കൂത്താട്ടുകുളം: ഒന്നാം സമ്മാനത്തിന് അർഹമായ പൂജ ബംപർ ലോട്ടറി വിറ്റത് കൂത്താട്ടുകുളം കിഴകൊമ്പിലെ ചായക്കടയിൽനിന്ന്. അഞ്ചു കോടി ലഭിച്ച ഭാഗ്യവാൻ ആരാണെന്നറിയാൻ വിൽപനക്കാരൻ കിഴകൊമ്പ് മോളെപറമ്പിൽ ജേക്കബ് കുര്യൻ കാത്തിരിക്കുകയാണ്. കിഴകൊമ്പ് പോസ്റ്റ് ഓഫിസ് കവലയിലെ കടയിൽ ഒരാഴ്ച മുമ്പാണ് കൂത്താട്ടുകുളം ടൗണിലെ ലോട്ടറി മൊത്ത വ്യാപാരിയായ സിയാൻറസിൽനിന്ന് ലോട്ടറി വിൽപനക്ക് എടുത്തത്.
റോഡരികിലെ വ്യാപാര സ്ഥാപനത്തിൽ നിരവധി ആളുകൾ ലോട്ടറി വാങ്ങാൻ എത്താറുണ്ട്. അതുകൊണ്ടുതന്നെ ഒന്നാം സമ്മാനം ലഭിച്ച ഭാഗ്യവാൻ ആരാണെന്ന് ജേക്കബിന് ഓർത്തെടുക്കാൻ കഴിയുന്നില്ല. കൂത്താട്ടുകുളത്തും പരിസരത്തും ഉള്ളവർ ഭാഗ്യവാൻ ആരാണെന്ന് അറിയാനുള്ള ആകാംക്ഷയിലാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.