കൊച്ചി: കാഷ്ലെസ് ചികിത്സക്ക് അവകാശമുണ്ടായിരുന്നിട്ടും ചികിത്സ ചെലവ് നൽകാതിരുന്ന ഇൻഷുറൻസ് കമ്പനി 76,000 രൂപ നഷ്ടപരിഹാരം നൽകണമെന്ന് ജില്ല ഉപഭോക്തൃ ഫോറം.
സ്റ്റാർ ഹെൽത്ത് ഇൻഷുറൻസ് കമ്പനിയുടെ നടപടി സേവനത്തിലെ ന്യൂനതയും അധാർമിക കച്ചവട രീതിയുമാണെന്ന് ഫോറം നിരീക്ഷിച്ചു.
ചികിത്സ ചെലവായി 46,203 രൂപയും നഷ്ടപരിഹാരവും കോടതി ചെലവുമായി 30,000 രൂപയും നൽകാനാണ് ഉത്തരവ്. പുത്തൻകുരിശ് സ്വദേശി റെജി ജോൺ സമർപ്പിച്ച പരാതിയിൽ ഡി.ബി. ബിനു പ്രസിഡന്റും വി. രാമചന്ദ്രൻ, ടി.എൻ. ശ്രീവിദ്യ എന്നിവർ അംഗങ്ങളുമായ ജില്ല ഉപഭോക്തൃ തർക്ക പരിഹാര ഫോറമാണ് ഉത്തരവിട്ടത്.
വ്യാപാരി വ്യവസായി സംഘടനയുടെ ഗ്രൂപ് ഇൻഷുറൻസ് പദ്ധതി പ്രകാരമാണ് ഡ്രൈവറായ പരാതിക്കാരൻ റെഡ് കാർപ്പറ്റ് ഇൻഷുറൻസ് പോളിസി എടുത്തത്. 2021 ജനുവരിയിൽ പരാതിക്കാരന് ഡെങ്കിപ്പനിയും കോവിഡും ബാധിച്ചതായി പ്രാഥമികാരോഗ്യ കേന്ദ്രത്തിലെ പരിശോധനയിൽ കണ്ടെത്തി. പോളിസി വ്യവസ്ഥ പ്രകാരം കാഷ്ലെസ് ചികിത്സക്ക് അവകാശമുണ്ടായിരുന്നിട്ടും ആശുപത്രി ചെലവ് നൽകാൻ എതിർകക്ഷി തയാറായില്ലെന്ന് പരാതിയിൽ ബോധിപ്പിച്ചു.
ഇൻഷുറൻസ് കമ്പനിയുടെ എം പാനൽ ആശുപത്രിയിൽ തന്നെയാണ് ചികിത്സ സ്വീകരിച്ചത്.
എന്നാൽ, ക്ലെയിം അനുവദിക്കാനാവശ്യമായ മുഴുവൻ അസ്സൽ രേഖകളും ഹാജരാക്കിയില്ലെന്ന നിലപാടാണ് എതിർകക്ഷി സ്വീകരിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.