മട്ടാഞ്ചേരി: കൊച്ചിയെ അമ്പാടിയാക്കി മാറ്റി ശ്രീകൃഷ്ണ ജയന്തി ശോഭായാത്ര. ഫോർട്ട്കൊച്ചി, മട്ടാഞ്ചേരി, കരുവേലിപ്പടി പ്രദേശങ്ങളിലെ 18 കേന്ദ്രങ്ങളിൽനിന്നുള്ള ശോഭായാത്രകൾ രണ്ടു കേന്ദ്രങ്ങളിൽ സംഗമിച്ച് ടി.ഡി ഹൈസ്കൂളിലും രാമേശ്വരം ശിവക്ഷേത്രത്തിലുമെത്തി സമാപിച്ചു. വിവിധ ക്ഷേത്രങ്ങളിൽനിന്നുള്ള ശോഭായാത്രകൾ കുവപ്പാടത്ത് സംഗമിച്ച് ടി.ഡി ഹൈസ്കൂൾ അങ്കണത്തിലെത്തി സമാപിച്ചു. മറ്റ് ശോഭായാത്രകൾ രാമേശ്വരം ശിവക്ഷേത്രത്തിലെത്തിയും സമാപിച്ചു. ബാലഗോകുലം ഭാരവാഹികളായ സി. അജിത്, വേണുഗോപാൽ പൈ, ആഘോഷ കമ്മിറ്റി ചെയർമാൻ ഡോ. രവികുമാർ കമ്മത്ത്, സെക്രട്ടറി ഡോ. സുധീഷ് കുമാർ തുടങ്ങിയവർ നേതൃത്വം നൽകി. ചിത്രം: 1. മട്ടാഞ്ചേരിയിൽ നടന്ന ശോഭായാത്രയിൽനിന്ന് 2. റോഡിൽ കെട്ടിയ ഉറി ഉണ്ണിക്കണ്ണനെ കൊണ്ട് അടിച്ചുപൊട്ടിക്കുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.