സ്കൂളുകളിൽ ഇനി‘റോബോട്ടിക് വിപ്ലവം’

കൊ​ച്ചി: നി​ർ​മി​ത ബു​ദ്ധി​യ​ട​ക്കം ഏ​റ്റ​വും നൂ​ത​ന​മാ​യ സം​വി​ധാ​ന​ങ്ങ​ളു​മാ​യി ലോ​കം മു​ന്നേ​റു​മ്പോ​ൾ അ​തി​നൊ​പ്പം ച​ലി​ക്കു​ക​യാ​ണ് ന​മ്മു​ടെ സ്കൂ​ളു​ക​ളും. ആ​ധു​നി​ക സാ​ങ്കേ​തി​ക വി​ദ്യ​ക​ൾ പ്രാ​യോ​ഗി​ക ത​ല​ത്തി​ൽ മ​ന​സ്സി​ലാ​ക്കാ​നും സാ​ധ്യ​ത​ക​ളെ കൂ​ടു​ത​ൽ അ​ടു​ത്ത​റി​യാ​നും ഉ​പ​ക​രി​ക്കും​വി​ധം പ​ദ്ധ​തി​ക​ളാ​ണ് ജി​ല്ല​യി​ലെ സ്കൂ​ളു​ക​ളി​ൽ സ​ജ്ജ​മാ​യി​രി​ക്കു​ന്ന​ത്. ഈ ​അ​ധ്യ​യ​ന​വ​ർ​ഷം മു​ത​ൽ പ​ത്താം ക്ലാ​സി​ലെ മു​ഴു​വ​ൻ കു​ട്ടി​ക​ൾ​ക്കും റോ​ബോ​ട്ടി​ക്സ് മേ​ഖ​ല​യി​ൽ പ​ഠ​ന​വും പ്രാ​യോ​ഗി​ക പ​രി​ശീ​ല​ന​വും ന​ട​ത്തു​ന്ന​തി​നാ​യി ജി​ല്ല​യി​ലെ 280 സ്കൂ​ളു​ക​ളി​ൽ 2794 റോ​ബോ​ട്ടി​ക് കി​റ്റു​ക​ളു​ടെ വി​ന്യാ​സം പൊ​തു​വി​ദ്യാ​ഭ്യാ​സ വ​കു​പ്പി​ലെ കേ​ര​ള ഇ​ൻ​ഫ്രാ​സ്ട്ര​ക്ച​ർ ആ​ൻ​ഡ് ടെ​ക്നോ​ള​ജി ഫോ​ർ എ​ജു​ക്കേ​ഷ​ൻ (കൈ​റ്റ്) പൂ​ർ​ത്തി​യാ​ക്കി.

ഇ​തി​ൽ സ​ർ​ക്കാ​ർ, എ​യ്ഡ​ഡ് സ്കൂ​ളു​ക​ളാ​ണ് ഉ​ൾ​പ്പെ​ടു​ന്ന​ത്. പ​ത്താം​ക്ലാ​സി​ലെ പു​തി​യ ഐ.​സി.​ടി പാ​ഠ​പു​സ്ത​ക​ത്തി​ലെ റോ​ബോ​ട്ടു​ക​ളു​ടെ ലോ​കം എ​ന്ന ആ​റാം അ​ധ്യാ​യ​ത്തി​ലാ​ണ് സ​ർ​ക്യൂ​ട്ട് നി​ർ​മാ​ണം, സെ​ൻ​സ​റു​ക​ളു​ടെ​യും ആ​ക്ചു​വേ​റ്റ​റു​ക​ളു​ടെ​യും ഉ​പ​യോ​ഗം, ക​മ്പ്യൂ​ട്ട​ർ പ്രോ​ഗ്രാ​മി​ങ് വ​ഴി ഇ​ല​ക്ട്രോ​ണി​ക് ഉ​പ​ക​ര​ണ​ങ്ങ​ളെ നി​യ​ന്ത്രി​ക്കു​ക തു​ട​ങ്ങി​യ പ്ര​വ​ർ​ത്ത​ന​ങ്ങ​ളി​ലൂ​ടെ റോ​ബോ​ട്ടി​ക്സി​ന്‍റെ പു​തി​യ ആ​ശ​യ​ങ്ങ​ളും ആ​ശ​യ​മാ​തൃ​ക​ക​ളും ക​ണ്ടെ​ത്താ​ൻ കു​ട്ടി​ക​ൾ​ക്ക് അ​വ​സ​രം ല​ഭി​ക്കു​ന്ന​ത്. കൂ​ടു​ത​ൽ സ്കൂ​ളു​ക​ളി​ലേ​ക്ക് പ​ദ്ധ​തി​യെ​ത്തും.

