അടിമാലി: അടിമാലിയിൽ നടന്ന 21ാമത് ജില്ലതല ജൂനിയർ വുഷു ചാമ്പ്യൻഷിപ്പിൽ 169 പോയന്റ് നേടി എൻ.ആർ.സിറ്റി എസ്.എൻ.വി ഹയർ സെക്കൻഡറി സ്കൂൾ ഓവറോൾ കിരീടം ചൂടി. കിരീടം നേടിയ സ്കൂളിലെ കായിക താരങ്ങൾക്ക് അധ്യാപകരും രക്ഷിതാക്കളും വിദ്യർഥികളും ചേർന്ന് സ്വീകരണം നൽകി. മാനേജർ ഡി. രാധാകൃഷ്ണൻ തമ്പി അധ്യക്ഷത വഹിച്ചു. ജില്ല പഞ്ചായത്ത് വൈസ് പ്രസിഡന്റ് ഉഷാകുമാരി മോഹൻകുമാർ യോഗം ഉദ്ഘാടനം ചെയ്തു. പ്രധാനാധ്യാപകൻ കെ.ആർ. ശ്രീനി, പി.ടി.എ പ്രസിഡന്റ് ഷാജി ചുള്ളിക്കാട്ട്, ഡെപ്യൂട്ടി ഹെഡ്മാസ്റ്റർ എൻ. സുധ, സ്റ്റാഫ് സെക്രട്ടറി പി.എസ്. ജിനു, കായികാധ്യാപകരായ ടി.ബി. മിനിജ, സുനിൽകുമാർ എന്നിവർ സംസാരിച്ചു. ഒമ്പത് സ്വർണവും എട്ടു വെള്ളിയും മൂന്ന് വെങ്കല മെഡലുകളുമാണ് സ്കൂളിലെ കായികതാരങ്ങൾ നേടിയത്. മുത്തേശ്വർ, നന്ദു, വി.എസ്. അനാമിക, അനുഷ്ക, ടെസിയ ദീപ ബിജു, സരിത, ഗീതിക, സുദേവ്, അനിൽ എന്നിവർ സ്വർണമെഡലും വൈഗ, ആൻ മരിയ, അനാമിക ഷൈജു, അദ്വൈത്, അഭിനവ്, അമൽ, അഭിജിത്ത്, ജ്യോഷ്വാ എന്നിവർ വെള്ളി മെഡലും അഭിനന്ദ്, ബെൻ പി. ബൈജു, അഖിൽ കൃഷ്ണ എന്നിവർ വെങ്കലമെഡലും കരസ്ഥമാക്കി. idl adi 2 school ചിത്രം : ജില്ല വുഷു ചാമ്പ്യൻഷിപ്പിൽ ഓവറോൾ കിരീടം നേടിയ കായിക താരങ്ങൾ എൻ.അർ സിറ്റി സ്കൂൾ അധികൃതർക്കൊപ്പം
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.