തൊടുപുഴ: ജില്ലയിലെ വിവിധ താലൂക്കുകളിൽ ദുരിതാശ്വാസ ക്യാമ്പുകളായി പ്രവർത്തിക്കുന്ന, ഇടുക്കി താലൂക്കിലെ കഞ്ഞിക്കുഴി നങ്കിസിറ്റി ഗവ. എൽ.പി.എസ് ഒഴികെ എല്ലാ വിദ്യാഭ്യാസ സ്ഥാപനങ്ങൾക്കും ഇനി ഒരു ഉത്തരവ് ഉണ്ടാകുന്നതുവരെയോ വിദ്യാഭ്യാസ സ്ഥാപനങ്ങളിൽ പ്രവർത്തിക്കുന്ന ദുരിതാശ്വാസ ക്യാമ്പുകൾ പിരിച്ചുവിടുന്നതുവരെയോ കലക്ടർ അവധി പ്രഖ്യാപിച്ചു. ദുരിതാശ്വാസ ക്യാമ്പുകൾ അടിയന്തരമായി മറ്റ് സ്ഥാപനങ്ങളിലേക്ക് മാറ്റുന്നതിന് നടപടി സ്വീകരിക്കാൻ ബന്ധപ്പെട്ട തദ്ദേശസ്ഥാപന മേധാവികൾക്കും വില്ലേജ് ഓഫിസർമാർക്കും കലക്ടർ നിർദേശം നൽകിയിട്ടുണ്ട്. കുടുംബവഴക്ക് സംഘട്ടനത്തിൽ കലാശിച്ചു; മൂന്നുപേർക്ക് പരിക്ക് ചെറുതോണി: തലക്കും കൈക്കും വെട്ടേറ്റ നിലയിൽ കരിമ്പൻ മണിപ്പാറക്കാനത്തിൽ തോണിപ്പറമ്പിൽ രതീഷിനെ (35) ഇടുക്കി മെഡിക്കൽ കോളജ് ആശുപത്രയിലും വയറിന് കുത്തേറ്റ നിലയിൽ ഇയാളുടെ ഭാര്യപിതാവ് പുഷ്പഗിരി കിഴക്കേപ്പറമ്പിൽ രാജശേഖരനെ (60) കട്ടപ്പന സ്വകാര്യ ആശുപത്രിയിലും പ്രവേശിപ്പിച്ചു. സംഘർഷത്തിൽ തടസ്സം പിടിക്കാൻ ചെന്ന രാജശേഖരന്റെ ഭാര്യ ലേഖക്കും പരിക്കേറ്റു. ഇവരും ചികിത്സയിലാണ്. പിണങ്ങിപ്പോയ ഭാര്യയെ കാണാൻ ചെന്നതാണ് രതീഷും മാതാവും ജ്യേഷ്ഠന്റെ രണ്ട് മക്കളും. അവിടെവെച്ചുണ്ടായ വാക്കുതർക്കം വെട്ടിലും കുത്തിലും കലാശിക്കുകയായിരുന്നു. ഇരുകൂട്ടരുടെയും പരാതിയിൽ രണ്ട് കേസുകൾ രജിസ്റ്റർ ചെയ്ത് അന്വേഷണം നടത്തിവരുന്നതായി തങ്കമണി പൊലീസ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.