കാ​ട്ടാ​ന​ക്കൂ​ട്ടം ജ​ന​വാ​സ മേ​ഖ​ല​യി​ൽ; മുൾമുനയിൽ മൂന്നാർ, ചിന്നക്കനാൽ

അ​ടി​മാ​ലി: ച​ക്ക​ക്കൊ​മ്പ​ന്‍റെയും പ​ട​യ​പ്പ​യു​ടെ​യും ആ​ക്ര​മ​ണം മൂ​ന്നാ​റി​നേ​യും ചി​ന്ന​ക്ക​നാ​ലി​നേ​യും മു​ൾ​മു​ന​യി​ലാ​ക്കു​ന്നു. ഏ​താ​നും ആ​ഴ്ച​ക​ളാ​യി വ​ന​ത്തി​ൽ ത​ങ്ങി​യി​രു​ന്ന ച​ക്ക​ക്കൊ​മ്പ​ൻ ശ​നി​യാ​ഴ്ച വീ​ണ്ടും ജ​ന​വാ​സ കേ​ന്ദ്ര​ത്തി​ലേ​ക്ക്​ ഇ​റ​ങ്ങി വീ​ടി​നു​നേ​രെ ആ​ക്ര​മ​ണം ന​ട​ത്തി. ചി​ന്ന​ക്ക​നാ​ൽ 301 കോ​ള​നി​യി​ൽ ശ​നി​യാ​ഴ്ച രാ​ത്രി ഇ​ടി​ക്കു​ഴി സ്വ​ദേ​ശി​ക​ളാ​യ സാ​വി​ത്രി​യു​ടേ​യും ല​ക്ഷ്മി​യു​ടേ​യും വീ​ടു​ക​ൾ​ക്ക് നേ​രെ​യാ​യി​രു​ന്നു ആ​ക്ര​മ​ണം. ഈ ​സ​മ​യം ര​ണ്ടു വീ​ടു​ക​ളി​ലും ആ​ൾ ഉ​ണ്ടാ​യി​രു​ന്നി​ല്ല. വീ​ടു​ക​ളു​ടെ ഭി​ത്തി ത​ക​ർ​ത്ത്​ വീ​ട്ടു​പ​ക​ര​ണ​ങ്ങ​ളും ന​ശി​പ്പി​ച്ചു.

ഒ​രി​ട​വേ​ള​ക്കു​ശേ​ഷ​മാ​ണ് 301 കോ​ള​നി​യി​ൽ കാ​ട്ടാ​ന ആ​ക്ര​മ​ണം ഉ​ണ്ടാ​കു​ന്ന​ത്. ഇ​വി​ടെ ഞാ​യ​റാ​ഴ്ച പ​ക​ലും ച​ക്ക​ക്കൊ​മ്പ​ൻ നി​ല​യു​റ​പ്പി​ച്ചു. ആ​ന​യി​റ​ങ്ക​ൽ ജ​ലാ​ശ​യ​ത്തി​ന്റെ മ​റു​ക​ര​യി​ൽ ശ​ങ്ക​ര​പാ​ണ്ഡ്യ​മെ​ട്ടി​ന് സ​മീ​പം മ​റ്റൊ​രു കാ​ട്ടാ​ന​ക്കൂ​ട്ട​വും ഞാ​യ​റാ​ഴ്ച എ​ത്തി.മൂ​ന്നാ​റി​ൽ ഒ​രാ​ഴ്ച​യാ​യി വി​ഹ​രി​ക്കു​ന്ന പ​ട​യ​പ്പ നി​ര​വ​ധി വാ​ഹ​ന​ങ്ങ​ൾ ആ​ക്ര​മി​ച്ചു. ബൈ​ക്ക് യാ​ത്ര​ക്കാ​ർ​ക്ക് നേ​രെ ആ​ക്ര​മ​ണം ഉ​ണ്ടാ​യ​തി​നെ തു​ട​ർ​ന്ന് സ്ത്രീ​ക്ക് ഗു​രു​ത​ര പ​രി​ക്കേ​റ്റി​രു​ന്നു. ഇ​വ​ർ ഇ​പ്പോ​ഴും ചി​കി​ത്സ​യി​ലാ​ണ്. വ​നം വ​കു​പ്പ് നി​രീ​ക്ഷ​ണം ന​ട​ത്തു​ന്ന​ത​ല്ലാ​തെ ഈ ​കാ​ട്ടാ​ന​യെ ജ​ന​വാ​സ കേ​ന്ദ്ര​ത്തി​ൽ​നി​ന്ന് തു​ര​ത്താ​ൻ ന​ട​പ​ടി സ്വീ​ക​രി​ക്കു​ന്നി​ല്ല. പ​ട​യ​പ്പ​യു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റ​താ​യി സം​ശ​യി​ക്കു​ന്ന ഒ​റ്റ​ക്കൊ​മ്പ​ൻ എ​ന്ന കാ​ട്ടാ​ന ഗു​രു​ത​ര പ​രി​ക്കു​ക​ളോ​ടെ ജ​ന​വാ​സ കേ​ന്ദ്ര​ത്തി​ൽ ചു​റ്റി​ത്തി​രി​യു​ക​യാ​ണ്.

