രാമക്കൽമേട്ടിൽ കടുവ ഇറങ്ങിയതായി അഭ്യൂഹം

നെടുങ്കണ്ടം: രാമക്കൽമേട് വിനോദസഞ്ചാര കേന്ദ്രത്തിന് സമീപം കടുവ ഇറങ്ങിയതായി പ്രദേശവാസികൾ. പൂച്ചപ്പുലിയോ വളർത്തുമൃഗങ്ങളോ ആകാനാണ് സാധ്യതയെന്ന് വനംവകുപ്പ്. രാമക്കൽമേട് വിനോദസഞ്ചാര കേന്ദ്രത്തിന് സമീപം സ്​ഥിതി ചെയ്യുന്ന ശ്രീരാമക്ഷേത്രത്തിനുള്ളിൽ വിവിധയിടങ്ങളിലും പരിസര പ്രദേശങ്ങളിലും കടുവയുടേതിന് സമാനമായ കാൽപാടുകൾ കണ്ടെത്തിയതാണ്​ നാട്ടുകാരെ ഭീതിയിലാക്കിയത്​. കല്ലാർ ഫോറസ്​റ്റ്​ ഡിവിഷൻ ഉദ്യോഗസ്​ഥർ സ്​ഥലത്തെത്തി പരിശോധന നടത്തി. കണ്ടെത്തിയ കാൽപാടുകൾ പൂച്ചപ്പുലിയുടേതാകാമെന്ന നിഗമനത്തിലാണ് ഉദ്യോഗസ്​ഥർ. കൂടുതൽ പരിശോധനകൾക്കായി ശേഖരിച്ച തെളിവുകൾ വനംവകുപ്പ് ഉന്നത ഉദ്യോഗസ്​ഥർക്ക് അയച്ചു. TDL FOREST SEARCH PULI രാമക്കല്‍േമട്ടില്‍ കണ്ട പുലിയുടേതെന്ന് സംശയിക്കുന്ന കാല്‍പാടുകള്‍ വനംവകുപ്പ് പരിശോധിക്കുന്നു TDL PULI RAMAKKALMEDU രാമക്കൽമേട് വിനോദസഞ്ചാര കേന്ദ്രത്തിന് സമീപം കണ്ട കടുവയുടേതെന്ന്​​ സംശയിക്കുന്ന കാൽപാടുകൾ.