കൊച്ചി: ഉടമയറിയാതെ വാടക വീട്‌ പണയപ്പെടുത്തി പണം തട്ടിയ കേസിൽ ഒരാളെ എളമക്കര പൊലീസ്‌ പിടികൂടി. തൃശൂർ വലപ്പാട്‌ കരിയാമുട്ടം കറപ്പംവീട്ടിൽ ഫൈസലിനെയാണ്‌ (44) അറസ്റ്റ് ചെയ്തത്‌.
കഴിഞ്ഞ മാർച്ചിലാണ്‌ പോണേക്കര സ്വദേശി സഞ്ജയ് വാര്യരുടെ വീട്‌ റിയൽ എസ്‌റ്റേറ്റ്‌ ഇടപാടുകാരനായ ഫൈസലും സംഘവും വാടകക്കെടുത്ത് പണയപ്പെടുത്തിയത്.വ്യാജ രേഖയുണ്ടാക്കി എട്ട്‌ ലക്ഷത്തോളം രൂപക്കാണ് പണയത്തിന് നൽകിയത്.
കൂട്ടുപ്രതികളെ പിടികൂടാനുണ്ട്. എസ്‌.ഐ.മാരായ എം.ഒ. ജോയി, എം.എ. ഫൈസൽ, എ.എസ്‌.ഐമാരായ ടി.ആർ. സെൻ, സുധീഷ്‌ബാബു, സീനിയർ സി.പി.ഒ പി.സി. രാജേഷ്‌ എന്നിവർ ചേർന്നാണ്‌ പ്രതിയെ പിടികൂടിയത്‌. കോടതിയിൽ ഹാജരാക്കി റിമാൻഡ്‌ ചെയ്‌തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.