മ​റ​യൂ​ർ, വ​ട്ട​വ​ട, മൂ​ന്നാ​ർ, ദേ​വി​കു​ളം, ചി​ന്ന​ക്ക​നാ​ൽ, ശാ​ന്ത​ൻ​പാ​റ, മാ​ങ്കു​ളം, അ​ടി​മാ​ലി പ​ഞ്ചാ​യ​ത്തു​ക​ളി​ലെ വി​വി​ധ ഇ​ട​ങ്ങ​ളി​ൽ നി​ര​വ​ധി കാ​ട്ടാ​ന​ക്കൂ​ട്ട​ങ്ങ​ളാ​ണ് ജ​ന​വാ​സ കേ​ന്ദ്ര​ത്തി​ലും കൃ​ഷി​യി​ട​ങ്ങ​ളി​ലും ത​മ്പ​ടി​ച്ചി​രി​ക്കു​ന്ന​ത്. വ​ലി​യ കൃ​ഷി നാ​ശ​വും ഉ​ണ്ടാ​യി​ട്ടു​ണ്ട്. ഞാ​യ​റാ​ഴ്ച പ​ട​യ​പ്പ വ്യാ​പാ​ര സ്ഥാ​പ​ന​ത്തി​ന്​ നേ​രെ​യും അ​ക്ര​മം അ​​ഴി​ച്ചുവിട്ടു. വ​ലി​യ നാ​ശ​ന​ഷ്ട​ങ്ങ​ൾ തു​ട​രു​മ്പോ​ഴും വ​നം​വ​കു​പ്പ് അ​ന​ങ്ങാ​തെ മാ​റി​നി​ൽ​ക്കു​ന്നു​വെ​ന്നാ​ണ്​ നാ​ട്ടു​കാ​രു​ടെ ആ​ക്ഷേ​പം.

രാ​ത്രി​യാ​യാ​ൽ 144 വ​കു​പ്പി​ന് സ​മാ​ന​മാ​ണ് തോ​ട്ടം മേ​ഖ​ല​യി​ലെ അ​വ​സ്ഥ. ഇ​രു​ട്ട് വീ​ഴു​ന്ന​തി​ന് മു​മ്പ്​ വീ​ടു​ക​ളി​ൽ എ​ത്തു​ന്ന​വ​ർ ഇ​പ്പോ​ൾ നേ​രം വെ​ളു​ത്താ​ൽ മാ​ത്ര​മാ​ണ് പു​റ​ത്തി​റ​ങ്ങു​ന്ന​ത്. ആ​ശു​പ​ത്രി​യാ​ത്ര പോ​ലു​ള്ള അ​ത്യാ​വ​ശ്യ സ​ന്ദ​ർ​ഭ​ങ്ങ​ളി​ൽ ജീ​വ​ൻ കൈ​യി​ൽ പി​ടി​ച്ചാ​ണ് ഇ​വി​ട​ത്തു​കാ​ർ സ​ഞ്ച​രി​ക്കു​ന്ന​ത്. സ​ർ​ക്കാ​റി​ന്‍റെ അ​ടി​യ​ന്തി​ര ഇ​ട​പെ​ട​ൽ വേ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. കാ​ട്ടാ​ന​ക്ക് പു​റ​മെ ക​ടു​വ, പു​ലി ശ​ല്യം കൂ​ടി തോ​ട്ടം മേ​ഖ​ല​യി​ൽ വ​ർ​ധി​ച്ചി​രി​ക്ക​യാ​ണ്.

റോഡില്‍ ഭീതി പരത്തി വിരിക്കൊമ്പൻ

മ​റ​യൂ​ര്‍: ചി​ന്നാ​ര്‍ റോ​ഡി​ല്‍ ഭീ​തി​പ​ര​ത്തി വി​രി​ക്കൊ​മ്പ​നെ​ന്ന് വി​ളി​പ്പേ​രു​ള്ള കാ​ട്ടാ​ന നി​ല​യു​റ​പ്പി​ച്ച​ത്​ യാ​ത്ര​ക്കാ​രെ ഭീ​തി​യി​ലാ​ഴ്ത്തി. മ​റ​യൂ​ര്‍-​ചി​ന്നാ​ര്‍ റോ​ഡി​ലൂ​ടെ​യെ​ത്തി​യ തി​രു​വ​ന​ന്ത​പു​രം-​പ​ഴ​നി കെ.​എ​സ്.​ആ​ർ.​ടി.​സി ബ​സി​ന് മു​ന്നി​ലാ​ണ്​ കാ​ട്ടാ​ന യാ​ത്രാ​ത​ട​സ്സം സൃ​ഷ്ടി​ച്ച​ത്. റോ​ഡി​ല്‍ നി​ല​യു​റ​പ്പി​ച്ചെ​ങ്കി​ലും ആ​ന അ​ക്ര​മ​ങ്ങ​ള്‍ക്ക് മു​തി​രാ​തി​രു​ന്ന​ത് ആ​ശ്വാ​സ​മാ​യി.

വേ​ന​ല്‍ ക​ന​ത്ത​തോ​ടെ മ​റ​യൂ​ര്‍, മൂ​ന്നാ​ർ മേ​ഖ​ല​ക​ളി​ല്‍ റോ​ഡി​ല്‍ കാ​ട്ടാ​ന​ക​ളു​ടെ സാ​ന്നി​ധ്യം വ​ര്‍ധി​ക്കു​ക​യാ​ണ്. മൂ​ന്നാ​ര്‍-​ഉ​ദു​മ​ല്‍പേ​ട്ട അ​ന്ത​ര്‍സം​സ്ഥാ​ന പാ​ത​യി​ലാ​ണ് കാ​ട്ടാ​ന​ക​ളു​ടെ സാ​ന്നി​ധ്യം കൂ​ടു​ത​ൽ. അ​ന്ത​ര്‍ സം​സ്ഥാ​ന പാ​ത​യു​ടെ ഭാ​ഗ​മാ​യ മ​റ​യൂ​ര്‍-​ചി​ന്നാ​ര്‍ റോ​ഡി​ല്‍ ഇ​പ്പോ​ൾ കാ​ട്ടാ​ന​ക​ൾ സ്ഥി​ര​മാ​യി ഇ​റ​ങ്ങു​ന്നു​ണ്ട്.