റോഡിലേക്ക് വളർന്ന്​ മുൾപടർപ്പുകൾ

മുട്ടം: റോഡിലേക്ക് വളർന്നുനിൽക്കുന്ന മുൾപടർപ്പുകൾ യാത്രക്കാർക്ക്​ ബുദ്ധിമുട്ട് സൃഷ്​ടിക്കുന്നു. തൊടുപുഴ- പുളിയന്മല സംസ്ഥാന പാതയിൽ പെരുമറ്റത്താണ് മുൾപടർപ്പുകളും കാടുംപടലും വളർന്ന് റോഡിലേക്ക് നിൽക്കുന്നത്. ബസുകളിലും മറ്റും സഞ്ചരിക്കുന്നവരുടെ മുഖത്തും ശരീരത്തിലും മുൾചെടികൾ വന്ന് അടിക്കുന്നുണ്ട്​. റോഡിന് വീതിയുള്ള പ്രദേശമാണ് ഇവിടമെങ്കിലും അരികുകളിൽ കാട്​ വളർന്നതിനാൽ വീതി ചുരുങ്ങി. മുൻകാലങ്ങളിൽ തൊഴിലുറപ്പ് തൊഴിലാളികളും മറ്റും ഇവ വെട്ടിമാറ്റുമായിരുന്നു. എന്നാൽ, പുതിയ നിയമപ്രകാരം ഇവ തൊഴിലുറപ്പ് തൊഴിലാളികളെ ഉപയോഗിച്ച് വെട്ടാൻ സാധിക്കില്ല. -------------- tdl പെരുമറ്റത്തിന് സമീപം റോഡിലേക്ക് വളർന്ന മുൾപടർപ്പുകൾ