കാറ്റിലും മഴയിലും നാശനഷ്​ടം

മുട്ടം: കാറ്റിലും മഴയിലും കനത്ത നാശനഷ്​ടം. മരംവീണ് മൂന്ന്​ വീടുകൾ തകർന്നു. ഒട്ടേറെ പ്രദേശങ്ങളിൽ കൃഷിനാശമുണ്ടായിട്ടുണ്ട്. റബർ, കാപ്പി, കൊടി, കപ്പ, വാഴ, കമുക് തുടങ്ങിയ കാർഷിക വിളകൾ നശിച്ചു. തൊടുപുഴ-പുളിയന്മല സംസ്ഥന പാതയിൽ മൂന്നാംമൈൽ മുതൽ മുട്ടം വരെ രണ്ട്​ കിലോമീറ്റർ ദൂരം മരങ്ങൾ റോഡിലേക്കുവീണ് ഗതാഗതം തടസ്സപ്പെട്ടു. മുട്ടം- തുടങ്ങനാട് റോഡിലും മരംവീണ് ഗതാഗതം തടസ്സപ്പെട്ടു. അരുൺ ചെറിയാൻ പൂച്ചക്കുഴിയുടെ വീട്​ തേക്കുമരംവീണ് ഭാഗികമായി തകർന്നു. കുഴിയമ്പാട്ട് രാജുവിന്‍റെ ഗോഡൗണിന്‍റെ മേൽക്കുര പറന്നുപോയി​. തോട്ടുങ്കര അറയ്​ക്കൽ കോളനി സി.ആർ. ബിജിയുടെ വീടിന്‍റെ മേൽക്കൂര പൂർണമായി തകർന്നു. മുട്ടത്തെ വിവിധ പ്രദേശങ്ങളിൽ വ്യാപക കൃഷിനാശമുണ്ട്. റോഡുകളിൽ മരംവീണ് ഗതാഗതം തടസ്സപ്പെട്ടിരിക്കുന്നതിനാൽ രക്ഷാപ്രവർത്തനം വൈകിയാണ് നടക്കുന്നത്. tdl mltm8 കുഴിയമ്പാട്ട് രാജുവിന്‍റെ ഗോഡൗണിന്‍റെ മേൽക്കൂര പറന്ന് മരത്തിൽ തങ്ങിനിൽക്കുന്നു