അദ്വൈതാശ്രമത്തിൽ സർവമത സമ്മേളനം ഇന്ന്

ആലുവ: അദ്വൈതാശ്രമത്തിലെ 98ാമത് സർവമതസമ്മേളനം ചൊവ്വാഴ്ച നടക്കും. വൈകീട്ട് അഞ്ചിന് നടക്കുന്ന സമ്മേളനം മന്ത്രി പി.രാജീവ് ഉദ്ഘാടനം ചെയ്യും. ശ്രീനാരായണ ധർമസംഘം പ്രസിഡന്‍റ് സച്ചിദാനന്ദ സ്വാമി അധ്യക്ഷത വഹിക്കും. എസ്.എൻ.ഡി.പി യോഗം പ്രസിഡന്‍റ് ഡോ.എം.എൻ. സോമൻ മുഖ്യാതിഥിയായിരിക്കും. വിവിധ മതങ്ങളെ പ്രതിനിധാനം ചെയ്ത്​ ഫാ. ഡേവിഡ് ചിറമേൽ, ടി.കെ. അബ്‌ദുൽ സലാം മൗലവി, വയലാർ ഓമനക്കുട്ടൻ, മഞ്ജുഷ ഇമ്മാനുവൽ മിറിയം, കെ.എം. രാജൻ എന്നിവർ സംസാരിക്കും. ഉച്ചക്ക് രണ്ടിന്​ നടക്കുന്ന ശ്രീനാരായണ ദാർശനിക സമ്മേളനം ശിവഗിരിമഠം ശ്രീനാരായണ ധർമസംഘം ട്രസ്‌റ്റ് ജനറൽ സെക്രട്ടറി ഋതംഭരാനന്ദ സ്വാമി ഉദ്ഘാടനം ചെയ്യും.

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.