ​ന​ങ്ങി​യി​ട്ടി​ല്ല.

ര​ണ്ടു​വ​ര്‍ഷം മു​മ്പ് മെ​ഡി​ക്ക​ല്‍ കോ​ള​ജി​ൽ​നി​ന്ന്​ രോ​ഗി​യു​മാ​യി​പ്പോ​കു​ന്ന​തി​നി​ടെ നാ​ടു​കാ​ണി​യി​ൽ മ​റി​ഞ്ഞ ആം​ബു​ല​ന്‍സ്​ അ​ന്നു​മു​ത​ൽ വ​ര്‍ക്ക്ഷോ​പ്പി​ലാ​ണ്. ന​ന്നാ​ക്കാ​ൻ ഇ​തു​വ​രേ​യും ന​ട​പ​ടി​യെ​ടു​ത്തി​ല്ല. കി​ല ന​ല്‍കി​യ ആം​ബു​ല​ന്‍സി​നു​ള്ളി​ലു​ള്ള ഉ​പ​ക​ര​ണ​ങ്ങ​ള്‍ പി​ടി​പ്പി​ക്കാ​ന്‍ പ​ണ​മി​ല്ലാ​ത്ത​താ​ണ് ത​ട​സ്സ​മെ​ന്ന് ഉ​ദ്യോ​ഗ​സ്ഥ​ര്‍ പ​റ​യു​ന്നു.

എ​ന്നാ​ൽ, മ​റി​ഞ്ഞ ആം​ബു​ല​ന്‍സി​ലു​ള്ള ഉ​പ​ക​ര​ണ​ങ്ങ​ളും കൂ​ടാ​തെ മെ​ഡി​ക്ക​ല്‍ കോ​ള​ജി​ല്‍ ആ​വ​ശ്യ​മാ​യ ഉ​പ​ക​ര​ണ​ങ്ങ​ളു​മു​ണ്ടെ​ങ്കി​ലും വീ​ണ്ടും പു​തി​യ​ത് വാ​ങ്ങ​ണ​മെ​ന്ന വാ​ശി​യാ​ണ് ആം​ബു​ല​ന്‍സ് പു​റ​ത്തി​റ​ക്കാ​ത്ത​തി​ന്​ പി​ന്നി​ലെ​ന്ന്​ ഒ​രു​വി​ഭാ​ഗം ജീ​വ​ന​ക്കാ​ര്‍ ആ​രോ​പി​ക്കു​ന്നു. നി​ല​വി​ലു​ള്ള ര​ണ്ട് ആം​ബു​ല​ന്‍സു​ക​ൾ​ക്കാ​ക​ട്ടെ, ഐ.​സി.​യു സൗ​ക​ര്യ​ങ്ങ​ളു​മി​ല്ല. മ​റ്റൊ​രു ആം​ബു​ല​ന്‍സ് അ​നു​വ​ദി​ച്ച​ത്​ ഐ.​സി.​യു സൗ​ക​ര്യ​മി​ല്ലാ​തെ ഓ​ടി​ക്കാ​നാ​ണ് ഉ​ദ്യോ​ഗ​സ്ഥ​രു​ടെ തീ​രു​മാ​നം.

നി​ല​വി​ല്‍ ക​ട്ട​പ്പ​ന​യി​ല്‍നി​ന്നും തൊ​ടു​പു​ഴ​യി​ല്‍ നി​ന്നും സ്വ​കാ​ര്യ ആം​ബു​ല​ന്‍സു​ക​ള്‍ വി​ളി​ച്ചു​വ​രു​ത്തി​യാ​ണ് രോ​ഗി​ക​ളെ മ​റ്റു ആ​ശു​പ​ത്രി​ക​ളി​ലേ​ക്ക് എ​ത്തി​ക്കു​ന്ന​ത്. ഇ​തി​നു ര​ണ്ടു മ​ണി​ക്കൂ​റി​ല​ധി​കം താ​മ​സി​ക്കു​ന്ന​തി​നാ​ല്‍ രോ​ഗി​ക​ള്‍ മ​ര​ണ​പ്പെ​ടാ​ന്‍ സാ​ധ്യ​ത​യു​ണ്ടെ​ന്ന് ചൂ​ണ്ടി​ക്കാ​ട്ട​പ്പെ​ടു​ന്നു. സ്വ​കാ​ര്യ ആം​ബു​ല​ന്‍സു​ക​ള്‍ അ​മി​ത ചാ​ര്‍ജ്​ വാ​ങ്ങു​ന്ന​താ​യും പ​രാ​തി​യു​ണ്ട്. ഇ​ടു​ക്കി​യി​ല്‍നി​ന്ന്​ കോ​ട്ട​യ​ത്തി​നു പോ​കു​ന്ന​തി​ന്​ സ്വ​കാ​ര്യ ഏ​ജ​ന്‍സി​ക​ള്‍ 15,000 രൂ​പ വ​രെ വാ​ങ്ങു​ന്ന​താ​യാ​ണ്​ പ​രാ​തി. പാ​വ​പ്പെ​ട്ട​വ​ര്‍ക്കും ആ​ദി​വാ​സി​ക​ള്‍ക്കും ആം​ബു​ല​ന്‍സ് സൗ​ജ​ന്യ​മാ​യാ​ണ് മെ​ഡി​ക്ക​ല്‍ കോ​ളേ​ജി​ല്‍ അ​നു​വ​ദി​ക്കു​ന്ന​ത്.

ഹോ​സ്പി​റ്റ​ല്‍ മാ​നേ​ജ്മെ​ന്‍റ് ക​മ്മി​റ്റി മൂ​ന്നു​മാ​സ​ത്തി​ലൊ​രി​ക്ക​ല്‍ കൂ​ട​ണ​മെ​ന്നാ​ണ് നി​യ​മ​മെ​ങ്കി​ലും ഒ​രു വ​ര്‍ഷ​ത്തി​ല​ധി​ക​മാ​യി കൂ​ടി​യി​ട്ടി​ല്ല. ജി​ല്ല ക​ല​ക്ട​ര്‍ ചെ​യ​ര്‍മാ​നാ​യ ക​മ്മി​റ്റി​യാ​ണ് മാ​നേ​ജ്​​മെ​ന്‍റ് പ്ര​വ​ര്‍ത്ത​ന​ങ്ങ​ള്‍ നി​യ​ന്ത്രി​ക്കു​ന്ന​ത്. ക​മ്മ​റ്റി കൂ​ടാ​ത്ത​തി​നാ​ല്‍ അ​ത്യാ​വ​ശ്യ പ്ര​വ​ര്‍ത്ത​ന​ങ്ങ​ള്‍ പോ​ലും മു​ട​ങ്ങി. വ​ര​വു​ചെ​ല​വു ക​ണ​ക്കു​ക​ളും അ​വ​ത​രി​പ്പി​ക്കു​ന്നി​ല്ല.

മെ​ഡി​ക്ക​ല്‍ കോ​ള​ജി​ന്‍റെ പ്ര​വ​ര്‍ത്ത​ന​ങ്ങ​ള്‍ താ​ളം​തെ​റ്റി​യ​താ​യും ലാ​ബ്​ ഉ​ള്‍പ്പെ​ടെ പ​ല ഡി​പ്പാ​ര്‍ട്ട്​​മെ​ന്‍റു​ക​ള്‍ക്കു​മെ​തി​രെ പ​രാ​തി ഉ​യ​ര്‍ന്നി​ട്ടും ഒ​ന്നി​നും പ​രി​ഹാ​ര​മി​ല്ല.