സംസ്ഥാന വെയ്റ്റ്ലിഫ്റ്റിങ്​ ചാമ്പ്യൻഷിപ് സമാപിച്ചു

തൊടുപുഴ: മൂന്നുദിവസമായി ന്യൂമാൻ കോളജ് ഇൻഡോർ സ്​റ്റേഡിയത്തിൽ നടക്കുന്ന സംസ്ഥാന സബ്​ ജൂനിയർ, ജൂനിയർ, സീനിയർ ഇൻറർ ക്ലബ്​ വെയ്റ്റ് ലിഫ്റ്റിങ്​ ചാമ്പ്യൻഷിപ് സമാപിച്ചു. സബ്​ ജൂനിയർ ആൺകുട്ടികളുടെ വിഭാഗത്തിൽ 243 പോയൻറ്​ നേടി കണ്ണൂർ ജില്ല ഒന്നാംസ്ഥാനത്തെത്തി. തിരുവനന്തപുരം (233 പോയൻറ്​) ആണ്​ രണ്ടാംസ്ഥാനത്ത്. പെൺകുട്ടികളിൽ തൃശൂർ (219) ഒന്നാംസ്ഥാനത്തും കണ്ണൂർ (214) രണ്ടാംസ്ഥാനത്തുമെത്തി. ജൂനിയർ ആൺകുട്ടികളുടെ വിഭാഗത്തിൽ കണ്ണൂർ (211), കോട്ടയം (209) ജില്ലകൾക്കാണ്​ യഥാക്രമം ഒന്നും രണ്ടും സ്ഥാനം. പെൺകുട്ടികളിൽ കോഴിക്കോട് (229) ഒന്നാംസ്ഥാനത്തും തിരുവനന്തപുരം (210) രണ്ടാംസ്ഥാനത്തുമാണ്. സീനിയർ ഇൻറർ ക്ലബ്​ പുരുഷ വിഭാഗത്തിൽ അൾട്ര ഫിറ്റ്നസ് തൃശൂർ (248) ഒന്നാംസ്ഥാനം നേടിയപ്പോൾ കേരള പൊലീസിനാണ്​ (223) രണ്ടാംസ്ഥാനം. വനിത വിഭാഗത്തിൽ കോഴിക്കോട് (249) ഒന്നാംസ്ഥാനവും തൃശൂർ (234) രണ്ടാംസ്ഥാനവും നേടി. സബ്​ ജൂനിയർ ആൺകുട്ടികളുടെയും പെൺകുട്ടികളുടെയും വിഭാഗത്തിലെ മികച്ച വെയ്റ്റ് ലിഫ്റ്ററായി യഥാക്രമം തിരുവനന്തപുരം ജില്ലയിൽ നിന്നുള്ള ആദർശ്, ഹർഷ എന്നിവരെയും ജൂനിയർ വിഭാഗത്തിലെ മികച്ച വെയ്റ്റ് ലിഫ്റ്ററായി തിരുവനന്തപുരത്തുള്ള ദിൽജിത്, അഞ്ജന ശ്രീജിത് എന്നിവരെയും തെരഞ്ഞെടുത്തു. എം.എൻ. ബാബുവി​ൻെറ അധ്യക്ഷതയിൽ ചേർന്ന യോഗത്തിൽ ഡിവൈ.എസ്.പി കെ. സദൻ, കേരള ബാർ കൗൺസിൽ ചെയർമാൻ അഡ്വ. ജോസഫ് ജോൺ, വെയ്റ്റ് ലിഫ്റ്റിങ്​ അസോ. സിയേഷൻ സംസ്ഥാന പ്രസിഡൻറ്​ കെ. ശ്രീനാഥ്, സെക്രട്ടറി ജി. ബാലകൃഷ്ണൻ, ട്രഷറർ രതീഷ് കുമാർ ബേസ്ബാൾ അസോ. പ്രസിഡൻറ്​ ടി.സി. രാജു തരണിയിൽ തുടങ്ങിയവർ ട്രോഫികൾ വിതരണം ചെയ്തു. -------- ചിത്രം TDL101 weight lifting സംസ്ഥാന സബ്ജൂനിയർ വെയ്റ്റ് ലിഫ്റ്റിങ്​ ചാമ്പ്യൻഷിപ്പി​ൻെറ സമാപന സമ്മേളനം തൊടുപുഴയിൽ ഡിവൈ.എസ്.