ടൂറിസ്റ്റ് ബസ് അപകടത്തിൽപെട്ടു

അടിമാലി: രാജാക്കാട് തേക്കിൻകാനം പാറശേരി വളവിൽ നിയന്ത്രണം നഷ്ടപ്പെട്ട ടൂറിസ്റ്റ് ബസ് മൺതിട്ടയിൽ ഇടിച്ചു നിന്നു. ചെന്നൈയിൽനിന്ന് മൂന്നാറിലേക്ക് വിനോദ സഞ്ചാരികളുമായി വന്ന ബസാണ് ബ്രേക്ക് നഷ്ടമായതിനെ തുടർന്ന് മൺതിട്ടയിൽ ഇടിച്ചു നിന്നത്.

വ്യഴാഴ്ച വൈകുന്നേരം അഞ്ചരയോടെയാണ് സംഭവം. 100 മീറ്റർ അകലെ വച്ച് ബ്രേക്ക് നഷ്ടപ്പെട്ട ബസ് ഇടിച്ചു നിർത്തുകയായിരുന്നു എന്ന് ഡ്രൈവർ പറഞ്ഞു. 30 യാത്രക്കാരാണ് ബസിലുണ്ടായിരുന്നത്. ആർക്കും പരിക്കില്ല.