കൊച്ചി: റഷ്യ-യുക്രെയ്ൻ സംഘർഷത്തെ തുടർന്ന് അവിടെ ഗുരുതര പ്രതിസന്ധി നേരിടുന്ന ഇന്ത്യക്കാരായ വിദ്യാർഥികളെ നാട്ടിൽ എത്തിക്കാൻ കേന്ദ്ര സർക്കാർ കൂടുതൽ ജാഗ്രതയോടെ ഇടപെടണമെന്ന് സി.പി.എം സംസ്ഥാന സമ്മേളനം പ്രമേയത്തിലൂടെ ആവശ്യപ്പെട്ടു. ഇതിന് യുക്രെയ്ൻ അധികൃതരുമായും അയൽ രാജ്യങ്ങളിലെ സർക്കാറുകളുമായും അടിയന്തര ചർച്ച നടത്തണം. പലനഗരങ്ങളിലായി പഠനത്തിൽ ഏർപ്പെട്ട വിദ്യാർഥികൾ ഉൾപ്പെടെയുള്ളവർ, ബങ്കറുകളിൽ ഗത്യന്തരമില്ലാതെ അഭയം തേടിയിരിക്കുകയാണ്. പ്രാഥമിക ആവശ്യങ്ങൾക്ക് പോലും ബുദ്ധിമുട്ടുന്ന സാഹചര്യം നിലനിൽക്കുന്നു. ഇരുരാജ്യങ്ങളിലെയും സൈന്യം ഏറ്റുമുട്ടുന്നതിന്റെ ഭാഗമായി ഇവരുടെ ജീവൻ പോലും ഭീഷണി നേരിടുകയാണ്. കർണാടകയിൽ നിന്നുള്ള മെഡിക്കൽ വിദ്യാർഥി ഷെല്ലാക്രമണത്തിൽ കൊല്ലപ്പെട്ട ദുഃഖകരമായ വാർത്ത ഉത്കണ്ഠയും ആശങ്കയും വർധിപ്പിക്കുന്നു. തുറന്ന ഏറ്റുമുട്ടൽ ആരംഭിക്കുന്നതിന് മുമ്പ്, ഇന്ത്യക്കാരെ രാജ്യത്ത് എത്തിക്കാൻ, കേന്ദ്ര സർക്കാർ ജാഗ്രത കാണിച്ചില്ലെന്ന പരാതി വ്യാപകമായുണ്ടെന്നും പ്രമേയം ചൂണ്ടിക്കാട്ടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.