കട്ടപ്പന: ജില്ല ജൂനിയർ അത്ലറ്റിക് മീറ്റ് ഡിസംബർ ഒന്ന് മുതൽ മൂന്നുവരെ കാൽവരിമൗണ്ടിൽ നടക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. സ്കൂൾ, കോളജ്, ക്ലബുകളെ പ്രതിനിധാനം ചെയ്ത് 600ഓളം കായിക താരങ്ങൾ മേളയിൽ മാറ്റുരക്കും. ഒന്നിന് രാവിലെ എട്ട് മുതൽ മത്സരങ്ങൾ തുടങ്ങും. രണ്ടിന് രാവിലെ 10ന് സി.എം.ഐ മൂവാറ്റുപുഴ കോർപറേറ്റ് മാനേജർ ഫാ. റിനോജ് വട്ടക്കാനായിൽ കായിക മേള ഉദ്ഘാടനം ചെയ്യും. മൂന്നിന് വൈകീട്ട് നാലിന് സമാപന സമ്മേളനം ജില്ല സ്പോർട്സ് കൗൺസിൽ പ്രസിഡൻറ് റോമിയോ സെബാസ്റ്റ്യൻ ഉദ്ഘാടനം ചെയ്യും. കോഴിക്കോട് നടക്കുന്ന സംസ്ഥാന ജൂനിയർ അത്ലറ്റിക് മീറ്റിൽ പങ്കെടുക്കേണ്ട ജില്ല ടീമിനെ ഈ മത്സരത്തിൽനിന്ന് തെരഞ്ഞെടുക്കും. മത്സരത്തിൽ പങ്കെടുക്കാൻ ആഗ്രഹിക്കുന്നവർ 27ന് മുമ്പ് www.idukki atheletics weebly.com വെബ്സൈറ്റിൽ പേര് രജിസ്റ്റർ ചെയ്യണമെന്ന് അസോസിയേഷൻ സെക്രട്ടറി അറിയിച്ചു. ഫോൺ: 9778339772. വാർത്തസമ്മേളനത്തിൽ അസോസിയേഷൻ പ്രസിഡൻറ് പി.എസ്. ഡൊമിനിക്, സെക്രട്ടറി ജിറ്റോ മാത്യു, ഭാരവാഹികളായ സുരേഷ് ബാബു, ടോം ടി. ജോസ് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.