സമരം ഫലംകണ്ടു; പരേഡ് മൈതാനത്ത് പാകിയ കല്ലുകൾ നീക്കിത്തുടങ്ങി

ഫോ​ർ​ട്ട്​​കൊ​ച്ചി: പ്ര​തി​ഷേ​ധ സ​മ​ര​ങ്ങ​ൾ ഫ​ലം​ക​ണ്ടു. ഫോ​ർ​ട്ട്​​കൊ​ച്ചി പ​രേ​ഡ് മൈ​താ​ന​ത്ത് ന​വീ​ക​ര​ണ​ത്തി​ന്‍റെ പേ​രി​ൽ വി​രി​ച്ച ക​ല്ല് ക​ട്ട​ക​ൾ മാ​റ്റി​ത്തു​ട​ങ്ങി. കൊ​ച്ചി സ്മാ​ർ​ട്ട് മി​ഷ​നാ​ണ്​ മൈ​താ​ന​ത്തി​ന്‍റെ വ​ലി​യൊ​രു ഭാ​ഗം ക​ല്ല് ക​ട്ട വി​രി​ച്ച് സി​മ​ന്‍റ്​ ചെ​യ്ത​ത്.

നാ​ല് രാ​ജ്യ​ങ്ങ​ളു​ടെ സൈ​നി​ക പ​രേ​ഡി​ന് വേ​ദി​യാ​യ ലോ​ക​ത്തെ​ത​ന്നെ ഏ​ക മൈ​താ​ന​മെ​ന്ന ഖ്യാ​തി​യു​ള്ള മൈ​താ​ന​ത്തി​ന്‍റെ ച​രി​ത്രം ന​ശി​പ്പി​ക്ക​രു​തെ​ന്ന് ആ​വ​ശ്യ​പ്പെ​ട്ട് നാ​ട്ടു​കാ​രും കാ​യി​ക​താ​ര​ങ്ങ​ളും ആ​വ​ശ്യ​പ്പെ​ടു​ക​യും പ്ര​തി​ഷേ​ധ പ​രി​പാ​ടി ന​ട​ത്തു​ക​യും ചെ​യ്തി​രു​ന്നു.

പ​രേ​ഡ് മൈ​താ​ന സം​ര​ക്ഷ​ണ​സ​മി​തി രൂ​പ​വ​ത്​​ക​രി​ച്ച്​ ക​ല്ലു​പാ​കു​ന്ന ജോ​ലി ത​ട​യു​ക​യും ചെ​യ്തു. പ്ര​ശ്നം രൂ​ക്ഷ​മാ​യ​തോ​ടെ എം.​എ​ൽ.​എ ഇ​ട​പെ​ടു​ക​യും മൈ​താ​ന​ത്തി​ന്‍റെ പൈ​തൃ​കം സം​ര​ക്ഷി​ച്ചു​ള്ള ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ മ​തി​യെ​ന്ന് സി.​എ​സ്.​എം.​എ​ൽ അ​ധി​കൃ​ത​രോ​ട് നി​ർ​ദേ​ശി​ക്കു​ക​യും അ​ത​നു​സ​രി​ച്ച് രൂ​പ​രേ​ഖ ത​യാ​റാ​ക്കു​ക​യു​മാ​യി​രു​ന്നു.

ഇ​തു​പ്ര​കാ​രം മൈ​താ​ന​ത്ത് പാ​കി​യി​രു​ന്ന ക​ല്ലു​ക​ൾ നീ​ക്കി​ത്തു​ട​ങ്ങി. മൈ​താ​ന​ത്തി​ൽ സ്ഥാ​പി​ച്ച ക​മ്പി​വേ​ലി​യും അ​ടു​ത്ത​ദി​വ​സം നീ​ക്കും. കളിക്കാൻ ഇടമില്ലാതെ വലയുന്ന കായികതാരങ്ങൾ ഇതോടെ ആശ്വാസത്തിലാണ്.