പിടിയിലായവരിൽ പ്രായപൂർത്തിയാകാത്തയാളും പീരുമേട്: പാമ്പനാറ്റിൽനിന്ന് ഓട്ടോ മോഷ്ടിച്ച കേസിൽ പ്രായപൂർത്തിയാകാത്തയാൾ ഉൾപ്പെടെ അഞ്ചുപേർ അറസ്റ്റിൽ. കട്ടപ്പന സ്വദേശി രവീന്ദ്രൻ (47), കുമളി സ്വദേശികളായ മുരളീധരൻ (62), ബിജു (47), അനീഷ് ഗോപാലൻ (42) എന്നിവരാണ് അറസ്റ്റിലായത്. നവംബർ 20നാണ് സംഭവം. പാമ്പനാർ ഫാർമസി വളവിൽ പാർക്ക് ചെയ്ത പാമ്പനാർ സ്വദേശി വെച്ചുരാത്ത് മജീദിന്റെ ഓട്ടോയാണ് മോഷ്ടിച്ചത്. പഴയ പാമ്പനാർ പമ്പിന് സമീപമെത്തിയ ഓട്ടോ തിരിച്ച് കുമളി ഭാഗത്തേക്ക് പോകുന്നതായി സി.സി ടി.വി ദൃശ്യത്തിൽ കണ്ടെത്തിയിരുന്നു. ഇതേതുടർന്ന് അന്വേഷണം നടക്കുകയായിരുന്നു. ഇതിനിടെ വ്യാഴാഴ്ച വൈകീട്ട് നാലോടെ ഓട്ടോ പാമ്പനാറ്റിൽ എത്തി. ഓട്ടോ ഡ്രൈവർമാർ തിരിച്ചറിഞ്ഞ് പൊലീസിൽ വിവരം അറിയിക്കുകയായിരുന്നു. തുടർന്ന് പൊലീസ് നടത്തിയ അന്വേഷണത്തിലാണ് മോഷ്ടിച്ച ഓട്ടോ കുമളിയിൽ വിറ്റതായും മറ്റൊരു ഓട്ടോയുടെ നമ്പർ രേഖപ്പെടുത്തി ഓടുന്നതായും കണ്ടെത്തിയത്. ഓട്ടോയുടെ എൻജിൻ നമ്പർ, ഷാസി നമ്പർ എന്നിവ മാറ്റി രേഖപ്പെടുത്തിയ വർക് ഷോപ് ജീവനക്കാർ ഉൾപ്പെടെയാണ് അറസ്റ്റിലായത്. പീരുമേട് കോടതിയിൽ ഹാജരാക്കിയ പ്രതികളെ റിമാൻഡ് ചെയ്ത് സബ് ജയിലേക്ക് അയച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.