നാട്ടിലിറങ്ങി കാട്ടാനകൾ, പ്രതിരോധത്തിന്​ വനം വകുപ്പിനൊപ്പം നാട്ടുകാരും; ര​ണ്ട്​ കി​ലോ​മീ​റ്റ​ർ ദൂ​ര​ത്തി​ൽ വ​നം വ​കു​പ്പ് വൈ​ദ്യു​തി വേ​ലി സ്ഥാ​പി​ക്കു​ന്നു

അ​ടി​മാ​ലി: ജ​ന​വാ​സ മേ​ഖ​ല​യി​ൽ ത​മ്പ​ടി​ക്കു​ന്ന കാ​ട്ടാ​ന​ക​ളെ തു​ര​ത്താ​ൻ വ​നം വ​കു​പ്പി​നൊ​പ്പം നാ​ട്ടു​കാ​രു​മി​റ​ങ്ങി. പാ​ട്ട​യ​ട​മ്പ്, കു​ള​മാം കു​ഴി മേ​ഖ​ല​യി​ലെ കാ​ട്ടാ​ന ശ​ല്യം ഒ​ഴി​വാ​ക്കാ​ൻ വ​നം വ​കു​പ്പി​ന്‍റെ വൈ​ദ്യു​തി വേ​ലി നി​ർ​മാ​ണ​ത്തി​ന് സ​ഹാ​യി​ക്കാ​നാ​ണ്​ ജ​നം ഒ​ന്നാ​കെ മു​ന്നി​ട്ടി​റ​ങ്ങി​യ​ത്.

ര​ണ്ട്​ കി​ലോ​മീ​റ്റ​ർ ദൂ​ര​ത്തി​ലാ​ണ് വ​നം വ​കു​പ്പ് വൈ​ദ്യു​തി വേ​ലി സ്ഥാ​പി​ക്കു​ന്ന​ത്. വേ​ലി ക​ട​ന്ന് പോ​കു​ന്ന ഭാ​ഗ​ങ്ങ​ളി​ൽ കാ​ട് വെ​ട്ടി​ത്തെ​ളി​ക്കാ​നും വേ​ലി​ക്കാ​ല്​ സ്ഥാ​പി​ക്കാ​നും സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ നാ​ട് ഒ​ന്നി​ച്ചാ​ണ് എ​ത്തി​യ​ത്. ക​ഴി​ഞ്ഞ കു​റേ മാ​സ​ങ്ങ​ളാ​യി ഒ​റ്റ കൊ​മ്പ​നും ഇ​ത​ര കാ​ട്ടാ​ന​ക്കൂ​ട്ട​ങ്ങ​ളും പാ​ട്ട​യ​ട​മ്പ്, കു​ള​മാം കു​ഴി മേ​ഖ​ല​യി​ൽ വ​ലി​യ നാ​ശ​മാ​ണ് വി​ത​ച്ച​ത്. ഇ​തോ​ടെ ജ​ന​ങ്ങ​ൾ ആ​ക്ഷ​ൻ കൗ​ൺ​സി​ൽ രൂ​പ​വ​ത്​​ക​രി​ക്കു​ക​യാ​യി​രു​ന്നു.

ക​ഴി​ഞ്ഞ വ​ർ​ഷം ദേ​ശീ​യ​പാ​ത ഉ​പ​രോ​ധി​ച്ച് ന​ട​ത്തി​യ സ​മ​രം വ​ലി​യ ജ​ന​ശ്ര​ദ്ധ​യാ​ക​ർ​ഷി​ച്ചി​രു​ന്നു. ദി​വ​സ​ങ്ങ​ൾ​ക്ക്​ മു​ൻ​പും കാ​ട്ടാ​ന ഇ​റ​ങ്ങി​യ​തോ​ടെ പ്ര​ദേ​ശ​ത്തെ കു​ടും​ബ​ങ്ങ​ൾ ഒ​ന്നാ​കെ നേ​ര്യ​മം​ഗ​ലം റേ​ഞ്ച് ഓ​ഫീ​സ​റെ ത​ട​ഞ്ഞു​വെ​ച്ചു. തു​ട​ർ​ന്ന് സ​മ​ര​ക്കാ​രു​മാ​യി ന​ട​ത്തി​യ ച​ർ​ച്ച​യി​ൽ വ​നം​വ​കു​പ്പ് വൈ​ദ്യു​തി വേ​ലി സ്ഥാ​പി​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു.

വൈ​ദ്യു​തി​വേ​ലി സ്ഥാ​പി​ക്കാ​ൻ നാ​ട് ഒ​ന്നാ​കെ വ​നം വ​കു​പ്പി​നെ സ​ഹാ​യി​ക്കാ​ൻ എ​ത്തി​യ​ത് വ​ലി​യ പ്ര​ചോ​ദ​ന​മാ​യെ​ന്ന്​ റേ​ഞ്ച് ഓ​ഫി​സ​ർ പ​റ​ഞ്ഞു. ആ​ഴ്ച​ക​ൾ എ​ടു​ത്ത് തീ​രേ​ണ്ട ജോ​ലി​യാ​ണ് വേ​ഗ​ത്തി​ൽ തീ​രു​ന്ന​ത്. കാ​ട്ടാ​ന​ക​ളെ ഉ​ൾ​വ​ന​ത്തി​ലേ​ക്ക് ഓ​ടി​ച്ച് മാ​റ്റി​യ ശേ​ഷ​മാ​ണ് വൈ​ദ്യു​തി വേ​ലി സ്ഥാ​പി​ക്കു​ന്ന​ത്. പ​ഴ​യ വൈ​ദ്യു​തി​വേ​ലി അ​റ്റ​കു​റ്റ​പ്പ​ണി ന​ട​ത്തി പു​ന​രു​ദ്ധ​രി​ക്കു​ക​യും ചെ​യ്യു​ന്നു​ണ്ട്.