കായ്ക്കണമെന്ന് വെച്ചാൽ ഏലം തെങ്ങിന്മുകളിലും ...

നെടുങ്കണ്ടം: കായ്ക്കണമെന്ന് വെച്ചാൽ ഏലം തെങ്ങിന്മുകളിലും കായ്ക്കു​െമന്നാണ്​ ഇവിടുത്തെ പാഠം. അതും മണ്ഡരി ബാധിച്ച് മണ്ടപോയ തെങ്ങിന്മുകളിൽ. മുണ്ടിയെരുമയിലാണ് ഈ അപൂർവകാഴ്ച. മണ്ടപോയ തെങ്ങ് വെട്ടിക്കളയാൻ ആലോചിച്ചിരിക്കുമ്പോഴാണ് തെങ്ങിന്മുകളിൽ ഏലം കിളിർത്തത് ശ്രദ്ധയിൽപെട്ടത്. മുണ്ടിയെരുമ എൻ.എസ്​.എസ്​ കരയോഗത്തി​ൻെറ ഉടമസ്​ഥതയിലുള്ള പുരയിടത്തിലെ തെങ്ങിലായിരുന്നു ഇത്​. സാധാരണ ഏലക്കാടുകളിൽ മരങ്ങളുടെ പൊത്തുകളിലും മറ്റും ചെറിയ ഏലനാമ്പുകൾ കാണാറുണ്ടെങ്കിലും സമൃദ്ധമായി തഴച്ചുവളരാറില്ല. എന്നാൽ, മുണ്ടിയെരുമയിലെ തെങ്ങിൻമുകളിൽ ആറോളം ചിമ്പുകളോടെ തഴച്ചുവളരുകയാണ് ഏലച്ചെടി. ഇതോടെ നാട്ടുകാർക്കും കൗതുകമായി. തെങ്ങിന്മുകളിൽ നാമ്പിട്ട ഏലത്തി​ൻെറ ചിത്രങ്ങൾ സോഷ്യൽ മീഡിയയിൽ പ്രചരിക്കുകയാണിപ്പോൾ. തെങ്ങിൽമുകളിൽ ഏതോ പക്ഷി നിക്ഷേപിച്ച ഏലക്ക അരി കിളിർത്തതാകാം ഇങ്ങനെ സംഭവിക്കാൻ കാരണമെന്നാണ്​ നിഗമനം. മാസങ്ങൾക്ക് മുമ്പാണ് തെങ്ങി​ൻെറ മുകളിൽ ഏലച്ചെടി വളരുന്നത് നാട്ടുകാരുടെ ശ്രദ്ധയിൽപ്പെട്ടത്. TDL ELAM NDKM തെങ്ങിന്മുകളിൽ നാമ്പിട്ട ഏലം