പെരുവന്താനം: ഗ്രാമപഞ്ചായത്തും ജൈവവൈവിധ്യ പരിപാലന ബോർഡുംകൂടി പഞ്ചായത്തിലെ ടൂറിസം കേന്ദ്രങ്ങളെയും കൃഷിയിടങ്ങളെയും കോർത്തിണക്കി ജൈവവൈവിധ്യ ഗ്രാമീണ കാർഷിക ടൂറിസം പദ്ധതി നടപ്പിലാക്കുന്നു. അന്തരാഷട്ര ജൈവ വൈവിധ്യദിനത്തിൽ പാലൂർക്കാവ് ഗവ. ആയുർവേദ ആശുപത്രി വളപ്പിൽ ഔഷധസസ്യങ്ങൾ നട്ട് ഗ്രാമപഞ്ചായത്ത് പ്രസിഡന്റ് ഡോമിന സജി ഉത്ഘാടനം ചെയ്തു. പാതയോരങ്ങളിൽ ഔഷധമരങ്ങൾ നട്ടുപിടിപ്പിക്കുക, ജൈവവൈവിധ്യ പാർക്കുകൾ, ഔഷധവനം, ശലഭ പാർക്ക് ഔഷധഗാർഡൻ കുടുംബശ്രീ ലഘുഭക്ഷണശാലകൾ, ആധുനിക രീതിയിലെ ടോയ്ലറ്റ് സംവിധാനം, സഞ്ചാരികൾക്ക് കൃഷിയിടങ്ങൾ സർന്ദർശിക്കാനും നാടൻ ഭക്ഷണം ലഭിക്കുന്നതിനും കൃഷിയിടങ്ങളിൽനിന്ന് ഉൽപന്നങ്ങൾ നേരിട്ട് വാങ്ങുന്നതിനും സൗകര്യം ഉൾപ്പെടുത്തിയാണ് പദ്ധതി നടപ്പിലാക്കുന്നത്. പഞ്ചായത്ത്, ജൈവവൈവിധ്യ ബോർഡ്, വനംവകുപ്പ്, ടൂറിസം ഡിപ്പാർട്മെന്റ് തുടങ്ങിയ വിവിധ വകുപ്പുകളുടെ സഹായസഹകരണത്തോടുകൂടി ഡീൻ കുര്യാക്കോസ് എം.പിയുടെ സാഗി പഞ്ചായത്ത് പദ്ധതിയിൽ ഉൾപ്പെടുത്തി നടപ്പിലാക്കുന്ന പദ്ധതി ജൂൺ ആദ്യവാരം ആരംഭിക്കുമെന്ന് പഞ്ചായത്ത് പ്രസിഡന്റ് പറഞ്ഞു. വാർഡ് മെംബർ ഷീബ വിനോയി അധ്യക്ഷതവഹിച്ചു. ആയുർവേദ ഡോക്ടർ ഹരി, പഞ്ചയത്ത് മെംബർ എബിൻ കുഴിവേലി, സാഗി കോഓഡിനേറ്റർ വി.എ. സുഹൈൽ, വ്യവസായ വകുപ്പ് കോഓഡിനേറ്റർ ജോജി ജോസഫ്, യൂത്ത് കോഓഡിനേറ്റർ മനു വേഴമ്പത്തോട്ടം തുടങ്ങിയവർ സംസാരിച്ചു. കൺവീനർ ജോസ് പനച്ചിക്കൽ സ്വാഗതവും ജോളി വർഗീസ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.