ആ​ല​പ്പു​ഴയിൽ ശക്തമായ മഴക്ക്​ നേരിയ ശമനം​; പലയിടത്തും വെള്ളക്കെട്ട്

കുട്ടനാട്​, അപ്പർ കുട്ടനാട്​ മേഖലക്ക്​ ആശ്വാസം

ആ​ല​പ്പു​ഴ: ശ​ക്ത​മാ​യ മ​ഴ​ക്ക്​​ നേ​രി​യ ശ​മ​നം വ​ന്നെ​ങ്കി​ലും കു​ട്ട​നാ​ട്ടി​ൽ പ​ല​യി​ട​ത്തും വെ​ള്ള​ക്കെ​ട്ട്. ക​ഴി​ഞ്ഞ​ദി​വ​സം പെ​യ്തി​റ​ങ്ങി​യ മ​ഴ​യു​​ടെ അ​ള​വി​ൽ ഗ​ണ്യ​മാ​യ കു​റ​വാ​ണു​ണ്ടാ​യ​ത്. ഒ​റ്റ​​പ്പെ​ട്ട​യി​ട​ങ്ങ​ളി​ൽ മ​ഴ സാ​ധ്യ​ത​യു​ള്ള​തി​നാ​ൽ ജി​ല്ല​യി​ൽ ഓ​റ​ഞ്ച്​ അ​ല​ർ​ട്ട്​ തു​ട​രും. ക​ട​ലാ​ക്ര​മ​ണ ഭീ​തി​യു​ള്ള​തി​നാ​ൽ മ​ത്സ്യ​ത്തൊ​ഴി​ലാ​ളി​ക​ൾ ക​ട​ലി​ൽ പോ​ക​രു​തെ​ന്ന്​ നി​ർ​ദേ​ശ​മു​ണ്ട്. ക​ന​ത്ത മ​ഴ കു​റ​ഞ്ഞ​ത്​ വെ​ള്ള​പ്പൊ​ക്ക ഭീ​ഷ​ണി നേ​രി​ടു​ന്ന കു​ട്ട​നാ​ട്, അ​പ്പ​ർ​കു​ട്ട​നാ​ട്​ ​പ്ര​ദേ​ശ​ങ്ങ​ൾ​ക്ക്​ ആ​ശ്വാ​സ​മാ​യി. എ​ന്നാ​ൽ, പ​ല​യി​ട​ത്തും രൂ​പ​പ്പെ​ട്ട വെ​ള​ള​ക്കെ​ട്ടി​ന്​​ മാ​റ്റ​മു​ണ്ടാ​യി​ട്ടി​ല്ല. മ​​ങ്കൊ​മ്പ്​-​വി​കാ​സ് മാ​ർ​ഗ്​ ച​തു​ർ​ഥ്യാ​ക​രി, പു​ളി​ങ്കു​ന്ന്​-​അ​യ്യ​നാ​ട്​ എ​ന്നീ റോ​ഡു​ക​ളി​ലാ​ണ്​ വെ​ള്ള​ക്കെ​ട്ട്​ ജ​ന​ങ്ങ​ൾ​ക്ക്​ ദു​രി​ത​മാ​കു​ന്ന​ത്. ആ​ല​പ്പു​ഴ ന​ഗ​ര​സ​ഭ പ്ര​ദേ​ശ​ങ്ങ​ളി​ലെ പൂ​ന്തോ​പ്പ്, ത​ത്തം​പ​ള്ളി എ​ന്നി​വി​ട​ങ്ങ​ളി​ൽ നി​ര​വ​ധി വീ​ടു​ക​ളി​ലും വെ​ള്ളം ക​യ​റി​യി​രു​ന്നു. കു​ട്ട​നാ​ട്ടി​ലേ​ക്ക്​ ഒ​ഴു​കി​യെ​ത്തു​ന്ന കി​ഴ​ക്ക​ൻ​ വെ​ള്ളം ക​ട​ലി​ലേ​ക്ക്​ ഒ​ഴു​ക്കാ​ൻ തോ​ട്ട​പ്പ​ള്ളി സ്പി​ൽ​വേ​യും ത​ണ്ണീ​ർ​മു​ക്കം ബ​ണ്ടും​ മു​ഴു​വ​ൻ ഷ​ട്ട​റു​ക​ളും തു​റ​ന്നി​ട്ടു​ണ്ട്. തോ​ട്ട​പ്പ​ള്ളി സ്​​പി​ൽ​വേ​യി​ൽ 39 ഷ​ട്ട​റു​ക​ളാ​ണ്​ തു​റ​ന്നി​ട്ടു​ള്ള​ത്. ഇ​തി​ലൂ​ടെ ജ​ല​മൊ​ഴു​ക്ക്​ സു​ഗ​മാ​ക്കു​ന്നു​ണ്ട്. മീ​ന​ച്ചി​ൽ, പ​മ്പ, മ​ണി​മ​ല, അ​ച്ച​ൻ​കോ​വി​ൽ ന​ദി​ക​ളി​ലെ വെ​ള്ളം ഒ​ഴു​കി​യെ​ത്തു​ന്ന വേ​മ്പ​നാ​ട്ടു​കാ​യ​ലി​ൽ​നി​ന്ന്​ പു​റ​ന്ത​ള്ളാ​ൻ ത​ണ്ണീ​ർ​മു​ക്ക​ത്തെ 90 ഷ​ട്ട​റു​ക​ളും തു​റ​ന്നി​ട്ടു​ണ്ട്. ന​ദി​ക​ളി​ലും തോ​ടു​ക​ളി​ലും കാ​ര്യ​മാ​യ ജ​ല​നി​ര​പ്പ്​ ഉ​യ​ർ​ന്നി​ട്ടി​ല്ല. കൃ​ഷി ക​ഴി​ഞ്ഞ പാ​ട​ശേ​ഖ​ര​ങ്ങ​ളി​ൽ വെ​ള​ളം​കെ​ട്ടി​നി​ൽ​ക്കു​ന്ന​ത്​ ജ​ന​ങ്ങ​ളെ ദു​രി​ത​ത്തി​ലാ​ക്കു​ന്നു​ണ്ട്​. ഇ​ത്​ ഗ്രാ​മീ​ണ റോ​ഡു​ക​ളി​ൽ വെ​ള്ളം​ക​യ​റു​ന്ന​തി​ന്​ കാ​ര​ണ​മാ​യി​ട്ടു​ണ്ട്.