ഹാർബർ സംരക്ഷണം ആവശ്യപ്പെട്ട് നടത്തിയ മനുഷ്യച്ചങ്ങല
തോപ്പുംപടി: കൊച്ചി ഫിഷറീസ് ഹാർബർ സംരക്ഷിക്കണമെന്നാവശ്യപ്പെട്ട് സി.പി.എൽ.യു-സി.ഐ.ടി.യു യൂണിയനുകളുടെ ആഭിമുഖ്യത്തിൽ ഹാർബർ ഗേറ്റ് മുതൽ ഹാർബർ പാലം വരെ മനുഷ്യച്ചങ്ങല തീർത്ത് പ്രതിഷേധിച്ചു.140 കോടിയുടെ ഹാർബർ നവീകരണ ജോലികൾ ഇഴഞ്ഞ് നീങ്ങുന്ന പശ്ചാത്തലത്തിലാണ് പ്രതിഷേധം. ചങ്ങലയിൽ ഹാർബർ വ്യവസായ സംരക്ഷണ സമിതിയും അണി ചേർന്നു. തോപ്പുംപടിയിൽ സംഘടിപ്പിച്ച യോഗം സി.പി.എം ജില്ല സെക്രട്ടറി സി.എൻ മോഹനൻ ഉദ്ഘാടനം ചെയ്തു. കെ.എം റിയാദ് അധ്യക്ഷത വഹിച്ചു. കെ.ജെ. മാക്സി എം.എൽ.എ, കൗൺസിലർ ബെന്നി ഫെർണാണ്ടസ്, ജോൺ ഫെർണാണ്ടസ്, ഹാർബർ സംരക്ഷണ സമിതി ചെയർമാൻ എ.എം നൗഷാദ്, വി.എം യൂസഫ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.