ജില്ലയിലെ 36 സ്‌കൂളുകളില്‍ ജലപരിശോധന ലാബ്​

* 46.29 ലക്ഷം രൂപ അനുവദിച്ചു, ഫണ്ട്​ എം.എൽ.എമാർ നൽകും തൊടുപുഴ: ജില്ലയിലെ വിവിധ ഗ്രാമപഞ്ചായത്തുകളിലെ 36 ഹയര്‍ സെക്കൻഡറി സ്‌കൂളുകളില്‍ ജലഗുണനിലവാര പരിശോധന ലാബുകള്‍ സ്ഥാപിക്കുന്നതിന് 46.29 ലക്ഷം രൂപയുടെ പദ്ധതികള്‍ക്ക് ജില്ല കലക്​ടർ ഭരണാനുമതി നല്‍കി. ഹരിതകേരളത്തി​ൻെറ ജല സംരക്ഷണ പ്രവര്‍ത്തനങ്ങളുടെ ഭാഗമായാണ് എല്ലാ ഗ്രാമപഞ്ചായത്തുകളിലെയും ഹയര്‍ സെക്കൻഡറി സ്‌കൂളുകളില്‍ എം.എൽ.എമാരുടെ സഹായത്തോടെ ലാബുകള്‍ തുറക്കുന്നത്. ജില്ലയിലെ അഞ്ച് എം.എൽ.എമാരുടെയും പ്രത്യേക വികസന നിധിയില്‍ നിന്ന്​ തുക ചെലവിടുന്നതിനാണ് അനുമതി. ഇടുക്കി മണ്ഡലത്തില്‍ റോഷി അഗസ്​റ്റിൻ എം.എൽ.എയുടെ ഫണ്ടില്‍നിന്ന്​ 12,50,000 രൂപ, പീരുമേട്ടില്‍ ഇ.എസ് ബിജിമോള്‍ 7,50,000രൂപ, ഉടുമ്പഞ്ചോലയില്‍ മന്ത്രി എം.എം മണി 11,25,000 രൂപ, പി.ജെ. ജോസഫ് 7,54,000രൂപ, ദേവികുളത്ത് എസ്.രാജേന്ദ്രന്‍ 9 ലക്ഷം രൂപ എന്നിങ്ങനെയാണ് തുക വിനിയോഗിക്കുക. കേരള ഇറിഗേഷന്‍ ഇന്‍ഫ്രാസ്ട്രക്​ചര്‍ ​െഡവലപ്‌മൻെറ്​ കോര്‍പറേഷനാണ് ജലലാബുകള്‍ നിര്‍മിക്കുക. ഇവയുടെ നിര്‍മാണം താമസിയാതെ ആരംഭിക്കുമെന്ന് ഹരിതകേരളം ജില്ല കോഓഡിനേറ്റര്‍ ഡോ. ജി.എസ് മധു അറിയിച്ചു. ഹയര്‍ സെക്കൻഡറി സ്‌കൂളുകളിലെ രസതന്ത്രം അധ്യാപകര്‍ക്കായിരിക്കും ലാബുകളുടെ മുഖ്യ ചുമതല. ഇവർക്ക്​ ജലപരിശോധനയില്‍ പരിശീലനം നല്‍കും. പഞ്ചായത്തില്‍ ഒരു ഹയര്‍ സെക്കൻഡറി സ്‌കൂളിലെങ്കിലും ലാബ്​ ഒരുക്കാനാണ് തുടക്കത്തില്‍ ലക്ഷ്യമിടുന്നത്. മതിൽ നിർമിച്ച് നൽകണം തൊടുപുഴ: പുനർനിർമിച്ച് തരാമെന്ന ഉറപ്പിൽ വഴിക്ക്​ വീതികൂട്ടാനായി പഞ്ചായത്ത് അംഗത്തി​ൻെറ നേതൃത്വത്തിൽ പൊളിച്ചുമാറ്റിയ മതിൽ പഞ്ചായത്ത് പുനർ നിർമിച്ച് നൽകണമെന്ന് സംസ്ഥാന മനുഷ്യാവകാശ കമീഷൻ. മതിലിന്​ ആവശ്യമായ കല്ല് പരാതിക്കാരൻ ലഭ്യമാക്കണമെന്നും ഇതിനായി പരാതിക്കാരൻ തൊഴിലുറപ്പ് കാർഡ് എടുക്കണമെന്നും കമീഷൻ നിർദേശിച്ചു. കമീഷൻ അധ്യക്ഷൻ ജസ്​റ്റിസ് ആൻറണി ഡൊമിനിക്കി​േൻറതാണ് ഉത്തരവ്. തൊടുപുഴ മുതലക്കുടം ചാലംകോട് സ്വദേശി കെ.വി. ശശികുമാർ സമർപ്പിച്ച പരാതിയാണ് തീർപ്പാക്കിയത്.