കണ്ടക്​ടർമാരുടെ കുറവ്; സർവിസുകൾ മുടങ്ങുന്നു

മൂലമറ്റം: കണ്ടക്​ടർമാരുടെ കുറവ്​മൂലം മൂലമറ്റം കെ.എസ്.ആർ.ടി.സി ഓപറേറ്റിങ് സൻെററിൽനിന്ന് ബസ് സർവിസുകൾ പതിവായി മുടങ്ങുന്നു. 10 കണ്ടക്​ടർമാരുടെ കുറവാണ് ഇവിടെയുള്ളത്. നിലവിൽ മൂലമറ്റം ഡിപ്പോയിൽ കണ്ടക്​ടർമാരിൽ മൂന്നുപേർ സസ്‌പെൻഷനിലാണ്. രണ്ടുപേർ സ്ഥലംമാറിപോയി. അഞ്ചുപേരെ വർക്ക് അറേഞ്ച്‌മൻെറി​ൻെറ പേരിൽ പമ്പക്കും തൊടുപുഴക്കും മാറ്റി. കണ്ടക്​ടർമാരുടെ കുറവ് മൂലം പല സർവിസുകളും പതിവായി മുടങ്ങുന്നുണ്ട്. ലോക്ഡൗണിന് മുമ്പ്​ 25 സർവിസുകൾ മൂലമറ്റത്തുനിന്ന് ഓടിച്ചിരുന്നു. ഇപ്പോൾ 16 സർവിസുകൾ മാത്രമാണ് ഉള്ളത്. ഇതിൽ പലതുമാണ് മുടങ്ങുന്നത്. ഗ്രാമീണ മേഖലയിലേക്ക് സർവിസ് നടത്തുന്ന ബസുകളാണ് മിക്കപ്പോഴും മുടങ്ങുന്നത്. ബസുകൾ പതിവായി മുടങ്ങുന്നതോടെ ഒട്ടേറെ ആളുകളാണ് ദുരിതത്തിലായിരിക്കുന്നത്. കലക്​ഷനുള്ള ബസുകൾ മുടങ്ങുന്നത് ഡിപ്പോയുടെ വരുമാനത്തെയും ബാധിക്കും. വരവ് കുറഞ്ഞാൽ മൂലമറ്റത്തെ ഓപറേറ്റിങ് സൻെറർ പദവി നഷ്​ടപ്പെടുത്തുന്നതിനും സൻെറർ പൂട്ടി ബസ് സ്​റ്റാൻഡ്​ മാത്രമായി മാറുന്നതിനും സാധ്യതയുണ്ട്.