മുട്ടത്തെ അശാസ്​ത്രീയ പാർക്കിങ്​ തുടരുന്നു

മുട്ടം: മുട്ടം ടൗണിൽ ബസിൽ ആളുകളെ കയറ്റുകയും ഇറക്കുകയും ചെയ്യുന്നത് സീബ്രാലൈനിൽ. പൊലീസുകാർ, ബസ് സ്​റ്റോപ്പിലേക്ക് കയറ്റിനിർത്താൻ ആവശ്യപ്പെട്ടാലും ഡ്രൈവർമാർ അനുസരിക്കാറില്ല. ഇതുമൂലം കാൽനടക്കാർ റോഡ് മുറിച്ചുകടക്കാൻ ബുദ്ധിമുട്ടുന്നു. കൂടാതെ കവലക്ക് സമീപം ബസ് നിർത്തുന്നതുമൂലം ടൗണിൽ ഗതാഗതക്കുരുക്കും രൂപപ്പെടാറുണ്ട്. മുട്ടം ടൗണിലെ അശാസ്ത്രീയ പാർക്കിങ്ങും ബസ് സ്​റ്റോപ്പുകളും മാറ്റിസ്ഥാപിക്കണമെന്ന് ലീഗൽ സർവിസസ് അതോറിറ്റിയുടെ നിർദേശം ഉണ്ടെങ്കിലും നടപടിമാത്രം ആയിട്ടില്ല. ഗതാഗതക്കുരുക്ക് ഒഴിവാക്കാൻ നാലുവർഷം മുമ്പാണ് ലീഗൽ സർവിസസ് അതോറിറ്റി നിർദേശം സമർപ്പിച്ചത്. ഇതിനായി വിവിധ വകുപ്പുകൾ ഏകോപിച്ച് യോഗം ചേർന്നിരുന്നു. ------- tdl mltm റോഡ് മുറിച്ചുകടക്കാൻ വരച്ച സീബ്രാലൈനിൽ നിർത്തിയ ബസ്