തോട്ടം മേഖലയിൽ കാട്ടാന ശല്യം അതിരൂക്ഷം

അ​ടി​മാ​ലി: കാ​ർ​ഷി​ക-​തോ​ട്ടം മേ​ഖ​ല​യി​ൽ കാ​ട്ടാ​ന ശ​ല്യം അ​തി രൂ​ക്ഷ​മാ​യി. ഏ​താ​നും ആ​ഴ്ച​ക​ളാ​യി മൂ​ന്നാ​റി​ൽ നി​ന്നും മ​റ്റ് ഭാ​ഗ​ങ്ങ​ളി​ലേ​ക്ക് മാ​റി​യ പ​ട​യ​പ്പ വീ​ണ്ടും മൂ​ന്നാ​റി​ൽ ജ​ന​വാ​സ കേ​ന്ദ്ര​ങ്ങ​ളി​ലി​റ​ങ്ങി​യി​ട്ടു​ണ്ട്. വെ​ള്ളി​യാ​ഴ്ച മൂ​ന്നാ​റി​ലും പ​രി​സ​ര പ്ര​ദേ​ശ​ങ്ങ​ളി​ലു​മാ​യി കൃ​ഷി ന​ശി​പ്പി​ച്ചു.

മാ​ങ്കു​ളം പ​ഞ്ചാ​യ​ത്തി​ലെ 96-ൽ ​ക​ഴി​ഞ്ഞ ഒ​രാ​ഴ്ച​യാ​യി ത​മ്പ​ടി​ച്ചി​രി​ക്കു​ന്ന കാ​ട്ടാ​ന​ക്കൂ​ട്ട​ങ്ങ​ൾ വ്യാ​പ​ക​മാ​യി കൃ​ഷി നാ​ശ​മാ​ണ്​ വ​രു​ത്തു​ന്ന​ത്.

രാ​ത്രി​യും പ​ക​ലും ജ​ന​വാ​സ മേ​ഖ​ല​യി​ൽ നി​ന്നും മാ​റാ​ൻ കൂ​ട്ടാ​ക്കാ​തെ നി​ൽ​ക്കു​ന്ന ഇ​വ 20 ഓ​ളം ക​ർ​ഷ​ക​രു​ടെ കാ​ർ​ഷി​ക വി​ള​ക​ൾ പൂ​ർ​ണ​മാ​യി ന​ശി​പ്പി​ച്ചു. വാ​ഴ​കൃ​ഷി , മ​ര​ച്ചീ​നി കൃ​ഷി, തെ​ങ്ങ്, ക​മു​ങ്ങ്, ഏ​ലം എ​ന്നു വേ​ണ്ട എ​ല്ലാ​ത്ത​രം കൃ​ഷി​ക​ളും ന​ശി​പ്പി​ച്ച​വ​യി​​ൽ​പ്പെ​ടും.

രാ​ത്രി​യും പ​ക​ലും പു​റ​ത്തി​റ​ങ്ങാ​ൻ പ​റ്റാ​ത്ത അ​വ​സ്ഥ​യി​ലാ​ണ് ജ​നം. കു​ട്ടി​ക​ൾ​ക്ക്​ സ്​​കൂ​ളി​ൽ പോ​കാ​ൻ വ​രെ ഭ​യ​മാ​ണ്.​എ​ങ്കി​ലും വ​നം വ​കു​പ്പ് യാ​തൊ​രു ന​ട​പ​ടി​യും സ്വീ​ക​രി​ക്കു​ന്നി​ല്ലെ​ന്നാ​ണ്​ ആ​ക്ഷേ​പം.

കാ​ട്ടാ​ന നാ​ശം വി​ത​ക്കു​മ്പോ​ൾ പ​ട്ട​യ പ്ര​ശ്നം പ​റ​ഞ്ഞ് ന​ഷ്ട​പ​രി​ഹാ​രം പോ​ലും ക​ർ​ഷ​ക​ർ​ക്ക് വ​നം വ​കു​പ്പ്​ നി​ഷേ​ധി​ക്കു​ക​യാ​ണെ​ന്ന്​ ആ​ക്ഷേ​പ​മു​ണ്ട്. കാ​ട്ടാ​ന ശ​ല്യം പ​രി​ഹ​രി​ക്ക​ണ​മെ​ന്നാ​വ​ശ്യ​പ്പെ​ട്ട് ക​ർ​ഷ​ക​ർ വ​നം വ​കു​പ്പ് ഓ​ഫി​സ് പ​ടി​ക്ക​ൽ സ​മ​രം തു​ട​ങ്ങാ​നു​ള്ള ഒ​രു​ക്ക​ത്തി​ലാ​ണ് . വാ​ള​റ അ​ഞ്ചാം മൈ​ൽ ഭാ​ഗ​ങ്ങ​ളി​ലും കാ​ട്ടാ​ന ശ​ല്യം അ​തി രൂ​ക്ഷ​മാ​ണ്.