കെ.എസ്​.ഇ.ബിയുടെ മോഷണം പോയ അലുമിനിയം കമ്പി കണ്ടെത്തി

അ​ടി​മാ​ലി: വൈ​ദ്യു​തി ബോ​ർ​ഡി​ന്‍റെ ക​മ്പി​ളി​ക​ണ്ടം സെ​ക്ഷ​ൻ ഓ​ഫി​സി​ൽ​നി​ന്ന്‌ മോ​ഷ​ണം പോ​യ ല​ക്ഷ​ങ്ങ​ൾ വി​ല​മ​തി​ക്കു​ന്ന അ​ലു​മി​നി​യം ക​മ്പി​ക​ൾ ബോ​ർ​ഡ് ഉ​ദ്യോ​ഗ​സ്ഥ​ർ ന​ട​ത്തി​യ അ​ന്വേ​ഷ​ണ​ത്തി​ൽ ക​ണ്ടെ​ത്തി. സം​ഭ​വ​ത്തി​ൽ വെ​ള്ള​ത്തൂ​വ​ൽ പൊ​ലീ​സ്​ നാ​ലു പേ​ർ​ക്കെ​തി​രെ കേ​സെ​ടു​ത്തു. ഇ​തു​മാ​യി ബ​ന്ധ​പ്പെ​ട്ട് ഒ​രാ​ൾ പി​ടി​യി​ലാ​യ​താ​യി സൂ​ച​ന​യു​ണ്ട്. മു​നി​യ​റ സ്വ​ദേ​ശി​യാ​ണ് പി​ടി​യി​ലാ​യ​തെ​ന്നാ​ണ്​ വി​വ​രം.

ബു​ധ​നാ​ഴ്ച​യാ​ണ് സെ​ക്ഷ​ൻ ഓ​ഫി​സി​ന്‍റെ പി​റ​കി​ൽ സൂ​ക്ഷി​ച്ചി​രു​ന്ന 1200 കി​ലോ വ​രു​ന്ന അ​ലു​മി​നി​യം ക​മ്പി​ക​ൾ മോ​ഷ​ണം പോ​യ​ത്. ഇ​തി​ന് ര​ണ്ടു​ല​ക്ഷം രൂ​പ​യോ​ളം വി​ല വ​രും. മു​ൻ ക​രാ​ർ ജീ​വ​ന​ക്കാ​ര​ന​ട​ക്കം നാ​ലം​ഗ സം​ഘ​മാ​ണ് സം​ഭ​വ​ത്തി​ന് പി​ന്നി​ൽ. ജീ​വ​ന​ക്കാ​രു​ടെ അ​ന്വേ​ഷ​ണ​ത്തി​ൽ മു​നി​യ​റ ക​രി​മ​ല റോ​ഡി​ലെ സ്വ​കാ​ര്യ വ്യ​ക്തി​യു​ടെ ആ​ൾ​ത്താ​മ​സ​മി​ല്ലാ​ത്ത വീ​ട്ടി​ൽ​നി​ന്ന്‌ മോ​ഷ​ണ​മു​ത​ൽ വ്യാ​ഴാ​ഴ്ച ക​ണ്ടെ​ത്തി.

പൊ​ലീ​സ്​ എ​ത്തി​യ​പ്പോ​ൾ ക​മ്പി ചെ​റു​ക​ഷ​ണ​ങ്ങ​ളാ​ക്കു​ക​യാ​യി​രു​ന്ന നാ​ലം​ഗ സം​ഘം ക​ട​ന്നു​ക​ള​ഞ്ഞു. വീ​ടി​ന് സ​മീ​പം പാ​ർ​ക്ക് ചെ​യ്തി​രു​ന്ന ഓ​ട്ടോ​റി​ക്ഷ പൊ​ലീ​സ്​ ക​സ്റ്റ​ഡി​യി​ൽ എ​ടു​ത്തു. ഈ ​വാ​ഹ​ന​ത്തി​ൽ​നി​ന്ന്‌ ര​തീ​ഷ്‌​കു​മാ​ർ എ​ന്ന​യാ​ളു​ടെ എ.​ടി.​എം കാ​ർ​ഡും പൊ​ലീ​സ് ക​ണ്ടെ​ടു​ത്തു. 11 കെ.​വി ലൈ​ൻ വ​ലി​ക്കാ​ൻ ഓ​ഫി​സി​ന് പി​റ​കി​ൽ സൂ​ക്ഷി​ച്ചി​രു​ന്ന​താ​ണ്​ അ​ലു​മി​നി​യം റോ​ളു​ക​ൾ. മോ​ഷ്ടാ​ക്ക​ൾ റോ​ഡി​ൽ​നി​ന്ന്‌ ഉ​രു​ട്ടി​വി​ട്ട അ​ലു​മി​നി​യം റോ​ളു​ക​ളി​ൽ ഒ​രെ​ണ്ണം ല​ക്ഷ്യം​തെ​റ്റി സ​മീ​പ​വാ​സി​യു​ടെ പു​ര​യി​ട​ത്തി​ൽ വീ​ണു. ഭൂ​വു​ട​മ വി​വ​രം വൈ​ദ്യു​തി ബോ​ർ​ഡ് ജീ​വ​ന​ക്കാ​രെ അ​റി​യി​ച്ച​തി​നെ തു​ട​ർ​ന്നാ​ണ് സം​ഭ​വം പു​റ​ത്ത​റി​ഞ്ഞ​ത്.