ആലപ്പുഴ: വയോധികയുടെ മാല മോഷ്ടിച്ച കേസിൽ ആലപ്പുഴ വെള്ളക്കിണർ വാർഡിൽ തൻസീറ മൻസിലിൽ തൻസീർ (27), ആലപ്പുഴ വെള്ളക്കിണർ വാർഡിൽ തപാൽപറമ്പ് വീട്ടിൽ നഹാസ് (31) എന്നിവരെ അറസ്റ്റ് ചെയ്തു. ഈ മാസം 10നാണ് കേസിനാസ്പദമായ സംഭവം.
വീടിനു മുന്നിലെ റോഡിൽ നിൽക്കുകയായിരുന്ന തത്തംപള്ളി വാർഡിൽ ഹരിദാസിന്റെ ഭാര്യ ശോഭനയുടെ 20 ഗ്രാമിന്റെ സ്വർണമാലയാണ് പ്രതികൾ കവർന്നത്. ആലപ്പുഴ ഡിവൈ.എസ്.പി എൻ.ആർ. ജയരാജ്, ആലപ്പുഴ നോർത്ത് സി.ഐ കെ.പി. വിനോദ് എന്നിവരുടെ നേതൃത്വത്തിൽ നടത്തിയ അന്വേഷണത്തിലാണ് പ്രതികൾ കുടുങ്ങിയത്.
സമീപത്തെ സി.സി ടി.വി ദൃശ്യങ്ങൾ പരിശോധിച്ചതിൽ കറുപ്പും വെളുപ്പും കലർന്ന ഹോണ്ട ഡിയോ സ്കൂട്ടർ ആണെന്ന് കണ്ടെത്തി. സ്കൂട്ടറിനെ ചുറ്റിപ്പറ്റി നടന്ന അന്വേഷണത്തിൽ ഒന്നാം പ്രതി തൻസീറിനെ മുല്ലാത്തുവളപ്പിൽനിന്നും രണ്ടാം പ്രതി നഹാസിനെ മുരുകൻ ജങ്ഷനുസമീപത്തുനിന്നും അറസ്റ്റ് ചെയ്യുകയായിരുന്നു.
എ.എസ്.പി ടി. ഫറാഷ്, എസ്.ഐ അബ്ദുൽ അസീസ്, എസ്.സി.പി.ഒമാരായ വി.എസ്. ബിനോജ്, നജീബ്, സി.പി.ഒമാരായ റോബിൻസൺ, പി.കെ. സുഭാഷ്, ആർ. ശ്യാം, ജോസഫ് ജോയ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.