ജലയാനങ്ങളുടെ സുരക്ഷ: എറണാകുളം ജില്ലയിൽ നിരീക്ഷണ സമിതികൾ രൂപീകരിക്കും

കൊ​ച്ചി: ജി​ല്ല​യി​ലെ യാ​ത്ര, വി​നോ​ദ​യാ​ത്ര ബോ​ട്ടു​ക​ളി​ലെ സു​ര​ക്ഷ ഉ​റ​പ്പാ​ക്കു​ന്ന​തി​ന്‍റെ ഭാ​ഗ​മാ​യി ജി​ല്ല​ത​ല​ത്തി​ലും താ​ലൂ​ക്കു​ത​ല​ത്തി​ലും നി​രീ​ക്ഷ​ണ സ​മി​തി​ക​ൾ രൂ​പ​വ​ത്ക​രി​ക്കാ​ൻ തീ​രു​മാ​നം. ജി​ല്ല​യി​ൽ സ​ർ​വി​സ് ന​ട​ത്തു​ന്ന ബോ​ട്ടു​ക​ളു​ടെ സു​ര​ക്ഷ സം​ബ​ന്ധി​ച്ച് ജി​ല്ല പ​ഞ്ചാ​യ​ത്ത് പ്ര​സി​ഡ​ന്‍റ്​ ഉ​ല്ലാ​സ് തോ​മ​സ്, ക​ല​ക്ട​ർ എ​ൻ.​എ​സ്.​കെ. ഉ​മേ​ഷ് എ​ന്നി​വ​രു​ടെ നേ​തൃ​ത്വ​ത്തി​ൽ ചേ​ർ​ന്ന യോ​ഗ​ത്തി​ലാ​ണ് തീ​രു​മാ​നം.

നി​രീ​ക്ഷ​ണ സ​മി​തി​യു​ടെ നേ​തൃ​ത്വ​ത്തി​ൽ ജി​ല്ല​യി​ലെ എ​ല്ലാ ജ​ല​യാ​ന​ങ്ങ​ളി​ലും സു​ര​ക്ഷ ഉ​റ​പ്പു​വ​രു​ത്താ​നു​ള്ള ന​ട​പ​ടി​ക​ൾ സ്വീ​ക​രി​ക്കും. ഇ​തി​ന്‍റെ ഭാ​ഗ​മാ​യി എ​ല്ലാ ബോ​ട്ടു​ക​ളി​ലും നേ​രി​ട്ട് പ​രി​ശോ​ധ​ന ന​ട​ത്തു​ക​യും സു​ര​ക്ഷ ന​ട​പ​ടി​ക​ൾ വി​ല​യി​രു​ത്തു​ക​യും ചെ​യ്യും.

ജി​ല്ല ടൂ​റി​സം പ്ര​മോ​ഷ​ൻ കൗ​ൺ​സി​ലാ​യി​ക്കും ജി​ല്ല​ത​ല നി​രീ​ക്ഷ​ണ സ​മി​തി​യു​ടെ നോ​ഡ​ൽ ഓ​ഫി​സ​ർ. ത​ഹ​സി​ൽ​ദാ​ർ​മാ​രാ​ണ് താ​ലൂ​ക്കു​ത​ല നി​രീ​ക്ഷ​ണ സ​മി​തി​യു​ടെ നോ​ഡ​ൽ ഓ​ഫി​സ​ർ.റ​വ​ന്യൂ ഡി​വി​ഷ​ൻ ഓ​ഫി​സ​ർ​മാ​ർ താ​ലൂ​ക്കു​ത​ല നി​രീ​ക്ഷ​ണ സ​മി​തി​യു​ടെ പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്ക​ണം. സ​മി​തി​ക​ൾ എ​ത്ര​യും വേ​ഗ​ത്തി​ൽ രൂ​പ​വ​ത്ക​രി​ച്ച് പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്കാ​ൻ ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും യോ​ഗ​ത്തി​ൽ വി​വി​ധ വ​കു​പ്പ് ഉ​ദ്യോ​ഗ​സ്ഥ​ർ​ക്ക് നി​ർ​ദേ​ശം ന​ൽ​കി.

ക​ല​ക്ട​റു​ടെ ചേം​ബ​റി​ൽ ചേ​ർ​ന്ന യോ​ഗ​ത്തി​ൽ ജി​ല്ല ദു​ര​ന്ത​നി​വാ​ര​ണ അ​തോ​റി​റ്റി ഡെ​പ്യൂ​ട്ടി ക​ല​ക്ട​ർ ഉ​ഷ ബി​ന്ദു​മോ​ൾ, കൊ​ച്ചി സി​റ്റി, എ​റ​ണാ​കു​ളം റൂ​റ​ൽ പൊ​ലീ​സ് മേ​ധാ​വി​മാ​ർ, ത​ദ്ദേ​ശ സ്വ​യം​ഭ​ര​ണ വ​കു​പ്പ് ജോ​യ​ന്‍റ്​ ഡ​യ​റ​ക്ട​ർ, കൊ​ച്ചി കോ​ർ​പ​റേ​ഷ​ൻ സെ​ക്ര​ട്ട​റി, ജി​ല്ല അ​ഗ്നി​ര​ക്ഷ ഓ​ഫി​സ​ർ, കേ​ര​ള ഷി​പ്പി​ങ് ആ​ൻ​ഡ് ഐ​ല​ൻ​ഡ് നാ​വി​ഗേ​ഷ​ൻ മാ​നേ​ജി​ങ് ഡ​യ​റ​ക്ട​ർ, സ്റ്റേ​റ്റ് വാ​ട്ട​ർ സ​ർ​വി​സ് ഓ​ഫി​സ​ർ, ദു​ര​ന്ത​നി​വാ​ര​ണ അ​തോ​റി​റ്റി ജീ​വ​ന​ക്കാ​ർ, ബോ​ട്ട് ഉ​ട​മ​ക​ൾ തു​ട​ങ്ങി​യ​വ​ർ പ​ങ്കെ​ടു​ത്തു.