പി കെ. സദൻ ഉദ്​ഘാടനം ചെയ്യുന്നു ------- ന്യൂമാൻ കോളജിൽ തൊഴിൽ നൈപുണ്യ വിഭാഗം തൊടുപുഴ: സംസ്ഥാന സർക്കാറിന്​ കീഴിലെ അഡീഷനൽ സ്​കിൽ അക്വിസിഷൻ േപ്രാഗ്രാമി​ൻെറ (അസാപ്​) ഭാഗമായി ന്യൂമാൻ കോളജിൽ അസാപ്പ് സെല്ലി​ൻെറയും ആദ്യ േപ്രാഗ്രാമായ ഫിറ്റ്നസ്​ ട്രയിനർ കോഴ്സിൻെറയും ഉദ്​ഘാടനം മന്ത്രി റോഷി അഗസ്​റ്റ്യൻ നിർവഹിച്ചു. കോളജിലെ കായിക വകുപ്പി​ൻെറ മേൽനോട്ടത്തിലാണ് കോഴ്സ്. കോഴ്സിൻെറ കൈപ്പുസ്​തകം കോളജ് മാനേജർ ഫാ. ഡോ. പയസ്​ മലേക്കണ്ടത്തിൽ പ്രകാശനം ചെയ്തു. പ്രിൻസിപ്പൽ ഡോ. തോംസൺ ജോസഫ് അധ്യക്ഷതവഹിച്ചു. വൈസ്​ പ്രിൻസിപ്പൽ ഫാ. ഡോ. മാനുവൽ പിച്ചളക്കാട്ട്, കോളജ് ബർസാർ ഫാ. പോൾ കാരക്കൊമ്പിൽ, േപ്രാഗ്രാം കോഡിനേറ്റർ ഡോ. സാജു അബ്രാഹം, കോഴ്സ്​ കോഡിനേറ്റർ എബിൻ വിൽസൺ, അസാപ് ജില്ല േപ്രാഗ്രാം മാനേജർ അനു പോൾ എന്നിവർ സംസാരിച്ചു. -------- ചിത്രം TDL102 Newman തൊടുപുഴ ന്യൂമാൻ കോളജിലെ തൊഴിൽ നൈപുണ്യ വിഭാഗം മന്ത്രി റോഷി അഗസ്​റ്റിൻ ഉദ്​ഘാടനം ചെയ്യുന്നു ---------- ഗുണഭോക്തൃ വിഹിതം അടയ്​ക്കണം തൊടുപുഴ: 2021-22 സാമ്പത്തികവർഷം മണക്കാട് കൃഷിഭവൻ വഴി നടപ്പാക്കുന്ന 'വനിത കർഷകർക്ക് ഗ്രോബാഗ് വിതരണം' പദ്ധതിയിൽ ഗുണഭോക്തൃ പട്ടികയിൽപെട്ട കർഷകർ ഗുണഭോക്തൃ വിഹിതമായ 500 രൂപ ഉടൻ കൃഷിഭവനിൽ അടയ്​ക്കണം. 'വനിത കർഷകർക്ക് തേനീച്ച വളർത്തലിന് സബ്സിഡി' പദ്ധതിയിൽ നവംബർ 20നകം അപേക്ഷ നൽകണം. -------------- ഭൂനിയമങ്ങള്‍ ഭേദഗതി ചെയ്യണം -ഇൻഫാം തൊടുപുഴ: അമ്പതിലേറെ വര്‍ഷം പഴക്കമുള്ള കാലഹരണപ്പെട്ട ഭൂനിയമങ്ങള്‍ കാലത്തിനനുസരിച്ച് ഭേദഗതി ചെയ്യുന്നില്ലെങ്കില്‍ മലയോര ജനതക്ക്​ നിലനില്‍പില്ലെന്നും രാഷ്​ട്രീയ ഭരണനേതൃത്വങ്ങള്‍ ഇക്കാര്യത്തില്‍ അടവുനയം മാറ്റി ആത്മാര്‍ഥ സമീപനം സ്വീകരിക്കണമെന്നും ഇന്‍ഫാം ദേശീയ സെക്രട്ടറി ജനറല്‍ അഡ്വ. വി.സി. സെബാസ്​റ്റ്യന് ആവശ്യപ്പെട്ടു. നിര്‍മ്ണപ്രവര്‍ത്തനങ്ങള്‍ വികസനത്തി​ൻെറ ഭാഗമാണ്. ​​വന്‍കിട ടൂറിസ്​റ്റ്​ പദ്ധതികളും ഖനന ക്വാറികളും കര്‍ഷകരുടേതല്ല. പിറന്നുവീണ മണ്ണില്‍ ജീവിതം കെട്ടിപ്പടുക്കാന്‍ പണിയെടുക്കുന്ന ഒരു ജനതയെ ഇതി​ൻെറ പേരില്‍ ക്രൂശിക്കാന്‍ അനുവദിക്കില്ലെന്നും അദ്ദേഹം പറഞ്ഞു.