കൈ​യു​ടെ സാ​ന്നി​ധ്യം തി​രി​ച്ച​റി​യു​ന്ന സാ​നി​റ്റൈ​സ​ർ ഡി​സ്പെ​ൻ​സ​ർ

സ്കൂ​ളു​ക​ൾ​ക്ക് ന​ൽ​കി​യ റോ​ബോ​ട്ടി​ക് കി​റ്റി​ലെ ആ​ർ​ഡി​നോ ബ്ര​ഡ് ബോ​ർ​ഡ്, ഐ.​ആ​ർ സെ​ൻ​സ​ർ, സെ​ർ​വോ മോ​ട്ടോ​ർ, ജ​മ്പ​ർ വെ​യ​റു​ക​ൾ തു​ട​ങ്ങി​യ​വ പ്ര​യോ​ജ​ന​പ്പെ​ടു​ത്തി കൈ​യു​ടെ സാ​ന്നി​ധ്യം തി​രി​ച്ച​റി​ഞ്ഞ് പ്ര​വ​ർ​ത്തി​ക്കു​ന്ന ഓ​ട്ടോ​മാ​റ്റി​ക് സാ​നി​റ്റൈ​സ​ർ ഡി​സ്പെ​ൻ​സ​ർ ത​യാ​റാ​ക്ക​ലാ​ണ് ആ​ദ്യ പ്ര​വ​ർ​ത്ത​നം.

എ.​ഐ ഉ​പ​യോ​ഗി​ച്ചു​ള്ള ഹോം ​ഓ​ട്ടോ​മേ​ഷ​ൻ സം​വി​ധാ​ന​ത്തി​ലൂ​ടെ മു​ഖം തി​രി​ച്ച​റി​ഞ്ഞ് സ്വ​യം തു​റ​ക്കു​ന്ന സ്മാ​ർ​ട്ട് വാ​തി​ലു​ക​ൾ ത​യാ​റാ​ക്ക​ലാ​ണ് പ​ത്താം ക്ലാ​സി​ലെ ഓ​രോ കു​ട്ടി​യും ചെ​യ്തു​നോ​ക്കേ​ണ്ട അ​ടു​ത്ത പ്ര​വ​ർ​ത്ത​നം. കൂ​ടു​ത​ൽ റോ​ബോ​ട്ടി​ക് കി​റ്റു​ക​ൾ ആ​വ​ശ്യ​മു​ള്ള സ്കൂ​ളു​ക​ൾ​ക്ക് അ​വ നേ​രി​ട്ട് വാ​ങ്ങാ​നും കൈ​റ്റ് സം​വി​ധാ​ന​മൊ​രു​ക്കി​യി​ട്ടു​ണ്ട്.

ച​ലി​ക്കു​ന്ന റോ​ബോ​ട്ടു​ക​ളെ നി​ർ​മി​ക്കാ​നും സം​വി​ധാ​ന​മെ​ത്തും

പ​ത്താം ക്ലാ​സി​ൽ ഐ.​സി.​ടി പാ​ഠ​പു​സ്ത​കം പ​ഠി​പ്പി​ക്കേ​ണ്ട ജി​ല്ല​യി​ലെ 795 അ​ധ്യാ​പ​ക​ർ​ക്ക് റോ​ബോ​ട്ടി​ക്സി​നാ​യു​ള്ള പ്ര​ത്യേ​ക പ​രി​ശീ​ല​നം കൈ​റ്റ് ആ​ഗ​സ്റ്റ് എ​ട്ടോ​ടെ പൂ​ർ​ത്തി​യാ​ക്കും. നി​ല​വി​ൽ ന​ൽ​കി​യ റോ​ബോ​ട്ടി​ക് കി​റ്റു​ക​ൾ​ക്ക് പു​റ​മെ ച​ലി​ക്കു​ന്ന റോ​ബോ​ട്ടു​ക​ൾ ഉ​ൾ​പ്പെ​ടെ നി​ർ​മി​ക്കാ​ൻ ക​ഴി​യു​ന്ന അ​ഡ്വാ​ൻ​സ്ഡ് കി​റ്റു​ക​ൾ ഈ ​വ​ർ​ഷം​ത​ന്നെ ലി​റ്റി​ൽ കൈ​റ്റ്സ് യൂ​നി​റ്റു​ക​ൾ​ക്ക് ല​ഭ്യ​മാ​ക്കു​മെ​ന്ന് കൈ​റ്റ് സി.​ഇ.​ഒ കെ. ​അ​ൻ​വ​ർ സാ​ദ​ത്ത് അ​റി​യി​ച്ചു. ഈ ​വ​ർ​ഷം സ്കൂ​ളു​ക​ളി​ൽ പ്ര​ത്യേ​ക റോ​ബോ​ഫെ​സ്റ്റു​ക​ളും കൈ​റ്റ് സം​ഘ​ടി​പ്പി​ക്കും.